JEREMIA 3:8 - Bawm Common Language Bible Version

⁸ Israel chu hawng ka hawitâk hen nunau â zuar mi asi rawh ruangah ka mâk le, ka nar ving mi Juda khawm nih a muh. Sikhawmsele Juda, Israel zumhkâilo unaunu nih a ṭih lo thlo. Amah khawm â zuar le,

JEREMIA 3:8 ပူးပေါင်းရင်းမြစ်များ

2 CHRONICLES 21:11

Juda ram mun sungah lunglotu tla ruk sawnhnâk a siam le, Juda mi leh Jerusalem mi tla chu LALPA lakah thilsual a tipi na.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 33:24

“Israel leh Juda dâwngsungkhur panih ka thîm na mi ka nawng ti hen mi nih an sim mi na theih ma? Churuang chun mi nih ka mi tla chu an zauhnawmh hen phun khawm ah an rêl na lo.

JEREMIA 5:7

LALPA nih, “Ka mi tla sualnâk zei rangah ka ngaihdam lai? An ka kaltâk le, pathian tak silo mi tla an sawnh. Ka mi tla chu an khim lânlo ka châwm na, sikhawmsele ṭângdang an pawm le, â zuar mi nunau tla hen an tik an mang.

EZEKIEL 16:46

Na unu chu Samaria, a khua tla hen marlei ah um mi asi. Na naunu chu Sodom, a khua tla hen simlei kângah um mi asi.

EZEKIEL 16:47

An umdân zûl hen thil fihnungkâi an ti mi châwng chu na duh zia asi mu? Silo, sâwtlotê ah thil zeizawng na ti mi lakah na umdân chu anmah umdân ngâk hen a ṭhalo dauh.

EZEKIEL 16:51

“Samaria sualnâk chu nan sualnâk a khing khawm a tling lo. A ti tâwn mi ngâk hen nannih nih thil fihnungkâi nan ti mi a tam dauh. Na siatnâk chu tahkhiat hen na unaunu tla chu sual nei lo mi hâwi an si.

EZEKIEL 23:44

Hi â zuar mi nunau tla sinah hin an va kal nawlh lemang. Oholah leh Oholibah mi hur nunau tla sinah an va kîr nawlh.

EZEKIEL 23:9

Churawhchun, amah mêldîtu tla Asiria tla a duh tak mi sinah ka pêk ving.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

DEUTERONOMY 24:1

“Mi nih nunau a umpi hen a nehnûn ah a um dân a muh hen a duh lo chun, mâknâk lasui a rîn hen a pêk lai le, a in sungkhur ah mi chu a kaltir lai rawh.

DEUTERONOMY 24:3

anih khawm nih mâknâk lasui a rîn lai le, nunau sinah a pêk lai le, a in ah mi chu a kaltir lai. Asi lo leh, a pasal panihnâk chu a thi ving kho.