JEREMIA 3:3 - Bawm Common Language Bible Version

³ Churuangah asi, ruah sûrlo hen fûr a tla lonâk chu. Nang chu nunau â zuar mi na bangh le; ningzaknâk na nei lo.

JEREMIA 3:3 ပူးပေါင်းရင်းမြစ်များ

GENESIS 19:34

A thâituan chun a fanu upa dauh mi nih a naunu sinah, “Mazân ah a sinah ka it rawh; tuzân khawm kan rîttir nawlh lai le, nang a sinah va it rawh. Churawhchun, kan panih hen kan pa thawk hen fa kan nei lai rawh,” a ti.

NEHEMIAH 9:17

Thu an ngâilo le; na thilti tla khawm an philh ver; anna zûmnâk ruangah Aigupta ram lîlâ ah sal tângpitu ding ah ruitu an thîm. Sikhawmsele, nang chu ngaihdamtu Pathian na si le; an lakah vêl na nei hen, na dâwt na, na thinthawk duh loh, Na khuaruatnâk a rokual le, na kaltâk na lo.

THUFING LASUIBU 21:29

Mirep tla nih chun anmah lakah theihthiamnâk an nei. Misual tla nih chun an ti kho rirî hen perpet ding an tum.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

JEREMIA 14:1

Ni khua khêu thu ah LALPA nih ka sinah,

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 14:3

Minei tla nih an to-aw tla tî than ding hen an fial na le; tipang leiah an va kal le, sikhawmsele tî an tawng lo; an bêl karo hen an kîr nawlh. Lungdawng leh thinlung nawk hen an mêl an thuh.

JEREMIA 14:4

Ruah a um lo ruangah tual a châr hep, phâisen nâwntu tla chu an thinlung a fâk tuktarâi le, an mêl an thuh.

JEREMIA 36:2

“Lasuibuzual lâk le, Israel leh Juda mi leh phun zawzawng thu ka nan simh mi zeizawng chu rîn rawh. A tîr ah, Josiah a lal liauah thil zeizawng ka nan simh mi thawk hen tu tiang mi thu ka nan simh mi chu rîn ver.

JEREMIA 5:24

Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

JEREMIA 5:25

Chubang ding ngâk hen, nan sualnâk nih chubang thil ṭha tla chu an dawktir na asi.

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 6:15

Hi bang thil nâwmtâm an ti ruangah an ning a zak ma? Zak lo e, an ning a zak rîlmâl lo; zei hâwi ningzak a kâi ti khawm an theih lo. Churuangah midang an tlû mi hâwi hen an tlû lai le; anmah ka rêp na tikah an dawnghnâk asi lai rawh. Kei, LALPA nih ka sim asi,” a ti.

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

JEREMIA 9:12

Kei nih, “LALPA, zei rangah ram chu râwk hen ramkaro hâwi hen a châr le, âukhawm mi velvâ an um lo zia? Hi hi theihthiam ding hen âu a fing tâwk lai? Midang a simh kho ding hen âu na simhfiang?” ka ti.

EZEKIEL 3:7

Sikhawmsele, Israel mi tla lakah aûkhawm nih na thu an ngâi piak duh lai lo; kei thu khawm an ngâi ding asi lo. An ektê hen an lungkhung hen zeikhawm an siarlo.

LEVITICUS 26:19

Zûm tak hen nan lung nan khungtir mi chu ka veih lai; ruah khawm ka sûrtir lai lo, nan ram chu a châr fêk lai le, thîr hâwi hen a chang lai.

AMOS 4:7

Nan thlâi chîng tla nih ruah tî an herh thlo liauah ruah sûr ding ka khap. Khuapi pakhat ah ka sûrtir khawmsele khuapi dangah chun ka sûrtir lo. Phâisen pakhat ah ruah ka sûrtir le, sikhawmsele phâisen dang tla chu sûrlo hen a hul hiam.

AMOS 4:8

Tîhâl ruangah dî hen, khuapi ah um mi tla zeimaw mi chu khuapi dangah tî tawng ding lungum hen an kal le, sikhawmsele duh tâwk din ding a um lo. Chu khawm ah ka sinah nan hawng kîr lo nget rih.

ZEPHANIAH 2:1

Zak theihlo phun,

ZEPHANIAH 3:5

Sikhawmsele LALPA chu khuapi sungah a um ko le, thildik a ti le, thil diklo chu a ti dahlo. Zîng siar hen a mi le tla sinah thildik a ti, sikhawmsele chunah mireplo tla nih thil diklo an ti kumza.

HAGAI LASUIBU 1:11

Keimah nih ram lakah mi tlâng tla ah, fâng phâisen tla ah, grep dûm tla ah, oliv mun tla ah, thlâi tual ah suahnâk mun kip ah minung leh ramsa tlûnah, thil chîng ding nan tum mi tlûnah ni khua khêunâk ka tlungtir mi asi,” a ti.

DEUTERONOMY 28:23

Ruah rerêng a sûr lai lo le, nan tual chu thîr hâwi hen a chang lai.

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?