JEREMIA 3:25 - Bawm Common Language Bible Version

²⁵ Ningzak hen kan rîl thlo lai le, kan ningzaknâk nih hawng kan khuh seh. Kan thlâktu leh kanmah khawm LALPA kan Pathian lakah kan sual kumza; a thupêk khawm kan ngâi dahlo,” nan ti.

JEREMIA 3:25 ပူးပေါင်းရင်းမြစ်များ

SAM 106:6

Hawng kan thlâktu tla hâwi hen kan sual bâk le; kan ṭhalo hen kan sual.

SAM 106:7

Aigupta ah hawng kan thlâktu tla nih Pathian thilchê ti chu an theihthiam lo le; vei tam tak a dâwtnâk a muhtir na mi chu an philh le, Zeizawng tikhotu Pathian tlûnah Tipi Sen ah chun an hel.

SAM 109:29

Ka mêlma tla chu ningzak saih hen um na seh; an ningzaknâk chu thuam hâwi hen a aih na seh.

THUFING LASUIBU 13:18

Mi zeimaw mi sîn lotu chu a pâm hen a mualpho lai. Nunsimhnâk ngâitu chu zah a kâi.

THUFING LASUIBU 5:13

Hawng ka simhtu thu khawm ka ngâilo rawh, an thusim leikâng khawm ka nâ ka dawnh lo rawh.

ISAI 48:8

Hel hâwi kumza hen theih nan si ruangah, zumh nan kâi kho awtlo ti ka theih. Chu chu asi, hi hi nan theih dahlo mi chu, zei rangah nan nâ ah thu a lût lo thlo.

ISAI 50:11

Nannih midang tla veih ding hen phiartu zawzawng tla, nanmah phiarnâk nih a nan veih na lai. Hamh tak hen thihnâk nan tuar ding mi chu LALPA nih a hawng tlungtir lai.

JEREMIA 11:13

Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 12:13

Ka mi tla nih fâng an tuh le, sikhawmsele belh an pumh le; tha fâk tak hen rian an ṭuan le, sikhawmsele zeikhawm an tawng lo. Ka thinthawknâk fâk ruangah an thlâi chîng tla a vei hep,” a ti.

JEREMIA 14:20

LALPA, na lakah thilsual kan ti, kanmah sual leh kan thlâktu sualnâk tla na sinah kan hawng phuang asi.

JEREMIA 14:7

Ka mi tla nih an ka auh le, ‘LALPA, kan sual nih hawng kan mawhtir khawmsele, thu nâ tiam mi hâwi hen hawng kan ṭangpi rawh.’ Vei tam tak kâng dang leiah kan hawitâk le, na tlûnah thilsual kan ti.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:2

hi thuchah hi phuang ding hen hawng ka simh. “Na ngâksia liauah zumh na kâi zia tla, kanna umhtîr liauah na ka dâwt zia tla; ramkaro ah vât dahlo mi ram ah na hawng ka zûl mi tla kha ka theihkumza.

JEREMIA 2:26

LALPA nih, “Mifîr chu an tleih le, a ning a zak mi hâwi hen, nannih Israel mi tla, nan lalchem tla leh rianṭuantu tla, nan bâwlpu tla leh khuavâng tla, nan ektê hen nan ning a zak lai.

JEREMIA 20:18

Zei rangah ka hawng suak êu? Ka san dawngh leiah nawknâk leh ngaihsiatnâk mualphonâk cho ma asi awt?

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 31:19

Nangmah lakah mi chu kâng dang leiah kanna her le, sikhawmsele sâwtlotê ah hawng kîr ding kan duh. Na kan rêp nûn chun, lungzûr tak hen kan lû kan thlâi thlo. Kan ngâksia liauah thilsual kan ti ruangah ningzakkâi leh mualpho hen kan um,’ an ti.

JEREMIA 6:26

LALPA nih a mi le sinah, “Salâpuan aih ule, vachâm nâwngah rîl u. Minung pakhat nanmah veih ding hen hawng kal mi nih an do sâwm na awt ruangah, fapa pakhat tek ruangah nan lung a fâk ding mi hâwi hen mitthli tlâ rê hen lungfâk u.

JEREMIA 7:19

Sikhawmsele, Kei hi, annih nih lung an hawng ka fâktir ding mi ma kasi? Silo, anmah nganfâk anna pêk hen ningzak anna saih mi asi.

JEREMIA 8:14

Pathian mi tla nih, “Zei rangah kan to nget ko rih? Hawng u, kulhnei khuapi ah kan tek lai le, chunah kan thi ko lai. LALPA kan Pathian nih thi ding hen hawng kan mawhtir le; din ding hen tûr hawng kan pêk, a lakah kan sual ruangah.

JEREMIA 9:18

Mi tla nih “Kan mitthli tla ding leh kan mit vun tla chîn dep rê ṭap ding hen mithi vûinâk la hawng kan sak piak ding hen khulrang hen simh na u,” an ti.

LUNGFÂKNÂK 5:16

Kan umsan mi zawzawng chu zeikhawm an mâk mi a um lo. Thilsual kan ti le, tu chun kan vânduai rawh.

LUNGFÂKNÂK 5:7

Hawng kan thlâktu tla nih thilsual an ti le, tu chun an kal ver rawh, anmah sualnâk ruangah kanmah nih kan tuar rawh.

EZEKIEL 2:3

“Thikho mi minung, Israel tla sinah ka nan fial asi. Ka lakah an hel le, an hawng ka hawitâk le, an thlâktu tla hâwi hen an hel nget rih.

EZEKIEL 36:32

Israel, hi bang zawzawng ka ti mi hi nanmah zârah ka ti mi asi lo ti nan theih ding ka duh. Nan thilti lakah ningzak leh mualpho kâi zia nan theih ding hen kan duh na. Kei, LALPA Zahkâi nih ka sim asi,” a ti.

EZEKIEL 44:13

Bâwlpu si hen ka rangah rian an ṭuan lai lo rawh le, thil thenhlimh kiangah kal hen Mun Thenhlimh Chem ah an lût ding asi lo rawh. Hi hi thil fihnungkâi an ti ruangah rêpnâk chu asi.

EZEKIEL 7:18

Salâpuan anna aih lai le, an thir lai. An lû tla an mêt lai le, ningzakkâi tak hen an um hep lai.

DANIAL 12:2

Chu lakah mi tam tak thi rawh mi tla an hawng nung nawlh lai: a zeimaw mi chu zungzâl nungnâk ah anna lâwm lai le, a zeimaw mi chu zungzâl ningzaknâk an tuar lai.

HOSEA 9:10

LALPA nih, “Israel tla chu ramkaro ah grep a kho mi hâwl ding mi hâwi hen a tîrah chun ka muh na. An thlâk natu chu ka muh tîr chun a tikah theipi a min masa chem mi hâwi hen ka muh na. Sikhawmsele Peor tlângah an hawng le, Baal an sawnh le, an duh mi pathian tla hâwi hen fihnungkâi hen an hawng um sawm.

ZEPHANIAH 1:17

LALPA nih, “Minung tlûnah chubang hâwi siatnâk ka tlungtir lai le, mi zawzawng mitchâw hâwi hen anna dap sup lai. Ka lakah an sual ruangah, tu chun an thî chu tî hâwi hen a tlê lai le, an ruak chu tual ah thû nuai hen a um lai,” a ti.

ROM 6:21

Tuah nan thil zahpi mi lakah hin, kha liau khan rah zei me nan tawng tâwn? Khabang thu dawnghnâk kha thihnâk asi tâwn asi.

LÂIRÊL 2:2

Hi ram mi minung tla hen zeikhawm thudântuk nan siam ding asi lo. An mâichâm tla nan râwk ding asi,’ kan ti na. Sikhawmsele ka nan simh na mi hâwi hen nan ti lo. An ti dân lam nan châwng!