JEREMIA 3:24 - Bawm Common Language Bible Version

²⁴ Sikhawmsele, Baal, ningzaknâk pathian kan sawnh mi ruangah kan ran leh ranrual tla, kan fapa leh kan fanu tla, thil zeizawng hawng kan thlâktu nih a lânah an ṭuan mi tla hawng kan veih phahtir ver.

JEREMIA 3:24 ပူးပေါင်းရင်းမြစ်များ

JEREMIA 11:13

Juda mi tla nih khuapi tla an nei hâwi hen pathian tam tak an nei le, Jerusalem ah um mi tla nih chun khuapi ah zâwllâi tla ah um mi hâwi hen Baal pathian fihnungkâi sinah bâwlnâk ding hen mâichâm tam tak an siam.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 44:7

“Churuang chun, Kei, LALPA Zeizawng tikho, Israel Pathian nih, zei rangah chubang thilsual chu nan ti ti hen tuah ka nan deih na. Mipa tla leh nunau tla, ngâksia leh fasêm tla, nan mi tla pakhat khawm âk lo ding hen an tlûnah siatnâk tlungtir nan duh mu?

JEREMIA 8:16

Kan mêlma tla chu Dan khuapi ah an um ving rawh; an rang tla nâr tum hâu kan theih. An rang tla nih hâu an suah chun ram pumpi a thir. Kan mêlma tla chu kan ram râwk ding leh a sung ah um mi zawzawng râwk ding hen an hawng le, kan khuapi tla leh a mi tla zawzawng hen,” an ti.

JEREMIA 9:18

Mi tla nih “Kan mitthli tla ding leh kan mit vun tla chîn dep rê ṭap ding hen mithi vûinâk la hawng kan sak piak ding hen khulrang hen simh na u,” an ti.

EZEKIEL 16:19

Buh leh sang ṭha chem mi, oliv sariak leh khuaitizû ka nan pêk le, sikhawmsele milem lakah dâwt lawh ding hen bâwlnâk ah na ap,” a ti. Hi hi LALPA Zahkâi nih a sim mi asi.

EZEKIEL 16:20

“Churawhchun, fapa leh fanu na ka ring piak mi khawm bâwlnâk ah milem sinah na ap na.

EZEKIEL 16:61

Chu lakah thil na ti mi leh ningzakkâi tak hen na um mi chu na unu leh na naunu na tawng nawlh na tik chun an theihkumza lai. Na fanu hâwi hen ka umtir na lai le, chu hâwi sikhawmsele hi hi na lakah thudântuk mi lam chu asi lo.

EZEKIEL 16:63

Thilsual na ti mi zawzawng ka nan ngaihdam lai le, sikhawmsele nang khawm nih na theihkumza na lai le, na ningzak tuk ruangah hawlh khawm na hawlh lai lo,” a ti. LALPA Zahkâi nih a sim asi.

HOSEA 10:6

Chu milem chu Asiria leiah an kalpi lai le, tlawmhnâk rangah lal sinah an pêk lai.

HOSEA 2:8

Buh, uain, oliv sariak leh tangka leh ngûn tla Baal sawnhnâk rangah a mang mi pêktu kei chu hawng ka theih rerêng lo.

HOSEA 9:10

LALPA nih, “Israel tla chu ramkaro ah grep a kho mi hâwl ding mi hâwi hen a tîrah chun ka muh na. An thlâk natu chu ka muh tîr chun a tikah theipi a min masa chem mi hâwi hen ka muh na. Sikhawmsele Peor tlângah an hawng le, Baal an sawnh le, an duh mi pathian tla hâwi hen fihnungkâi hen an hawng um sawm.