JEREMIA 3:23 - Bawm Common Language Bible Version

²³ Tlâng tlûnah lunglo pathian kan sawnh mi nih hawng kan ṭangpi lo thlo. Israel rangah ṭangpinâk chu LALPA thawk hen cho a hawng kal.

JEREMIA 3:23 ပူးပေါင်းရင်းမြစ်များ

SAM 3:8

Nehnâk chu LALPA sinah mi asi. A mi tla chu malsâwm seh.

SAM 62:7

Ka ruangsuahnâk leh zah ka kâinâk chu Pathian lakah mi asi; amah chu hawng ka humtu chak tak asi le; ka dawrnâk asi.

THUFING LASUIBU 21:31

Râltuk ding tîm chia zet hen rang tla nei khawm le, nehnâk lam chu LALPA tâ asi.

ISAI 10:20

Israel thibang tla chu a vei ding mi phun lakah anna ngauh lo ding mi tik a hawng tlung awt. LALPA, Israel Pathian thenhlimh chu anna rinhsan tatak lai rawh.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 43:11

“Keimah cho hi LALPA a nan hum kho natu chu kasi.

ISAI 44:9

Milem tla siamtu zawzawng chu zeikhawm asi lo, pathian tla rangah lâwmman sâng tak an pêk mi khawm zeikhawm asi lo. Chu hâwi milem sawnhtu chu mitchâw leh zeikhawm theihlo mi an si, an ning a zak teh lai.

ISAI 45:15

‘Israel Pathian, a mi tla ruangsuahtu a thup hen a um mi Pathian chu asi.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 63:1

“Edom ram ah mi Bozrah khuapi thawk hen a hawng mi âu mesi? A sen hen â thuam ziar le, thiltikhonâk leh chaknâk hen a kal vima mi khi âu mesi?” “Ruangsuah ding hen LALPA thiltikho tak, a nehnâk thu phuang ding hen a hawng mi asi.”

ISAI 63:16

Nang chu kan pa na si. Hawng kan thlâktu Abraham leh Jakob nih hawng kan theihpi lo le, sikhawmsele LALPA nang chu kan pa, ruang hawng kan suah kumzatu na si.

JEREMIA 14:8

Nang chu Israel tla lungumnâk na si le, siatnâk lakah hawng kan humtu na si. Zei rangah kan ram ah mikhual hâwi leh khualtlâwng minung zân khat cho riak mi hâwi hen na um?

JEREMIA 17:14

LALPA, hawng ka damh le, tliang ver hen ka dam lai; hawng ka hum le, him tak hen ka um lai. Ka nan sawr mi chu nang na si!

JEREMIA 17:2

Nan mi tla nih chun pathiannu Aserah chu tlâng tlûnah mi thing ring kip ah leh mâng ah mi tlâng tlûnah an siah le, mâichâm ah an sawnh.

JEREMIA 3:6

Josia a lal liauah LALPA nih ka sinah, “Israel, nunau zumhkâilo nih thil a ti mi khi na muh ma? Ka lakah mi hawng ka hawitâk le, tlâng sâng kip leh thing ring tangah nunau â zuar mi hâwi hen thil a ti.

JEREMIA 31:7

LALPA nih, “Phun zawzawng lakah phun rokual chem Israel rangah lâwm hen la sak u. A vei bang, LALPA nih a mi tla ruang a suah na rawh ruangah sawrnâk la sak u.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

HOSEA 1:7

Sikhawmsele Juda mi tla rangah ka dâwtnâk ka langh lai. Kei, LALPA, an Pathian nih ka hum na lai le, râltuknâk nâmsâu mawh chanhtiang leh thalzum, mawh rang tla leh a tlûnah chuan mi hen mawh an lakah ka tlungtir lai lo,” a ti.

JOHAN 4:22

Nannih nih nan theihlo mi nan sawnh tâwn; kannih nih kan theih mi kan sawnh tâwn. Ruangsuaknâk Juda tla sin thawk hen a hawng suak awt asi.