JEREMIA 3:22 - Bawm Common Language Bible Version

²² Kâng dang leiah LALPA hertâktu zawzawng, hawng kîr u; a nan damh na lai le, zumhkâi hen a nan siam na lai. Nannih nih, “Asi, kan Pathian asi ruangah LALPA sinah kan hawng.

JEREMIA 3:22 ပူးပေါင်းရင်းမြစ်များ

LA TLA LA 1:4

Na sinah hawng ka put le, kan tek ving lai le; Ka lalchem hawng si le, na in kardang sungah hawng ka lûtpi. Munkhat hen kanna lâwm hen kan din lai le, thinlung tak hen a dâwt tawnhnâk kan nei lai. Nunau tla nih an duh mi a chê lo!

ISAI 1:2

LALPA nih, “Tual leh vân, ka thusim ngâi u! Fa ka châwm na mi tla, ka lakah an hel.

ISAI 27:8

LALPA nih a mi tla chu sal ah kaltir na hen a rêp na. Saklei mi thli ṭhalo hen a put ving na.

ISAI 31:6

LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

JEREMIA 3:12

Israel sinah kal hen thu va sim ding hen hawng ka simh, “Zumhkâilo Israel, ka sinah hawng kîr rawh. Kei chu mi khuaruat mi kasi, ka thin a run lai lo; na lakah ka thinrun kumza ding asi lo.

JEREMIA 30:17

Nan mêlma tla nih ‘Zion chu lawnh asi rawh; âukhawm zauhkhenhtu an um lo rawh,’ ti menza na khawmsele; kan damh nawlh na lai le; nan liam mâ tla ka damh lai. Kei, LALPA nih ka sim asi,” a ti.

JEREMIA 31:18

Israel mi tla nih ngaihsiat bû hen, ‘LALPA, ramsa a ngam lo mi hâwi kan si le, sikhawmsele ê-aw ngâi ding hen na hawng kan sîntir an ti mi ka theih. Hawng kan kîrtir nawlh le, nang LALPA kan Pathian sinah kîr ding hen kanna tîm rawh.

JEREMIA 33:6

Sikhawmsele hi khuapi leh a mi tla hi ka damh na lai le, nung dam hen ka umtir nawlh na lai. Thlangamnâk leh himnâk tam tak ka muhtir na lai.

JEREMIA 4:1

LALPA nih, “Israel mi tla, kîr ding nan duh asi chun ka sinah hawng kîr u. Ka hua mi milem tla nan lawnh hen ka lakah zumhkâi hen nan um chun,

EZEKIEL 18:30

“Tuah, kei LALPA Zahkâi nih Israel mi tla mikip nan thilti zia zia hen nan lâi kan rêl piak chiau na awt ti kan simh na. Thilsual nan tinâk ah mi kîr u, nan thilsual ti nih an veih lah na seh.

EZEKIEL 33:11

Kei, LALPA Zahkâi Pathian nung kasi sung zawng chu ka mitmuh hen misual a thi mi lakah lâwmnâk ka nei kho lo ti simh na. An sual rim hen an nung mi muh ka duh dauh asi. Israel, na thilsual ti bâng rawh. Zei rangah thi ding na duh eu?

HOSEA 13:4

LALPA nih, “Kei, LALPA, Aigupta thawk hen an suakpi natu chu kasi. Keimah lo chu Pathian nan nei lo. Keimah lâwng hi ruang an suah natu kasi.

HOSEA 14:1

Israel mi tla, LALPA nan Pathian sinah kîr u. Nan sualnâk nih an bahtir na le an tlûktir na.

HOSEA 14:4

LALPA nih, “Ka sinah ka mi tla chu ka kawh nawlh lai. Ka thinlung zawzawng hen ka dâwt na lai le, an lakah ka thin a run lai lo rawh.

HOSEA 14:5

Israel mi tla sinah, ram châr lakah ruah sûr mi hâwi kasi lai. Chawmpâr hâwi hen an ên lai, Lebanon ah thing tla hâwi hen ram bir tak an thlâk lai.

HOSEA 14:8

Israel mi tla chu milem hen tlâinâk an nei lai lo rawh; An thlachamnâk ka sâng lai le, keimah nih ka zauhkhenh lai; Thing a ring kumza mi hâwi hen ka dawrtir na lai le, Kei chu an rangah malsâwmnâk bul kasi lai,” a ti.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

JOEL 2:12

LALPA nih, “Tu khawm ah, zumhkâi tak hen rim ule, ṭap bû leh lungfâk tak hen buhngei hen ka sinah hawng kîr u.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.