JEREMIA 3:17 - Bawm Common Language Bible Version

¹⁷ Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 3:17 ပူးပေါင်းရင်းမြစ်များ

GENESIS 8:21

Bâwlnâk rim nih LALPA chu a lawmhtir le, a thinlung hen, “Minung chu an thilti leh an ngâksiatê thawk hen an thinlung dawn a sual zia ka theih mi asi ruangah tual chu siat ka barh lai lo rawh. Tutan ah ka ti mi hâwi hen zeiliau khawm ah thil nung zawzawng tla ka veih lai lo rawh.

1 Lal 8:41

“Ramdang mi minung, ram lât takah um mi minung nih na minthang zia leh na mi tla rangah thil rokual na ti mi an theih hen nangmah sawnh ding hen hi Biakin ah an hawng chun,

SAM 102:23

LALPA nih chun ngâksia kasi liauah chaklo tak hen hawng ka siam le; ka san a tâwitir.

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

SAM 87:3

Pathian khuapi, na thâwngthâng chê tak a sim mi chu ngâi rawh.

ISAI 26:8

Na duhzia hâwi hen kan um le, nangmah lakah kan lungum; kan duh mi zawzawng chu nangmah na si.

ISAI 56:6

LALPA nih, ramdang minung tla, a mi tla sinah hawng a pêktu, amah dâwt hen nâwl zulhtu, Dinhni ulh hen a thudântuk zumhkâi tak hen zûltu tla sinah:

ISAI 59:19

Saklei thawk hen thlanglei tiang nih amah leh a thiltikhonâk rokual chu an ṭih lai. Tiva mi tî luang chak tak leh thli chawp tak hâwi hen a hawng lai.

ISAI 6:1

Lalchem Uziah thih kum ah LALPA ka muh. Laltophah ah a to le, sâng tak ah chungnungtir hen a um le, a kawrfual nih Biakin pumpi a khattir.

ISAI 66:1

LALPA nih, “Vân chu ka tophah asi, tual chu ka kê thângnâk asi. Chu hâwi asi chun ka umnâk ding hen zeitin mi in nan hawng ka sak piak hen mun nan hawng ka siam piak kho awt?

ISAI 66:18

An thinlung dawn leh an thilti chu ka theih. Phun zawzawng tla lakah mi pumh ding hen ka hawng. An hawng a pûm tikah ka thiltikhonâk nih a ti kho zia an muh lai le,

ISAI 66:20

Chubang phun tla thawk hen nan ram mi minung tla ka rangah thilpêk hâwi hen an hawng kîrpi lai. Ka tlâng thenhlimh Jerusalem ah rang tlûnah leh sanatung tlûnah to hen sangâwngsâu tla leh rang kari leh chawpê kari tla hen Israel tla nih fâng thil ap Biakin ah a siahnâk thenhlimh ah an hawng put mi hâwi hen an hawng put na lai.

JEREMIA 11:8

Sikhawmsele, an zûl hen an ngâi duh lo. Chu ngâk hen mikip nih an lung an khung tir hen an sual nget rih. Thudântuk zûl ding hen thu ka pêk na le, sikhawmsele an êl. Churuangah an lakah rêpnâk rîn hen um mi zawzawng chu ka tlungtir,’’ a ti.

JEREMIA 12:15

Sikhawmsele ka lâk ving na nûnah an lakah khua ka ruat lai le; anmah ram leh anmah umnâk chiauah ka kîrpi nawlh na lai.

JEREMIA 12:16

An thinlung zawzawng hen ka mi tla phung an pawm awt hen ‘LALPA a nung kar vial chu’ ti hen thu anna tiam chun Baal sinah thutiam ding hen ka mi tla veikhat an sîntir na hâwi hen ka mi tla lakah mi an si bâk lai le, an sul-le-lam a tluang lai.

JEREMIA 14:21

Na thutiam theihkumza le, hawng kan thlawrhthlâu lah; na laltophah rokual umnâk Jerusalem chu ningzaknâk tlungtir lah. Kan lakah thudântuk na siam mi khawm râwk lah.

JEREMIA 16:12

Sikhawmsele an thlâktu tla ngâk hen nan thilti a sual dauh. Nan ektê hen nan lungkhung hen nan sual le, ka thu nan ngâilo.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 17:12

Kan Biakin chu a tîr thawk hen laltophah rokual tak tlâng sâng tlûnah tauh mi hâwi asi.

JEREMIA 18:12

Annih nih an sâng lai le, ‘Bâng rîlmâl lah, zei rangah kan bâng êu lai? Kan duh zia zia hen ê-aw ngâilo tak hen thilsual kan ti awt,’ ” an ti lai.

JEREMIA 3:19

LALPA nih, “Israel, ka fapa hâwi hen an nei ding ka nan duh le, Ram duhkâi tak, laikulh pumpi ah ram dawh chem ka nan pêk. Ka sinah mi kâng dangah a hawi lo rawh ding hen Pa ah na ka ruat ding hen ka nan duh.

JEREMIA 31:23

LALPA, Zeizawng tikho, Israel Pathian nih, “Mi zapi tla an ram ah ka umtir nawlh na tikah chun, Juda ram ah leh a khuapi tla ah veikhat chu, ‘LALPA nih a umnâk mun thenhlimh Jerusalem Tlâng thenhlimh chu malsâwm seh,’ an ti nawlh lai.

JEREMIA 33:9

Jerusalem chu lâwmnâk, zahnâk, ka rangah putso ding mi bul asi lai, Jerusalem mi tla rangah thil ṭha ka ti mi tla leh khuapi lakah sul-le-lam tluangnâk ka tlungtir mi an theih tikah laikulh phun kip tla lâu hen an thir lai rawh,” a ti.

JEREMIA 4:2

ka min hen thutiam nan rangah a dik lai. Chu tikah phun zawzawng tla nih anmah malsâwm na ding hen an ka deih lai le, an ka sawr lai,” a ti.

JEREMIA 7:24

Sikhawmsele, ê-aw ngâilo hen a ngâi khawm an duh lo. Chu ngâk hen chun, an lungkhungnâk leh an thinlung sual zia hâwi hen thil an ti, ṭhat dauh lei ngâk hen a râwk lam anna râwk dadauh.

JEREMIA 9:14

Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

EZEKIEL 1:26

Chu lûm tlûnlei chun saphir lung hen siam mi laltophah hâwi a um le, a tlûnah chun minung hâwi hen mi a to.

EZEKIEL 43:7

“Thikho mi minung, hinah hin ka laltophah a um, hinah Israel mi tla sinah ka um lai le, an tlûnah lâi ka rêl kumza lai rawh. Israel mi tla khawm nih, an lal tla khawm nih pathian dang tla sawnh hen mawh, an lal tla ruak vûi hen mawh hi mun ah hin ka min thenhlimh an mualphotir lai lo rawh.

EZEKIEL 48:35

Chu khuapi kulh a ektê a sâu lei sîr li fawnh hen feet 30,240 asi. Chu khuapi min chu tu thawk hen “LALPA Hinah A um!” ti asi kumza ding asi.

ZEKARIA 2:11

Chu tikah chun phun tam tak LALPA sinah an hawng lai le, a mi tla an si lai rawh. Nan sinah a um lai le, kei khawm amah fial mi kasi ti nan theih lai rawh.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

NUMBER 15:39

Chu puan sâr thlaih chu nan zauh kip ah ka thupêk zawzawng zûl hen; ka sinah mi kâng dang lei pial lo hen nan thinlung duhnâk leikâng zawh lo hen nan um ding asi ti theihnâk asi.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

ROM 6:14

Sualnâk nih nan tlûnah thu a nei awtlo rawh, Dân lâirêl hen um nan si lo le, zângfahnâk lâirêl hen um nan si dauh.

GALATIA 4:26

Sikhawmsele, tlûnlei Jerusalem lam chu sal silo mi asi, chun, chu tak chu kanmah nu asi.

DEUTERONOMY 29:29

“LALPA kan Pathian nih a thuptê hen a kil mi thil zeimawh a um; sikhawmsele a dân chu a hawng langh le, kanmah leh kan thlâk tla nih kan zûl kumza ding mi chu asi.

LÂIRÊL 2:19

Sikhawmsele chu ruitu chu a thi rawh chun an umdân li leiah kîr hen a lânah mi thlâktu ngâk hen an sual dauh. Midang pathian tla sawnh hen a rian an ṭuan le, sualnâk an ti mi chu lawnh ding an duh lo.