JEREMIA 3:16 - Bawm Common Language Bible Version

¹⁶ Churawhchun, chu ram ah nan tam rawh chun, mi tla nih ka Thudântuk Bâwm thu an sim lai lo rawh. A dawn khawm an dawn lai lo, a theih khawm an theih lai lo; a herh khawm an herh lai lo le, a dang khawm an siam lai lo.

JEREMIA 3:16 ပူးပေါင်းရင်းမြစ်များ

ISAI 60:22

Na dâwngsungkhur tâwm chem leh nâu chem khawm, Phun rokual thiltikho tak an si lai. Tik dik tak a hawng tlung chun ka umtir sawm lai. Kei LALPA kasi!” a ti.

ISAI 61:4

Hun sâwt tak siat leh râwk hen A um mi khuapi chu sak nawlh asi lai.

ISAI 65:17

LALPA nih, “Tual thar leh vân thar ka siam. A lânah mi thil um tla chu philh hep asi lai rawh.

JEREMIA 3:17

Chu tik chu a hawng tlung chun, Jerusalem chu, ‘LALPA laltophah’ an ti lai le, chunah chun phun zawzawng tla hawng ka sawnh ding hen anna pûm lai. An lungkhung thil an ti lai lo rawh le, thinlung sual thu an sim lai lo rawh.

JEREMIA 30:19

Chunah mi zapi um mi nih chun, sawrnâk la an sak lai le; lâwm hen an âu lai. Ka malsâwmnâk hen ka pungtir na lai le, ka malsâwmnâk hen zahkâi tak hen ka siam na lai.

JEREMIA 31:27

Kei, LALPA nih, Israel ram leh Juda ram chu mi zapi leh ran tla hen ka khattir na awt ka ti mi tik chu a tlung rawh.

JEREMIA 31:8

Marlei thawk hen ka hawngpi na lai le, tual dawnghnâk ah mi chu ka pumh na lai. Mitchâw leh kekhêng tla, nunau a râi mi leh fa a ring awt mi tla anmah tla sinah an hawng bâk lai. Phun rokual tak an hawng si lai.

JEREMIA 7:4

Chubang perpetnâk thu, ‘Kan him mi rawh! Hi hi LALPA Biakin asi, hi hi LALPA Biakin asi, hi hi LALPA Biakin asi!’ ti mi tla chu lung lah u rawh.

EZEKIEL 15:5

A kâng lân khawm ah mangtlâk asi lo. Tuah mei nih a khangh hen a ût nûn châng chun mangtlâk asi lo khun,” a ti.

EZEKIEL 37:26

Anmah him kumzanâk ding thudântuk ka siam lai. Ka birhtir na lai le, ka zantir na lai, an ram ah ka Biakin ka siah lai le, chunah chun a um kumza lai rawh.

AMOS 9:9

“Israel minung tla chu thu ka pêk lai le, ṭawlâwn ah fâng an khei mi hâwi hen anna nîn lai. Mi rualo tla zawzawng chu phun tla nâwngah ka ninh na lai le, ka lawnh ving na awt.

ZEPHANIAH 3:11

Chu tik chun, ka mi tla, ka lakah nan hel mi kha ningzakkâi tak hen nan um lai lo rawh. Mi â zûm mi leh â khâwng mi tla chu ka veih ver na lai le, ka tlâng thenhlimh ah âukhawm ka lakah nan hel lai lo rawh.

MATHAI 3:9

‘Abraham hawng kan thlâktu asi lo mazei?’ ti hen a sung-û tir lah u; Pathian nih hi bang lung tla hi Abraham thlâk tla ah a changtir kho, ka nan ti na hi.