JEREMIA 3:14 - Bawm Common Language Bible Version

¹⁴ “Mi zumhkâilo tla, hawng kîr u; ka tâ nan si. Khuapi kip ah mi pakhat vima leh chi kip ah mi panih vima kan lâk na lai le, Zion Tlângah ka nan kîrpi na lai.

JEREMIA 3:14 ပူးပေါင်းရင်းမြစ်များ

2 CHRONICLES 30:6

Lalchem thupêk hen mifial tla chu an suak le, Juda leh Israel ram pumpi mi tla chu hi sâwmnâk thu hen a sâwm na: “Nannih Israel mi tla, Asiria tleih bang tla, LALPA, Abraham, Isak, Jakob tla Pathian sinah hawng kîr ule, nan sinah a hawng kîr bâk lai.

ISAI 1:9

LALPA zeizawng tikho nih a thibang zeimaw mi zuah na lah sele chu Jerusalem chu Sodom leh Gomorah hâwi hen râwk dep hen a um lai.

ISAI 10:22

Israel mi tla chu tuah tipi kapah sep hâwi hen tam khawmsele, tâwmtê cho an hawng kîr lai. Siatnâk chu mi zapi tla rangah khawng asi le, an rangah siah ziar hen a um.

ISAI 17:6

Mi tâwmtê cho a thibang an um lai le, Israel chu oliv thing a rah zawzawng kawih hep hen a tlûnlei ah a ṭeng pâr ah a rah panih pathum um mi mawh a tanglei ṭeng ah tâwmtê a um mi hâwi asi lai. Kei, Israel LALPA Pathian nih chu chu ka sim asi,” a ti.

ISAI 27:12

Chu ni ah chun, LALPA nih a mi tla chu Eufretis tiva thawk hen Aigupta ramri tiang hen, pakhat khat hen a pumh na lai le, âunih mawh a fâng leh a hî a thlei mi hâwi hen.

ISAI 31:6

LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

ISAI 44:22

Sûm ka thiangtir mi hâwi hen na sualnâk chu ka thiangtir. Nangmah ruang an suahtu kasi; ka sinah hawng kîr rawh,” a ti.

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 55:7

Misual tla nih an umdân sual tla bângtâk na sele, an thinlung dawn lêt na seh. LALPA kan Pathian leiah hawng a hawi na seh; anih chu mi khuaruat leh ngaihdam sawmtu asi.

ISAI 57:17

An sual ruang leh an hamkahnâk ruangah an lakah ka thin a run le, anmah ka rêp na hen ka kaltâk na. Sikhawmsele ê-aw ngâilo hen anmah duh dân hâwi kumza hen an kal.

ISAI 6:13

Chu lak chun minung parâ lakah pakhattê men um khawmsele veih asi lai. Oak thing hâu mi kung bul hâwi asi lai,” a ti. (A bul nih chun Pathian mi tla a thartê hen dirh ding mi a zauhtir.)

JEREMIA 2:19

Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:2

hi thuchah hi phuang ding hen hawng ka simh. “Na ngâksia liauah zumh na kâi zia tla, kanna umhtîr liauah na ka dâwt zia tla; ramkaro ah vât dahlo mi ram ah na hawng ka zûl mi tla kha ka theihkumza.

JEREMIA 23:3

Ka mi tla ka rekrâwitir na mi ram thawk hen a um rih mi tla vial chu ka pumh na lai le, anmah ram leiah ka kîrpi nawlh na lai. Fa tam tak an nei lai le, cherkhet an zan lai.

JEREMIA 29:14

Asi, nan ka tawng lai le, nan ram ah ka nan umtir nawlh na lai. Ka nan rekrâwitir na nâk ram leh munkip thawk hen ka nan pumh na lai le, sal ah kan kal tâktir na mi ram ah kan kîrpi nawlh na lai. Kei, LALPA nih ka sim asi,’ a ti.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 3:12

Israel sinah kal hen thu va sim ding hen hawng ka simh, “Zumhkâilo Israel, ka sinah hawng kîr rawh. Kei chu mi khuaruat mi kasi, ka thin a run lai lo; na lakah ka thinrun kumza ding asi lo.

JEREMIA 3:8

Israel chu hawng ka hawitâk hen nunau â zuar mi asi rawh ruangah ka mâk le, ka nar ving mi Juda khawm nih a muh. Sikhawmsele Juda, Israel zumhkâilo unaunu nih a ṭih lo thlo. Amah khawm â zuar le,

JEREMIA 31:12

Zion tlângah an hawng kal lai le, lâwm hen la an sak lai, ka thilpêk fâng leh uain, oliv sariak, dawrâ rual leh ranrual tla lakah anna lâwm lai. Dûm tikhurchawh hen châwm mi hâwi an si lai le, an herh mi zawzawng an nei lai.

JEREMIA 31:32

A lânah anmah thlâktu tla sinah thudântuk li ka siam le, kut hen ka tleih na le, Aigupta mi ka suakpi na liau mi hâwi asi lai lo rawh. Kei chu an lakah pasal hâwi kasi khawm ah, annih nih chun thudântuk chu an zûl lo.

JEREMIA 31:6

Asi, vêngtu nih Efraim tlângah, ‘LALPA, kan Pathian sinah Zion tlângah kan kâi lai, ti hen âu ding mi tik chu a tlung rawh,’ ” a ti.

HOSEA 5:15

“Ka mi tla chu an sual ruangah fâk ual an tuar hen an ka hâwl rê tiang hen ka kaltâk na awt. An tuar ruangah an hawng ka hâwl lai mawh,” a ti.

ZEKARIA 1:4

An thlâk natu hâwi hen um lah u, a lânah khuavâng tla nih ṭhalo tak leh sual tak hen umlo rawh ding hen ka thuchah an simh na, sikhawmsele ka thu an ngâi hen an zûl lo.

ROM 9:27

Isai khawm nih Israel tla thu a phuang le, “Israel tla chu tisumsumriat ah sep zat hen tam khawmsele, a rêp bang cho chu ruangsuah hen an um lai.