JEREMIA 3:10 - Bawm Common Language Bible Version

¹⁰ Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

JEREMIA 3:10 ပူးပေါင်းရင်းမြစ်များ

2 CHRONICLES 34:33

Lalchem Josiah nih Israel mi lakah milem fihnungkâi zawzawng chu a veih hep, a dam sung zawzawngah LALPA an thlâktu Pathian rianṭuan ding hen zapi tla a ngiar na.

SAM 18:44

Ramdang mi tla ka mâika ah an kûn le; an ka theih rawh chun ka thu an ngâi.

SAM 66:3

“Thil na ti mi tla chu an chê a! Na thiltikhonâk chu a rokual ngâk! Na mêlma tla chu lâu hen na mâika ah an kûn.

ISAI 10:6

Asiria chu Pathian nei lo mi phun ka thinthawktirtu tla do ding hen ka fial. Khualâi ah nâwmtâm hâwi hen lamh bêk na ding hen leh anmah râwk leh lâk piak na ding hen ka fial na.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 31:6

LALPA nih, “Israel mi tla, ka lakah thilsual nan ti hen nan ka do asi. Sikhawmsele tuah ka sinah hawng kîr u!

JEREMIA 11:10

Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 12:2

Na phun na le, ram an thlâk; an ṭhang le, rah an suah. Ṭha hen a nan sim kumza le; sikhawmsele, nangmah sunhsaknâk tatak an nei lo.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

HOSEA 7:14

Zumhkâi tak hen ka sinah thla an cham lo, sikhawmsele, lunglo tla ti dân hâwi hen an tlû hen an lung anna fâktir. Uain leh fâng tla duh hen thla an cham liau khawm ah lunglo tla hâwi hen an taksa an ât.

AMOS 4:9

“Nan thlâi ka chârtir ding hen thli lum ka hawng lêngtir. Khâubawk tla nih nan dûm ah mi grep dûm tla, oliv leh theipi tla an ei hep. Chu khawm ah ka sinah nan hawng kîr lo nget rih.

MALAKI 2:11

Juda mi tla nih Pathian sinah mi thutiam an buar le, Jerusalem ah leh ram pumpi ah thil ṭihnungkâi an ti. LALPA nih a duh tak mi Biakin chu an nawmh. Ramdang pathian sawnhtu nunau hen anna umh.