JEREMIA 27:9 - Bawm Common Language Bible Version

⁹ Nan khuavâng tla mawh, mâilei ding mi thusimtu âuzawng, mang manhtu leh mithi thlarau kawhtu leh mitleh dâwithiam tla thu ngâi lah u. Chubang zawng tla nih chun Babulon lalchem sinah a pêk lo ding hen an simh na.

JEREMIA 27:9 ပူးပေါင်းရင်းမြစ်များ

EXODUS 22:18

“Zei nunau tal dâwi mangtu chu thah ding asi.

EXODUS 7:11

Churawhchun, lalchem nih mi fing leh dâwithiam tla a kawh na le, an dâwithiamnâk hen chu hâwitê hen an ti bâk.

THUFING LASUIBU 19:27

Ka fapa, sîntirnâk na duh lo hen na thlawrhthlâu chun, na theih chia tla khawm na thlawrhthlâu lai.

ISAI 8:19

Sikhawmsele, mi nih chamchawh thiam leh mithi sawnhtu, chamchawh hen âwn salamtu rangah thu deih ding hen a nan simh lai. Annih nih, “Zeizawng nûnah mi tla nih a nung mi ruangrûl ah thlarau leh mithi sawnhtu rangah thu an deih ding asi,” an ti lai.

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 23:16

LALPA Zeizawng tikho nih Jerusalem mi tla sinah, “Khuavâng thusim ngâi lah u; lungumnâk diklo hen an khattir na lai. Keimah thusim silo hen anmah thinlung thu an simh na mi asi.

JEREMIA 23:25

Khuavâng tla nih ka min hen âwkrâwl thu an sim le, an mang leiah thuchah ka pêk na mi ti hen an sim.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JEREMIA 29:8

Kei, LALPA Israel Pathian nih khuavâng nan lakah um mi mawh midang âutal mâilei thu ka sim kho titu perpet hen nan um lo ding hen ka nan simhkan na asi. An mang tla khawm ngâi piak lah na u.

EZEKIEL 21:29

Muhnâk na muh mi khawm a diklo, na simkannâk thu khawm âwkrâwl asi. Na sual hen na ṭhalo le, na rangah rêpnâk ni, ni dawnghnâk chu a tlung rawh. Nâmsâu chu na ngâwng ah a tlâ awt rawh.

DANIAL 4:7

Churawhchun, chamchawh thiam tla, mitdâwi thiam tla, dâwithiam tla, vân leikâng theihtu tla chu an hawng le, ka mang ka simh na, sikhawmsele an hawng ka simhfiang kho lo.

MIKAH 3:7

Mâilei thu um ding mi simhkanhtu chu a diklonâk nih ningzak â saih lai. Pathian nih a sâng na lo ruangah nâutir hen an um hep lai.

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

THILTI 8:11

A dâwi mang hen sâwt tak chê ti tak hen a siam na tâwn ruangah a thu an sunhsak tâwn asi.

EPHESI 5:6

Âukhawm nih thu salam hen an perpet lah na seh; chubang thu ruang chun Pathian thinrunhnak lunglo mi tla tlûnah a tlung tâwn.

DEUTERONOMY 13:2

chu leikângah kalpi ding hen an awtpi na kho; chu hâwi hen ti na menza khawmsele,

DEUTERONOMY 18:14

Churawhchun, Mosi nih, ‘Ram nan luah ding mi ram ah um mi tla nih chun sim khotu tla leh tuak khotu tla thu an châwng tâwn, sikhawmsele LALPA nan Pathian nih chun chu hâwi ti ding an siang na lo asi.

JOSUA 13:22

Chubang tla zawzawng lakah Israel mi tla nih an thah bâk mi chu Beor fapa Balaam malsâwmnâk simtu asi.

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.

THUPHUANG 21:8

Sikhawmsele, mi zer tla, lunglo tla, mi lêmtu tla, mi thahtu tla, mi hur tla, dâwithiam tla, milem sawnhtu tla leh âwkrâwl simtu tla tingvo mun chu mei leh kât hen a kâng mi zur asi, chu chu thih nihnâk chu asi.

THUPHUANG 22:15

Lênglei ah chun, ui tla, dâwithiam tla, pungmang tla, milem sawnhtu tla, âwkrâwl sunhsaktu tla leh âwkrâwl sim mang tla chu an um lai.

THUPHUANG 9:21

Mi an thah mi tla leh dâwi an mang mi tla, pung leh lêng an mangnâk leh fîr an mangnâk khawm an thlah lêm lo.