JEREMIA 27:7 - Bawm Common Language Bible Version

⁷ A phun tlûknâk tik a tlung lânlo chu phun zawzawng tla nih amah leh a fapa leh a tupa rian an ṭuan lai. Churawhchun, a phun nih phun thiltikho tak leh lalchem rokual tak tla rian an ṭuan lai.

JEREMIA 27:7 ပူးပေါင်းရင်းမြစ်များ

SAM 37:13

LALPA nih misual chu a nihsanh lai le, sâwtlotê ah an vei awt ti a theih ruangah.

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

JEREMIA 27:22

Anmah ka âwva na lânlo chu Babulon ah kalpi hen an um lai le, chunah chun an um lai. Churawhchun, ka kîrpi nawlh na lai le, hi mun ah hin ka umtir nawlh na lai. Kei, LALPA nih ka sim asi,” a ti.

JEREMIA 34:1

Babulon lalchem Nebukadnezar leh a kawrsen tla phun zawzawng leh chi zawzawng amah tangah um mi kawrsen tla nih an hawng ṭangpi hen Jerusalem leh a kiangkam khua tla an do liauah LALPA nih ka sinah thu a sim.

JEREMIA 44:30

Juda lalchem Zedekiah chu Babulon lalchem Nebukadnezar amah thah duhtu a mêlma sinah ka pêk mi hâwi hen Aigupta lal Hophra chu amah thah duhtu a mêlma sinah ka pêk bâk awt,” a ti.

JEREMIA 46:13

Aigupta do ding hen Babulon lalchem Nebukadnezar a hawng kal liauah LALPA nih hawng ka sawnh.

JEREMIA 52:31

Evilmerodak Babulon lalchem asi kum ah Juda lalchem Jehoiakin lakah vêlneinâk langh hen rêng ah mi a suah. Chu chu Jehoiakin sal ah put a sinâk thawk hen kum sâwmthum leh kum sarih thla leinih ni kul leh ninga ni ah a hawng um mi asi.

EZEKIEL 30:24

Churawhchun, Babulon lalchem kut tla chu ka chaktir lai le, a kut ah ka nâmsâu ka puttir awt. Sikhawmsele Aigupta lalchem bân chu ka khiak lai le, a mêlma tla mâika ah rûm hen a thi lai.

DANIAL 2:37

Bâwipa, lal zawzawng lakah a lianchem mi na si, vân Pathian nih lal ah an siam le, thiltikhonâk, chaknâk leh zahkâinâk a nan pêk.

DANIAL 4:22

Bâwipa, thing sâng tak leh khauh tak chu nangmah na si, nang chu na rokual tuk le, vân na tawngh, na thiltikhonâk hen laikulh pumpi a khat.

HABAKUK 2:7

Sikhawmsele, na theihmanh lânah nang, midang tla nehtu, nangmah ngelchel leibat hen na um lai le, a fa zângran ko a pêktir hen na um lai. Na mêlma tla an hawng lai le, an lamhbêk lai! An rawk lai!

HABAKUK 2:8

Phun tam tak na rawk na le, sikhawmsele tu lam chun mi tla na thah na ruangah leh laikulh minung tla leh an khuapi tla na veih na ruangah a dam rih mi tla nih an rawk bâk lai.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.