JEREMIA 27:5 - Bawm Common Language Bible Version

⁵ “Ka thiltikhonâk rokual leh ka chaknâk hen laikulh, minung leh ramsa tual tlûnah um mi zawzawng chu ka siam na le; âutal ka thîm na mi chu ka pêk.

JEREMIA 27:5 ပူးပေါင်းရင်းမြစ်များ

GENESIS 1:25

Chun, Pathian nih chubang zawzawng chu a siam le, a zauh le, thungâi â lâwm.

GENESIS 9:6

Minung chu Pathian hâwi hen siam mi asi le, churuang chun âuzawng minung a thah chun amah hâwi minung lîlâ nih a thah bâk lai.

Ezra lasuibu 1:2

“Hi hi Persia lal lianchem Kirus thupêk asi. LALPA Vân Pathian nih laikulh pumpi lâirêltu ding ah hawng ka siam le, Juda ram ah mi Jerusalem ah Biakin sak ding hen mawhphurhnâk hawng ka pêk.

NEHEMIAH 9:22

“An kiangkam ramri mi phundang tla na nehtir na. Sihon nih lâirêlnâk Hesbon ram na nehtir na le, Og lal umnâk Basan ram khawm na nehtir na.

SAM 102:25

A lân thawk hen tual chu na tuah le, nangmah kut tak hen vân chu na siam.

SAM 96:5

Phundang zawzawng tla pathian chu ruk cho asi, LALPA lam nih chun vân a siam.

EXODUS 20:11

Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.

EXODUS 6:6

Churuangah Israel fa tla chu ‘Kei, LALPA nih ruang ka suah na ding mi leh Aigupta sal an sinâk lakah mi ka suah na awt mi chu simh na. An tlûnah rêpnâk ṭihnungkâi tak hawng tlung ding hen ka bân chak ka phar lai le, ruang ka suah na lai.

ISAI 42:5

Pathian nih vân tla a siam le, a pharh; tual leh chu lakah um mi tla umdân ding a siam. Mi zawzawng sinah nungnâk leh thaw a pêk na. Tuah LALPA Pathian nih a to-aw sinah thu a sim le,

ISAI 44:24

“Kei, LALPA na ruangsuahtu kasi. Kei, hi a nan siamtu pakhat kasi. Kei, thil zeizawng Siamtu LALPA kasi. Keimah lâwng hen vân tla khi ka pharh le; tual ka siam liau khawm âukhawm nih an hawng ka ṭangpi lo.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

ISAI 48:13

Ka kut hen tual lungphûm ka siam le, vân ka pharh. Tual leh vân ka kawh na liauah rang tak hen an hawng le, ka sinah anna pêk.

ISAI 51:13

LALPA a nan siamtu vân pharhtu leh tual lungphûm phûmtu na philh rawh na maw? A nan veih ding hen a timhtuah mi leh a nan nehsawhtu thinrunhnâk ṭih kumza hen zei rangah na um? An thinthawknâk nih a nan tawngh kumza kho lai lo.

JEREMIA 27:4

LALPA Zeizawng tikho, Israel Pathian nih a thusim chu an lalchem tla simh na ding hen thu pêk na hawng ka ti:

JEREMIA 32:17

“LALPA zahkâi, nangnih tual leh vân na thilti rokual leh chaknâk hen na siam le; nang rangah chun thil zeikhawm a har tuk mi a um lo.

JEREMIA 51:15

LALPA nih a thiltikhonâk hen tual a siam le; a finghnâk hen laikulh a siam, vân tla a pharh.

DANIAL 2:38

Tual tlûnah um mi zawzawng ramsa leh va tla tlûnah lâirêltu ah a nan siam. Nang chu ngûn lû chu na si.

DANIAL 4:14

Chu nih chun hâu fâk tak hen thu a sim le, “Thing kha hâu ule, a ngê tla thlangh ule, a nah thlawngh ule, a rah tla vawrh phin u, a tangah mi ramsa tla leh a ṭeng lakah mi va tla dâwi phin na u.

DANIAL 4:17

Chu chu vânmifial tîm chia zet leh râlring zet mi thu suah asi. Chu tikah mun kip ah mi tla nih Pathian rokual nih minung lalram tlûnah thu a nei mi leh âutal mi mêchem khawm a herh hen a thîm mi chu a pêk na kho ti an theih lai rawh.”

DANIAL 4:22

Bâwipa, thing sâng tak leh khauh tak chu nangmah na si, nang chu na rokual tuk le, vân na tawngh, na thiltikhonâk hen laikulh pumpi a khat.

DANIAL 4:25

Minung thawk hen nar hen na um lai le, ramsa lakah na um lai, kum sarih sung chu chawchal hâwi hen belh na ei lai le, lêng ah dâm tlâknâk ah na it lai, churawhchun Pathian rokual nih lalram tlûnah thu a neih zia leh a duh mi sin zawng ah a pêk kho ti na theih lai rawh.

DANIAL 5:18

“Pathian rokual nih na pa Nebukadnezar chu lal rokual takah a siam le, zahkâinâk leh lalnâk a pêk.

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

THILTI 17:24

Pathian, laikulh leh a sungah thil zeizawng Siamtu chu tual leh vân Lalpa asi ruangah kut hen sak mi in tla ah a um lo;

THILTI 17:26

Chun, tual tlûn zawzawngah um ding hen phûr munkhat ver hen phun kip minung a siam le, an rangah tik a ruat le, an umnâk ding rî khawm a siam le,

DEUTERONOMY 2:19

Lot thlâk Amon mi tla ram kiangah nan va um lai rawh. Nawktir lah na ule, annih tla chu do lah na u, anmah tla ka pêk na mi ram asi, nannih rangah tâwm khawm kan pêk na ding mi asi lo ruangah’ ” a ti.

DEUTERONOMY 2:21

Anakim mi hâwi hen an sâng. Phun dang ngâk hen an tam le, mi chak chi an si. Sikhawmsele LALPA nih a veih hep na le, churawhchun Amon mi tla nih an ram an lâk le, chunah chun an um.

DEUTERONOMY 2:7

“LALPA nih nan thilti zawzawng mal an sâwm na zia theihkumza u. Hi ramkaro kâu tak ah nan vâi mi tla khawm a nan zauhkhenh na asi. Hi kum sâwmli sung zawng nan sinah a um le, nan thil herh zeizawng nan nei.

DEUTERONOMY 2:9

LALPA nih, ‘Lot thlâk Moab minung tla chu nawktir lah na ule, do lah na u. Ar khuapi anmah ka pêk na rawh, an ram zeikhawm ka nan pêk na awt lêm lo,” a ti.

DEUTERONOMY 32:8

Chungnungchem nih chun phun tla chu an ram tla a ruat piak na le; Mi zapi tla chu an umnâk ding ruat piak na a tum. Phun kip rangah pathian a ruat piak chiau na.

DEUTERONOMY 4:17

ram sa leh vâ,

DEUTERONOMY 4:25

“Chu ram ah chun sâwt tak nan um hen, fa tla, tu tla nan nei khawm ah zei lem banghpi khawm nan rangah siam hen sual lah u. Hi bang hi LALPA mitmuh hen sual asi le, a thinrunh tirnâk asi.

DEUTERONOMY 4:32

“A lân mi tla, nan suak lânah mi, Pathian nih tual tlûnah minung a siam liau mi zawzawng tla ruat set u. Tual pumpi ruat nik u. Hi hâwi rerêng a lânah thil rokual a um tâwn ma? Zeital hi bang hâwi thil hi âunih theih dah tâwn?

DEUTERONOMY 4:35

LALPA nih amah cho chu Pathian a sizia leh pathian dang rêng a um lo ti theihnâk ding hen hi hi an muhtir na mi asi.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 9:29

Na thiltikhonâk rokual leh na chaknâk hen Aigupta ram thawk hen na suakpi na mi, na mi rang ding ah na thîm na mi an si lo mazei?’ ka ti.

KOLOSA 1:16

amah lakah chun zeizawng siam asi le, vân ah um tla, tual ah um tla hen, muh kho tla, muh kho lo tla hen, Thlarau thiltikhonâk tla khawm lâirêltu tla khawm lalnâk tla khawm, thuneihnâk tla khawm, Pathian nih laikulh pumpi hi amah ruangah leh amah rangah a siam mi asi.

HEBRAI 1:2

sikhawmsele ni dawngh lei tla ah chun a Fapa mang hen kan sinah thu a sim. Chu a Fapa chu zeizawng ah rotingtu ah a siam; chu nih chun laikulh khawm hi a siam.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.