JEREMIA 27:10 - Bawm Common Language Bible Version

¹⁰ Nan ram thawk hen ram lât takah kalpi ving nan siding hen an perpet na mi asi. Ka nan suah ving na lai le, nan vei dep lai.

JEREMIA 27:10 ပူးပေါင်းရင်းမြစ်များ

EXODUS 22:18

“Zei nunau tal dâwi mangtu chu thah ding asi.

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 23:16

LALPA Zeizawng tikho nih Jerusalem mi tla sinah, “Khuavâng thusim ngâi lah u; lungumnâk diklo hen an khattir na lai. Keimah thusim silo hen anmah thinlung thu an simh na mi asi.

JEREMIA 23:25

Khuavâng tla nih ka min hen âwkrâwl thu an sim le, an mang leiah thuchah ka pêk na mi ti hen an sim.

JEREMIA 27:14

A sinah va a pêk lo ding hen an simh natu khuavâng tla thu chu ngâi lah u. An perpet na mi asi.

JEREMIA 27:15

LALPA nih chun amah fial mi an si lo zia leh amah min hen âwkrâwl thu nan sinah an sim mi asi a ti. Churuang chun nannih leh khuavâng chubang âwkrâwl thu an simh natu chu an nar ving na lai le, thah hen nan um lai,” a ti.

JEREMIA 27:16

Churawhchun, zapi minung leh bâwlpu tla chu LALPA thusim chu ka simh na: “Biakin ah mi thil-le-rî Babulon ah mi chu an hawng kîrpi tuan lai ti hen simtu khuavâng tla thu chu ngâi lah u. Nan sinah âwkrâwl thu an sim mi asi.

JEREMIA 28:11

mi zapi mâika ah: “LALPA nih chun, lalchem Nebukadnezar nih phun zawzawng ngâwng ah liangbat a bah mi chu hi hâwi hen a khiak lai; hi hi kum nih sungah a ti lai,” a ti. Churawhchun, ka kaltâk rawh.

JEREMIA 28:16

Churuangah LALPA amah ngelchel nih a nan kaltâk awt ti a sim. Zapi minung tla chu LALPA lakah hel ding hen na simh na ruangah hi kum a vei lânah na thi lai,” ti hen thu dang a simh.

JEREMIA 32:31

Hi khuapi mi minung tla nih hin an dirh tîr thawk hen ka thin an thawktir hen ka heh an ka hârtir.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

LUNGFÂKNÂK 2:14

Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

DANIAL 4:7

Churawhchun, chamchawh thiam tla, mitdâwi thiam tla, dâwithiam tla, vân leikâng theihtu tla chu an hawng le, ka mang ka simh na, sikhawmsele an hawng ka simhfiang kho lo.

ZEKARIA 10:2

Mi nih milem leh chamchawh thiam tla sinah thu an deih le, sikhawmsele sângnâk an tawng mi chu âwkrâwl leh zeikhawm lo mi asi. Mi zeimaw mi nih mang an simhfiang le, sikhawmsele amahlo leiah pialtirtu cho asi le; thlangamnâk thu an sim mi khawm mangtlâk asi lo. Churuangah mi tla chu dawrâ a tlâu mi hâwi hen an vâi. Ruitu an nei lo ruangah an lawk a sawng.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

DEUTERONOMY 18:10

Nan mâichâm tlûnah mi mei lakah nan fa tla bâwlnâk ah mang lah ule; nan mi tla chu simkan khotu mawh, tuakthiam mawh, simkhotu mawh,