JEREMIA 26:9 - Bawm Common Language Bible Version

⁹ Zei rangah hi Biakin hi LALPA min hen Siloh hâwi asi lai le, khuapi khawm a râwk lai le, a sungah pakhat khawm an um lai lo, na ti zia?” an ti. Churawhchun, zapi minung tla chu ka kiang an hawng khat zat.

JEREMIA 26:9 ပူးပေါင်းရင်းမြစ်များ

2 CHRONICLES 25:16

Chu hâwi hen Amaziah rangah a va ti rawh chun, Amaziah nih, “Lal krai pêktu ah ka nan siam mazei? Hawlh lah, dâisip, kan thah salam lai!” a ti. Sikhawmsele khuavâng nih, “Hi bang hâwi thil na ti ruangah leh ka thusim na ngâilo ruangah tuah Pathian nih nangmah veih a tum ti ka theih,” a ti le, a bâng rawh.

ISAI 29:21

Midang simsâwitu tla, dân buartu tla rêp ding mi khaptu, mi zumhkâi nih diknâk tawng lo ding hen âwkrâwl thusimtu tla chu Pathian nih a veih na lai.

JEREMIA 32:3

LALPA nih, “Hi khuapi hi Babulon lalchem ka lâktir le, lalchem Zedekiah chu a suak lai lo.

JEREMIA 33:10

LALPA nih, “Mi nih hi mun hi ramkaro hâwi asi, a sungah minung leh ramsa khawm a um lo an ti. A dik ngâk, Juda khuapi leh Jerusalem khualâi tla chu a karo hen a um; ran leh minung khawm an um lo. Sikhawmsele chu mun ah chun lâwmnâk leh lâwptlonâk hâu, nupi umhnâk puai tuah hâu tla theih asi nawlh lai.

JEREMIA 36:29

LALPA nih lalchem sinah, “Lasuibuzual chu na duah le, Jeremia rangah, zei rangah Babulon lalchem a hawng lai le, hi ram hi a râwk lai le, a mi tla leh ran tla a thah hep lai ti hen na rîn, ti thu sim ding hen a hawng ka simh.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

AMOS 5:10

Nannih hi thudik dotu leh lâirêlnâk ah thudik simtu tla huatu nan si.

MIKAH 2:6

Mi nih ka sinah thu an sim le, “Kannih lakah sim lah. Chubang thu tla chu sim lah, Pathian nih ningzak hawng kan saih lai lo.

MATHAI 21:23

Chun, Pathian Biakin ah a lût nûnah a sîntir na liauah chun bâwlpu lal tla leh zatlâng upa tla chu an hawng kal le, a sinah, “Âu thu hen me hi bang thil hi na ti? Âunih thu a nan pêk?” an ti.

MATHAI 27:20

Chun, bâwlpu lal tla leh upa tla nih Baraba deih hen Jisu veih ding hen mi zapi tla chu an lêm.

MARK 15:11

Sikhawmsele, bâwlpu lal tla nih chun mi zapi tla chu Baraba lam suah piak dauh ding hen an fawrh.

JOHAN 8:20

Chubang thu chu Pathian Biakin ah a sîntir na liauah, thawhlâwm siahnâk mun ah a sim le; âukhawm nih amah an tleih lo, a tik a tlung lo rih ruangah.

JOHAN 8:59

Chuvachun, a sehnâk lung an sar le, sikhawmsele Jisu â thup le, Pathian Biakin ah mi chu a suak rawh.

THILTI 13:50

Sikhawmsele Juda tla nih chun nunau zahkâi Pathian sunhsaktu tla leh khua upa tla chu an fawrh na le, Pawl leh Barnaba chu an nehsawhtir na le, an ram thawk hen an nar na rawh.

THILTI 21:30

Chun, khua tê hen an châng sup le, minung tla chu an tek le, Pathian Biakin ah mi an nûk zek le, in an khâr sawm.

THILTI 22:22

Chun, chu tiang chu a ngâi le, chun hâu fâk tak hen, “Hi bang hâwi mi hi laikulh thawk hen tlâutir u; nung tlâk asi lo,” an ti rawh.

THILTI 3:11

Chun, anih nih chun Peter leh Johan chu a tleih na ko liauah mi zawzawng, nih thungâi chê an ti, Solomon Sârbûk an ti mi lakah chun an sinah an hawng a pûm.

THILTI 5:12

Chun, mi zapi lakah mifial tla nih singsiahnâk leh thilchê cherkhet an ti tâwn. Chun, annih chu an ektê hen thinlung munkhat hen Solomon Sârbûk ah chun anna pûm tâwn.

THILTI 5:28

“Hi min hen sîntir lo ding hen kan nan ti thlir na rawh khateh, sikhawmsele nan thusim Jerusalem a khat rawh, hi minung thihnâk ruangah mawhtir ding nan hawng kan duh asi hi,” ti hen, a salh na.

THILTI 6:14

Nazaret Jisu nih hin hi Pathian Biakin hi a siat lai le, Mosi nih Dân hawng kan pêk mi tla a dangtir awt ti a sim mi kan theih,” an ti.

JOSUA 18:1

Ram an lâk thluh ver nûnah chun, Israel mi zawzawng chu Siloh ah anna pûm le, chunah LALPA umnâk puanin an zâr.