JEREMIA 26:5 - Bawm Common Language Bible Version

⁵ ka to-aw khuavâng tla nan sinah ka hawng fial lemang na mi thu ngâi hen ka thu nan zûl ding asi. An thusim nan zûl dahlo.

JEREMIA 26:5 ပူးပေါင်းရင်းမြစ်များ

2 Lal 17:13

LALPA nih mifial leh khuavâng tla Israel leh Juda rangah thiamthihtir na ding hen a fial le, “Thilsual ti bâng ule, ka to-aw khuavâng tla mang hen nan thlâktu rangah dân ka nan pêk na mi lakah mi kha zûl u,” a ti.

2 Lal 24:2

LALPA nih a to-aw khuavâng mang hen ka ti lai ti thu a sim mi hâwi hen Jehoiakim leh Juda mi tla râwk ding hen Babulon mi tla, Siria mi tla, Moab mi tla leh Amon mi kawrsen rual tla chu a fial na.

2 Lal 9:7

Jezebel nih ka to-aw leh ka khuavâng tla a thah ruangah amah ka rêp khonâk ding hen na pu Ahab fapa chu na thah ding asi.

Ezra lasuibu 9:11

Na to-aw khuavâng tla mang hen thu na kan pêk mi tla khawm kan ngâilo fâwn rawh, kan luah ding mi ram chu a luahtu minung tla thil nâwmtâm leh fihnungkâi titu tla nih khatlei dawng thawk hen khatlei tiang an luah ti hawng kan simh ruangah.

JEREMIA 11:7

Aigupta thawk hen an thlâktu tla ka suakpi na liauah, ka thu ngâi ding hen bir tak hen ka simh na mi chu tusûn ni tiang hen ka simh kumza na.

JEREMIA 29:19

Ka to-aw khuavâng mang hen thu ka chah na mi an zûl duh lo ruangah chu chu an lakah a tlung lai. A ngâi ding an duh loh.

JEREMIA 32:33

Ka sîntir na lemang khawm ah an dunglei an hawng ka sît le, ka thu an ngâi hen an châwng duh lo.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 35:17

Churuangah chun tuah Kei, LALPA Zeizawng tikho, Israel Pathian nih Juda mi tla leh Jerusalem mi tla tlûnah siatnâk hawng tlung ding hen ka tiamh mi zawzawng ka hawng tlungtir awt. Nan sinah thu ka sim khawm ah nan ka ngâi piak duh lo le, ka nan auh na khawm ah nan ka sâng lo ruangah hi hi ka ti awt asi,” a ti.

JEREMIA 44:4

Ka to-aw khuavâng tla, hi thil ṭihnungkâi ka hua mi hi ti lo rawh ding hen an simh na ding hen ka hawng fial kumza.

JEREMIA 7:13

Chubang hâwi sualnâk tla nan ti le, sikhawmsele ka nan simh lemang na le, a ngâi ding rêng nan duh lo. Ka nan kawh na liau khawm ah nan hawng ka sâng lo.

JEREMIA 7:25

Aigupta ah mi an thlâk natu an hawng suak ni thawk hen tusûn ni tiang hen ka khuavâng tla, ka to-aw tla nan sinah ka hawng fial kumza na.

EZEKIEL 38:17

A lân thawk hen Israel lakah mi khuavâng ka to-aw mang hen thu ka sim liauah ni a hawng tlung ding mi lakah chun âumawh Israel do ding hen ka hawng tir lai, ti thu ka ruah mi chu nangmah hi na si,” a ti. LALPA Zahkâi nih a sim asi.

AMOS 3:7

LALPA Zahkâi nih a thiltum a to-aw khuavâng sinah langh tâ lo hen zei thil khawm a ti dahlo.

ZEKARIA 1:6

Ka to-aw khuavâng tla mang hen an thlâk natu tla chu thu ka pêk hen ka simhkan na le, sikhawmsele zeikhawm an rêl lo le, chu lak chun an tuar phah. Ti ding ka duh mi hâwi hen kei, LALPA nih an sual mi ruangah ka rêp na,’ ” a ti.

THUPHUANG 10:7

sikhawmsele, vânmifial pasarihnâk nih a tâwtawrâwt chu a tum tikah Pathian thuthup chu a tling lai rawh, a to-aw khuavâng tla sinah a phuang rawh hâwi khan,” a ti.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.