JEREMIA 26:3 - Bawm Common Language Bible Version

³ Mi nih an ngâi hen an umdân an lêt lai rawh. An lêt mi asi chun, an thilsual ti zawzawng ruangah siatnâk an tlûnah tlungtir ding ka tum mi thu ah ka thinlung ka lêt lai,” a ti.

JEREMIA 26:3 ပူးပေါင်းရင်းမြစ်များ

1 Lal 21:27

Elija nih thu a sim thluh rawh chun Ahab nih a puan a thlêk le, a lawnh ving le, salâpuan â aih; buh khawm ei lo hen salâpuan aih hen a it le, lawksawng leh zûr hen â sawk mang.

1 Lal 21:29

“Ka mâika ah Ahab â nâutir zia khi na muh ma? Hi hâwi hen a um rawh ruangah a tlûnah a dam kar vial chu siatnâk ka tlungtir awtlo, a fapa san ah a thlâk tla sinah ka tlungtir lai,” a ti.

JEREMIA 26:13

Nan umdân tla, thil nan ti mi tla nan lêt hen LALPA nan Pathian lakah ê-aw nan ngâi ding asi. Chu hâwi nan ti mi asi chun, nan tlûnah siatnâk ka hawng tlungtir awt a ti mi thu ah a thinlung a lêt lai.

JEREMIA 26:19

Lalchem Hezekiah leh Juda mi tla nih Mikah chu an thah lo. Chu ngâk hen Hezekiah nih LALPA chu a ṭih le, dâwt lawh hen a um. LALPA nih an tlûnah siatnâk ka hawng tlungtir awt ti hen a sim mi chu a lêt rawh. Tu hin mah lakah siatnâk lam kan tlungtir awt,” an ti.

JEREMIA 36:3

Juda mi le tla nih an tlûnah siatnâk ka tlungtir ding mi thu zawzawng an theih chun, an thilsual ti an lêt kekkawk lai mawh. Chu hâwi asi chun an diklonâk leh an sualnâk chu ka ngaihdam lai,” a ti.

JEREMIA 36:7

LALPA nih a thinthawknâk leh a hehhârnâk ṭihnungkâi tak hen a ṭhih na mi asi ruangah an thilsual ti lakah mi chu LALPA lei anna her hen thla an cham lai mawh,” a ti.

EZEKIEL 12:3

“Thikho mi minung, ramdang leiah tek ding mi hâwi hen na thil-le-rî tuam le, a mûi lânah a thawh. Na suak mi leh mun dang leiah na kal mi chu mikip nih an muh seh. Chubang mi hel tla nih an theih kho lai mawh.

EZEKIEL 18:21

“Misual nih a thilsual ti a bâng hen, ka dân a zûl hen thil ṭha a ti chun a thi lai lo le; a nung ngelchel lai.

HOSEA 11:9

Ka thinthawknâk hen kan rêp na lai lo; Israel chu ka veih lai lo rawh. Minung silo hen Pathian kasi dangâiah. Kei, mi thenhlimh chu nan sinah ka um. Thinrun bû hen nan sinah ka hawng lai lo.

JOEL 2:14

LALPA nan Pathian nih a thinlung a lêt lai le, fâng tam tak hen mal an sâwm na lai dahmawh. Churawhchun, fâng leh uain tla a sinah nan ap kho lai.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.