JEREMIA 26:2 - Bawm Common Language Bible Version

² “Zapi minung Juda khuapi thawk hen chunah Pathian sawnh ding hen hawng mi tla sinah, sim ding hen thu ka nan pêk mi zawzawng Biakin kulh sungah va dîr le, phuang rawh. Zeikhawm relh lah.

JEREMIA 26:2 ပူးပေါင်းရင်းမြစ်များ

JEREMIA 1:17

Jeremia, a tîm rawh; kal le, sim ding hen thu ka nan pêk mi zeizawng va simh na. Tu chun anmah tla ṭih lah na, chu hâwi silo chun an sinah na um tikah anmah ṭih ding hen zer khun hen kan siam awt.

JEREMIA 1:7

Sikhawmsele LALPA nih ka sinah, “Ka ngâksia tuk ti lah, sikhawmsele, ka nan fialnâk mi tla sinah va kal le, sim ding hen kan simh mi zawzawng simh na.

JEREMIA 19:14

Hi thuchah sim ding hen LALPA nih hawng ka fialnâk Tophet chu ka kaltâk rawh. Ka kal le, Biakin kulh sungah ka va dîr le,

JEREMIA 23:28

Khuavâng mang nei mi chu mang rarâu ko asi ti hen a sim ding asi, sikhawmsele ka thu theihtu khuavâng lam chu thuchah zumhkâi tak hen a phuang lai. Fapawn leh fâng tahkhiat hen zei mi a ṭha dauh?

JEREMIA 25:2

Juda leh Jerusalem mi zawzawng sinah,

JEREMIA 28:5

Churawhchun, bâwlpu leh mi zapi Biakin ah dîr mi zawzawng mâika ah Hananiah sinah thu ka sim:

JEREMIA 36:10

Mi zawzawng nih an ngâi liauah Baruk nih ka sim mi thu lasuibuzual lakah mi chu a rêl rawh. Lâirêlnâk ah lasuirîntu Saphan fapa Gemariah umnâk kardang thawk hen Biakin ah hi hi a ti mi asi. A umnâk kardang chu Biakin kulh Kawtkâ Thar tualmâi kiangah mi lâirêlnâk mun sâng dauh a mi asi.

JEREMIA 42:4

Kei nih ka sâng le, “A ṭha asi, chu hâwi asi chun, nan ka deih mi hâwi hen LALPA, kan Pathian chu ka ngiar lai le, a sim mi zawng chu kan simh na lai. Nan lakah zeikhawm ka pheh lai lo,” a ti.

JEREMIA 7:27

“Churuang chun, Jeremia, hi bang thu zawzawng hi ka mi tla sinah na sim lai le, sikhawmsele a nan ngâi duh lai lo; na kawh na khawm ah a nan sâng lai lo.

EZEKIEL 3:10

Pathian nih a sim vima le, “Thikho mi minung, nâi tek hen hawng ngâi le, thil zeizawng ka nan simh mi theihkumza rawh.

EZEKIEL 33:7

“Thikho mi minung, tuah Israel phun tla rangah vêngtu ah ka nan siam asi. Simhkannâk ka nan pêk mi hi na simh vima na ding asi.

EZEKIEL 40:4

Anih nih chun ka sinah, “Thikho mi minung, ngâk rih. Thil zeizawng ka nan muhtir ding mi chu nâi dauh hen thiamthih tak hen ngâi, hi ruangah hinah put hen na um mi asi. Thil zeizawng na muh mi chu Israel mi tla na simh na ding asi,” a ti.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

LUK 19:47

Chun, nisiar Pathian Biakin ah chun a sîntir tâwn; chun, bâwlpu lal tla leh Dân sîntirtu tla leh mi zatlâng lakah hotu dauh tla nih amah veih ding an tum.

JOHAN 18:20

Jisu nih a sâng le, a sinah,”Laikulh sinah mi zatlâng theih hen, thu ka sim tâwn kha; pumhnâk in leh Pathian Biakin, Juda zawzawng pumhnâk tla ah chun ka sîntir kumza na tâwn kha. A thup hen zeikhawm ka sim lo.

JOHAN 8:2

Chun, zîng ah Pathian Biakin ah a lût nawlh le, mi zawzawng a sinah an hawng kal le, chun, anih chu a to le, anmah tla a sîntir na.

THILTI 20:20

Kha hâwi hen khan a ṭhatvaknâk thu nan sinah zeikhawm sim ka sûm lo le, mi zatlâng lakah leh in kip ah ka nan sîntir na tâwn kha.

THILTI 20:27

Pathian ruat zawzawng a ektê hen nan sinah simh kâ sûm lo kha.

THILTI 5:25

Chun, minung pakhat a hawng kal le, “Rêngin ah mi nan khumh na mi tla nih khan Pathian Biakin ah dîr hen an sîntir na e!” ti hen, a hawng sim.

THILTI 5:42

Chun, nisiar Pathian Biakin ah leh anmah in tla ah, “Jisu chu Mesia asi,” ti hen, sîntir leh simh an bâng lêm lo.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 12:5

Nan ram sungah mi nan phun zawzawng tla nih sawnhnâk ding mun chu LALPA nih amah sawnhnâk ding mun pakhat cho a thîm awt.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

JOSUA 8:35

Nunau ngâksia, ramdang minung an sinah um mi tla zawzawng pumhnâk ah Mosi thupêk zawzawng chu Josua nih a rêl hep.

THUPHUANG 22:19

Chun, âuzawng nih hi lasuibu ah simhkannâk thu â rîn mi chu a veih chun hi lasuibu ah â rîn mi nungnâk thing rah leh Khua Thenhlimh ah mi a tingvo chu Pathian nih a lâk piak ving lai.