JEREMIA 26:16 - Bawm Common Language Bible Version

¹⁶ Churawhchun, ruitu leh zapi tla nih, bâwlpu leh khuavâng tla sinah, “Hi minung hi LALPA kan Pathian min hen kan sinah thu a sim ruangah thah ding asi lo,” an ti.

JEREMIA 26:16 ပူးပေါင်းရင်းမြစ်များ

ESTHER 4:14

Tu na umdân hen, dâisip na um chun, vân lei thawk hen Juda tla rangah ṭangpinâk a hawng um lai le, him hen an um lai le, sikhawmsele, nang leh na pa dâwngsungkhur chu a dawnghnâk asi lai rawh, lalnu na sinâk hi tuhun rangah na si mi khawm asi kho,” a ti.

SAM 94:16

Ka rangah misual tla do ding hen âu me thawk lai? Thilsual titu tla do ding hen ka sîrah âu a um lai?

THUFING LASUIBU 16:7

LALPA na lawmhtir chun, na mêlma khawm hâwikawmh ah na siam kho na lai.

JEREMIA 26:11

Churawhchun, bâwlpu leh khuavâng tla nih ruitu tla leh zapi tla sinah, “Hi minung nih hin kan khuapi râwk ding hen a sim ruangah thi tlâk asi. Nanmah nâ ngelchel hen nan theih,” an ti.

JEREMIA 34:10

Zapi tla leh an ruitu tla nih an sal chu suah hen sal ah siam na lo rawh ding hen rem an ti.

JEREMIA 36:19

Churawhchun, a sinah, “Nang leh Jeremia chu nan kal hen nan va a thup ding asi. Nan umnâk mun âukhawm nih theih lo ding hen,” an ti.

JEREMIA 36:25

Sikhawmsele, Elnathan, Delaiah leh Gemariah nih lasuibuzual chu duah lo ding hen lalchem chu an ngiar le, an thu a ngâi piak na lo.

JEREMIA 37:15

Annih tla chu an ro a thawk le, hawng ka vuak ding hen thu an suah, lâirêlnâk ah lasuirîntu Jonathan in, rêngin ah an mang mi sungah an hawng ka khumh.

MATHAI 27:54

Chun, kawrsen zâ hotu leh a sinah Jisu vêng hen um bâk mi tla nih chun lînîn leh thil umzia tla chu an muh rawh chun thungâi an ṭih le, “Hi Minung hi Pathian Fapa asi chiammâm,” an ti.

LUK 23:41

Kannih lam chu rêp ding rêng kan si; kan thilti diklo man kan tawng asi hi; hi minung nih hin zeikhawm a sual lo,” a ti.

LUK 23:47

Chun, kawrsen zâ hotu nih chun thil umzia chu a muh rawh chun, “Hi minung hi zei ti khawm hen mirep asi ngelchel lai,” ti hen, Pathian a sawr rawh.

THILTI 23:29

chun an dân thu zei lakah mawh an phiar asi ti ka theih le, sikhawmsele an phiarnâk thu lakah thihnâk leh phuarnâk phah rê ding hen zeikhawm ka theih loh.

THILTI 23:9

Chun, thungâi anna nawk rawh; Farisai leiah mi Dân sîntirtu tla zeimaw mi an dîr le, an êl, “Hi minung hi a sualnâk zeikhawm kan theih loh; thlarau khawm nih vânmifial khawm nih hawng kan sawnh menza khawmsele zei me pawi lai?” a ti.

THILTI 25:25

Sikhawmsele, a thihnâk khawp rê hen zeikhawm a ti lo ti ka theih le, chun, amah nih lalchem sinah tlunh a tum ruangah fial ka tum asi.