JEREMIA 26:11 - Bawm Common Language Bible Version

¹¹ Churawhchun, bâwlpu leh khuavâng tla nih ruitu tla leh zapi tla sinah, “Hi minung nih hin kan khuapi râwk ding hen a sim ruangah thi tlâk asi. Nanmah nâ ngelchel hen nan theih,” an ti.

JEREMIA 26:11 ပူးပေါင်းရင်းမြစ်များ

JEREMIA 18:23

Sikhawmsele, LALPA, thah ding hen an ka tum mi tla na theih asi. An thilsual ti chu ngaihdam lah na le, an sualnâk tla khawm ngaihdam lah na. Neh ding hen siam na le, na thinthawk liauah do na rawh,” ka ti.

JEREMIA 26:16

Churawhchun, ruitu leh zapi tla nih, bâwlpu leh khuavâng tla sinah, “Hi minung hi LALPA kan Pathian min hen kan sinah thu a sim ruangah thah ding asi lo,” an ti.

JEREMIA 38:4

Churawhchun, rianṭuantu tla chu lalchem sinah an va kal le, a sinah, “Hi minung hi thah ding mi asi. Hi hâwi thu a sim mi nih khuapi lakah kawrsen tla a zertir ver le, khuapi lakah um mi mikip sinah hi hâwi hen a ti. Midang rangah ṭangpi ding a awtlo le, nganfâk pêk na ding cho a duh,” an ti.

MATHAI 26:66

Annih nih chun, “Thi tlâk asi,” ti hen, an sâng.

JOHAN 18:30

Annih nih chun a sinah, “Hi minung hi misual si lah sele na sinah kan hawngpi lai loh,” an ti le, an sâng.

JOHAN 19:7

Juda tla nih chun a sinah, “Kan Dân pakhat a um, chu Dân hâwi vima hen Pathian Fapa ah â siam ruangah a thi ding asi,” an ti le, an sâng.

THILTI 22:22

Chun, chu tiang chu a ngâi le, chun hâu fâk tak hen, “Hi bang hâwi mi hi laikulh thawk hen tlâutir u; nung tlâk asi lo,” an ti rawh.

DEUTERONOMY 18:20

Sikhawmsele zei khuavâng zawng keimah thupêk lo hen ka min hen thusimtu chu, chu hâwi a ti ruangah a thi ding asi, chu hâwi hen zei khuavâng tal pathian dang tla min hen thusimtu tla chu an thi ding asi,’ a ti.

LÂIRÊL 6:30

Churawhchun, Joash sinah, “Na fapa kha hinah hawng suah, kan thah ding hen! Baal mâichâm a siat le, a kiangah mi Aserah lem khawm a hâu ving,” an ti.