JEREMIA 24:9 - Bawm Common Language Bible Version

⁹ An tlûnah chubang hâwi rêpnâk chu ka tlungtir lai le, laikulh ah phun kip tla an lâu lai. Mi nih an nihsanh na lai le, an pangpi na lai le, an tluktlak na lai, ka rekrâwi na mi mun kip ah an min ah siatbarh mi an ti na lai.

JEREMIA 24:9 ပူးပေါင်းရင်းမြစ်များ

1 Lal 9:7

Israel mi tla rangah ram ka pêk na mi thawk hen ka nar na awt. Keimah sawnhnâk ding ah hi Biakin ka thenhlimhtir mi khawm hi ka kaltâk lai. Mun kip mi nih Israel tla chu siarlo tak hen an zauhnawmh na lai.

2 CHRONICLES 7:20

hi ram kan pêk na mi lakah hin kan ṭhial ving lai le, hi Biakin keimah sawnhnâk ding ah ka ruat mi khawm hi ka kaltâk ving awt. Mun kip mi nih siarlo leh zauhnawmh hen nan um lai.

SAM 69:11

Ulhnâk puan hen ka thuam le, an hawng ka nihsanh.

ISAI 43:28

Nan lâirêltu tla nih ka mun thenhlimh an nawmh. Churuangah kei khawm nih Israel tlûnah siatnâk ka tlungtir le, zauhnawmh ding hen ka mi tla chu ka umtir na,” a ti.

ISAI 65:15

Ka mi thîm tla nih nan min ah hawlh siatbarh tla an ti na lai. Kei, LALPA Zahkâi nih ka nan thah na awt. Sikhawmsele ka thu ngâitu tla chu min thar ka pêk na lai.

JEREMIA 15:4

Hezekiah fapa Manaseh nih Jerusalem ah Juda lal a si liauah thil a ti mi ruangah, laikulh mi zawzawng muhnâk ah duksâ sûm rê hen ka siam na awt,” a ti.

JEREMIA 19:8

Chubang hâwi siatnâk ṭihnungkâi chu hi khuapi tlûnah ka tlungtir lai le, a paltu zawng an thinlung a purh hen chê an ti lai.

JEREMIA 25:18

Jerusalem leh Juda khuapi zawzawng tla an lalchem tla leh ruitu tla hen chu lakah mi chu dintir an si, siat leh râwk hen ṭihnungkâi leh lâu rê ding leh an thilti liau mi min put hen mi nih siatbarh mi tla an tinâk ding hen.

JEREMIA 26:6

Ka thu nan ngâilo nget mi asi chun, hi Biakin hi Siloh ah ka ti mi hâwi hen ka ti lai le, laikulh phun zawzawng nih a min ah siatbarh mi khuapi an ti lai,” a ti.

JEREMIA 29:18

Râltuknâk, pâmnâk leh râi hen ka ṭhâwl na lai le, laikulh phun zawzawng tla nih chu chu an muh lai le, an lâu lai. Ka rekrâwitir na mi mun kip ah chubang hâwi hen an lakah thil a hawng tlung mi ruangah an lâu lai. Mi nih an zauhnawmh lai le, an min ah siatbarh mi tla an ti lai.

JEREMIA 29:22

Jerusalem a mi Babulon leiah sal ah put hen um mi tla nih âu tlûnah mawh siatbarh an duh lai le, ‘Babulon lal nih a nung hen a rawh na mi Zedekiah leh Ahab hâwi hen LALPA nih an ti na seh an ti lai!’

JEREMIA 34:17

Churuangah tuah Kei, LALPA nih, ka thu nan ngâilo ti ka sim asi: nan hâwi Israel rangah thawsuaknâk nan pêk na lo. A ṭha ma chu, asi chun, thawsuaknâk ka nan pêk na lai: râltuknâk, râi, pâmnâk lakah thi ding mi thawsuaknâk chu. Nan lakah thil ka ti mi hen laikulh phun kip ka lâutir na awt.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 44:12

Juda mi tla, um rih mi Aigupta ram ah kal hen um tumtu tla chu an ektê hen an vei dep mi chu ka zauhnik lai. Râltuknâk ah mawh, pâmnâk ah mawh a lian a mê hen Aigupta ram ah an thi hep lai. Zauhnâkah lâu kâi rê hen an um lai le; mi tla nih an zauhnawmh lai le, siatbarh min an puttir na lai.

JEREMIA 44:13

Jerusalem chu râltuk leh pâmnâk leh râi hen ka rêp mi hâwitê hen Aigupta ah um mi tla chu ka rêp na awt.

JEREMIA 44:22

Tusûn ni takah hin nan ram chu râwk hen a um le, a sungah pakhat khawm an um lo rawh. LALPA nih nan sualnâk leh nan thilsual ti a ngâi châwklo rawh ruangah zauhnâk ah ṭihnungkâi rê hen a um le, a min ah khawm mi nih siatbarh mi ti asi.

EZEKIEL 23:46

Hi hi LALPA Zahkâi nih a sim mi chu asi: “Anmah tla ṭhih ding hen zapi minung hawng put na le râwk na.

EZEKIEL 25:3

Kei, LALPA Zahkâi nih thu ka sim mi ngâi ding hen simh na: Ka Biakin nawmh hen a um mi muh chu nan duh zia asi, Israel ram râwk hen a um mi muh khawm nan duh zia, Juda sal ah kal mi muh khawm nan duhzia asi.

EZEKIEL 26:2

“Thikho mi minung, hi hi Tura khuapi mi tla lawmhnâk chu asi. ‘Jerusalem khuapi chu a râwk rawh! A sâwlehnâk thiltikhonâk khawm a vei rawh! Hawng kan dotu asi lai lo rawh!’ ti hen an âu.

EZEKIEL 5:8

Churuang chun, Kei, LALPA Zahkâi nih, na mêlma kasi ti ka nan simh asi. Phun zawzawng mitmuh ah na lâi ka rêl awt.

DEUTERONOMY 28:25

“LALPA nih nan mêlma tla nanmah nehtu ah a siam na lai. Kâng khat lei hen nan do na chun, a dang chereh hen nan tek lai, tual tlûn minung zawzawng nih nan lakah thil tlung mi an muh lai le, an lâu lai.

DEUTERONOMY 28:37

LALPA nih a nan rektir phin na ding mi ram ah mi minung tla nih nan lakah thil a hawng tlung mi ruangah an lâu rê lai le; an nihsanh na hen an zauhnawmh na lai.