JEREMIA 24:7 - Bawm Common Language Bible Version

⁷ Kei, LALPA kasi ti theih ding duhnâk ka pêk na lai. Churawhchun, ka sinah an thinlung zawzawng hen an hawng kîr awt rawh ruangah annih chu ka mi le an si lai le, Kei, an Pathian kasi lai.

JEREMIA 24:7 ပူးပေါင်းရင်းမြစ်များ

2 CHRONICLES 6:38

Chu ram ah chun zumhkâi tak leh dik tak hen an rim hen hi ram hawng kan thlâktu tla rangah na pêk na mi sinah, hi khuapi na thîm mi, hi Biakin na rangah kan sak piak na mi lei hawi hen thla an cham chun ngâi piak na.

SAM 119:2

LALPA thupêk zûltu chu an thaw a suak e, an thinlung zawzawng hen amah ê-aw ngâitu tla chu.

ISAI 51:16

Vân tla ka pharh le, tual lungphûm tla ka phûm; Jerusalem sinah, ‘Nang chu ka mi tla na si! Ka sîntirnâk ka nan pêk hen ka kut hen ka nan hum,’ ” a ti.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

JEREMIA 29:10

“LALPA nih, ‘Babulon ah tângnâk kum sâwmsarih a tling rawh chun, ka nan ruat na mi ka langh lai le, in leiah an kîrpi na ding hen thu ka tiam mi ka theihkumza lai.

JEREMIA 3:10

Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

EZEKIEL 11:17

“Churuangah, kei LALPA Zahkâi nih ka sim mi thu chu simh na. Ka rekrâwitir na mi ram ah mi chu ka pumh ver na lai le, Israel tla sinah ram chu ka pêk nawlh na lai.

EZEKIEL 14:11

Hi hi Israel mi tla nih an ka kaltâk mi leh an sualnâk nih a nawmh na mi lakah anmah kilkâwinâk ding hen ka ti awt mi asi. Annih chu ka mi tla si hen, kei chu an Pathian kasi lai,” a ti. LALPA Zahkâi nih a sim asi.

EZEKIEL 16:62

Na sinah thudân ka tuk mi chu ka tharh nawlh lai le, LALPA kasi mi na theih lai rawh.

EZEKIEL 37:23

Milem fihnungkâi tla hen anna nawmh lai lo rawh le, sualnâk hen anna râwk lai lo rawh. An hawng ka phiarnâk leh an sualnâk zawzawng lakah mi ka lîttir na lai rawh. Ka thiangtir na lai le, ka mi tla an si lai le, kei, an Pathian kasi lai rawh.

EZEKIEL 37:27

Chunah an sinah ka um lai; an Pathian kasi lai le, annih chu ka mi tla an si lai.

EZEKIEL 39:22

Israel tla nih chu thawk chun kei LALPA an Pathian kasi mi an theih vima lai rawh.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

ZEKARIA 8:8

Jerusalem ah um ding hen saklei ah leh thlanglei ah mi chu ka kîrpi nawlh lai. Annih chu ka mi tla an si lai le, kei chu an Pathian kasi lai le, an tlûnah rep tak leh zumhkâi tak hen lâirêltu kasi lai.

ROM 6:17

Khawmsele, sual to-aw tla si khawm ule, sîntir dân a sinah nanna pêknâk chu thinlung tatak hen nan zâwt hen, chun sual lakah mi suak hen nan um le, repnâk to-aw tla nan hawng si rawh; churuang chun, Pathian sinah lâwmthu um seh; nan taksa chak lo ruangah minung dân hen thu ka sim asi.

HEBRAI 11:16

Ram ṭha dauh, vân ram duh mi an hawng si le; Pathian nih an Pathian ti hen an kawh ding chu a ningzak loh, an rangah khuapi a timhtuah piak na rawh ruangah.

HEBRAI 8:10

“Chubang tla nûnah chun Israel dâwngsung tla sinah thudântuk ka siam ding mi chu hi bang hi asi,” Lalpa nih a ti. “Hi nûn chun an thinlung ah ka thupêk tla ka siah lai le, an thinlung ah ka rîn ber lai le, chun, kei an Pathian kasi lai le, annih chu ka mi tla an si lai.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.