JEREMIA 24:6 - Bawm Common Language Bible Version

⁶ Ka vêng na lai le, hi ram ah hin ka kîrpi nawlh na lai. Ka dirh nawlh na lai le, ka siat nawlh na lai lo; ka phun na lai le, ka phâwi na awtlo.

JEREMIA 24:6 ပူးပေါင်းရင်းမြစ်များ

GENESIS 44:21

‘Pu, hinah muh ding na duh ruangah na kan chah le,

2 CHRONICLES 16:9

LALPA nih laikulh pumpi hi nâi tek hen a zauh le, amah lakah thinlung zumhkâi tak hen um mi tla sinah chaknâk a pêk na. Â tak hen thil na ti ruangah tu thawk hen na lakah râltuknâk a um kumza lai,” a ti.

NEHEMIAH 5:19

Pathian, hi bang murui mipi rangah thil ka ti mi zawzawng hi theihkumza ding hen kan ngiar.

SAM 34:15

LALPA nih mirep tla chu a vêng na le, an âu hâu a ngâi piak na.

SAM 44:2

Nangmah ngelchel nih lunglotu tla na nar hen, na mi le tla an ram na luahtir na zia leh Phun dang tla na rêp na le, na mi le tla sul-le-lam na tluangtir na mi chu.

ISAI 14:1

LALPA nih a mi Israel tla lakah khua a ruat nawlh lai le, amah mi ah a thîm na lai. Anmah ram ah a umtir nawlh na lai le, ramdang mi tla khawm an hawng lai le, chunah chun an sinah an um lai.

ISAI 60:21

Na mi tla nih thil dik an ti lai le, Ram chu anna ting kumza lai. An ektê sinah ka rokualnâk langh ding hen, Ka phun hen ka siam na mi an si.

JEREMIA 1:10

Tusûn ni ah hin, phun tla leh, lalram phâwi leh siat ding hen, râwk leh lawnh ding hen, dirh leh phun ding hen thuneihnâk ka nan pêk asi,” a ti.

JEREMIA 12:15

Sikhawmsele ka lâk ving na nûnah an lakah khua ka ruat lai le; anmah ram leh anmah umnâk chiauah ka kîrpi nawlh na lai.

JEREMIA 16:15

Chu ngâk hen, Kei, Pathian nung, Israel mi tla marlei kâng ram ah mi suakpitu leh ram dang zawzawngah ka rekrâwitir na nâkah mi suakpitu keimah min hen thutiamnâk an nei lai. An thlâktu tla sinah ka pêk na mi ram, anmah ram ngelchel ah ka kîrtir na lai. Kei, LALPA nih ka sim asi,” a ti.

JEREMIA 21:10

Hi khuapi hi zuah lo ding hen ka thinlung ah ka ruat mi cho asi lo, râwk dep ding hen ka ruat mi asi. Babulon lalchem sinah pêk hen a um lai le, anih nih a duah hep lai. Kei, LALPA nih ka sim asi,” a ti.

JEREMIA 23:3

Ka mi tla ka rekrâwitir na mi ram thawk hen a um rih mi tla vial chu ka pumh na lai le, anmah ram leiah ka kîrpi nawlh na lai. Fa tam tak an nei lai le, cherkhet an zan lai.

JEREMIA 29:10

“LALPA nih, ‘Babulon ah tângnâk kum sâwmsarih a tling rawh chun, ka nan ruat na mi ka langh lai le, in leiah an kîrpi na ding hen thu ka tiam mi ka theihkumza lai.

JEREMIA 31:28

Phâwi hen, siat phin hen, lawnh ving hen, veih ving hen, râwk dep na ding ka tum thlir na mi hâwi hen, anmah phun ding leh dirh ding ka tum thlir awt.

JEREMIA 31:4

Veikhat chu ka nan dirh nawlh na lai. Veikhat chu nan khuang tla put hen lâwm hen nan lâm nawlh lai.

JEREMIA 32:37

Ka thinthawknâk leh ka thinrunhnâk hen ka rekrâwitir na mi ram zawzawng thawk hen mi tla chu ka pumh na lai le, hi mun ah hin ka kîrpi nawlh na lai le, him tak hen ka umtir na lai.

JEREMIA 32:41

An rangah thil ṭha ti ding hen thinlung thawk tak hen ka ti lai le, hi ram hi luah kumza ding hen ka birhtir na lai.

JEREMIA 33:7

Juda leh Israel tla chu sul-le-lam tluang tak hen ka siam na lai le, a lânah mi hâwitê hen ka dirh nawlh na lai.

JEREMIA 33:9

Jerusalem chu lâwmnâk, zahnâk, ka rangah putso ding mi bul asi lai, Jerusalem mi tla rangah thil ṭha ka ti mi tla leh khuapi lakah sul-le-lam tluangnâk ka tlungtir mi an theih tikah laikulh phun kip tla lâu hen an thir lai rawh,” a ti.

JEREMIA 39:12

“Kal le, Jeremia va hâwl le, ṭhadektê hen zauhkhenh. Nganfâk zeikhawm pêk lah le, a duh mi zawng ti piak,” a ti.

JEREMIA 42:10

‘Hi ram ah nung dam hen um vima ding nan duh mi asi chun, râwk lo ding hen ka nan dîrh na lai le; phâwi lo ding hen ka nan phun na lai. Nan lakah siat leh râwknâk ka tlungtir mi ruangah thungâi ka lung a fâk.

EZEKIEL 36:24

Phunkip leh ram kip ah mi chu nan ram ah ka nan kîrtir nawlh na lai.

AMOS 9:14

Ka mi tla chu an ram ah ka kîrpi nawlh na lai. An khuapi â râwk rawh mi tla chu an sak lai le, chunah chun an um lai; grep dûm tla an siam lai le, a hâng tla an din lai le; dûm tla an tuah lai le, chunah an chîng mi tla chu an ei lai.

DEUTERONOMY 11:12

LALPA nan Pathian nih hi ram chu a kilkâwi kumza, tlâitluan hen a vêng hen a kil ding mi asi.

1 PETER 3:12

Lalpa mit chu mirep tla tlûnah a um le, an thlachamnâk tla khawm a ngâi kumza tâwn; sikhawmsele, thilsual titu tla chu do hen a hertâk dauh na