JEREMIA 24:5 - Bawm Common Language Bible Version

⁵ “Kei, LALPA, Israel Pathian nih Babulon sal ah put hen um mi tla chu theipi ṭha hâwi hen ka ngaih na le, ṭhadektê hen ka ti na awt.

JEREMIA 24:5 ပူးပေါင်းရင်းမြစ်များ

SAM 119:67

Na ka rêp lânah, thil diklo leiah ka kal le, tu lam chun na thu ka ngâi.

SAM 119:71

Rêp hen ka um mi kei rangah chun a ṭha, na dân thu zûl ding hen lungfiang a ka suah ruangah.

JEREMIA 24:4

Churawhchun, LALPA nih ka sinah,

JEREMIA 29:11

Nan rangah ka thiltum tla siat leh râwknâk um lo hen sul-le-lam tluang tak hen kalpi kan tum na mi leh mâilei ah nan lungum mi thu lakah an kalpi na ding ka tum mi thu chu keimah cho nih ka theih.

JEREMIA 29:20

Babulon sal ah kan kaltir na mi zawzawng tla, kei, LALPA nih thu ka sim mi hi ngâi u,’ a ti.

JEREMIA 29:4

“LALPA Zeizawng tikho, Israel Pathian nih Jerusalem ah mi Nebukadnezar nih Babulon ah put na ding hen a siang na mi zawzawng sinah thu a sim:

EZEKIEL 11:17

“Churuangah, kei LALPA Zahkâi nih ka sim mi thu chu simh na. Ka rekrâwitir na mi ram ah mi chu ka pumh ver na lai le, Israel tla sinah ram chu ka pêk nawlh na lai.

EZEKIEL 11:20

Churawhchun, ka dân tla an zûl lai le, zumhkâi tak hen ka thupêk tla an zûl lai rawh. Ka mi tla an silai le, kei an Pathian kasi lai.

LEVITICUS 26:44

Sikhawmsele, an mêlma tla ram ah an um liau khawm ah ka kaltâk na hen ka veih dep na lai lo. Chu nih chun an sinah thu dân ka tuk mi chu a dawngtir lai le, Kei, LALPA an Pathian kasi.

NAHUM 1:7

LALPA chu a ṭha asi, lawksawng liauah a mi tla chu a hum na le, amah lei hawng a hawitu tla chu a kilkâwi na.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

MATHAI 25:12

Anih lam nih chun, ‘Thungâi tak hen ka nan simh na, ka nan theih na lo asi,’ a ti le, a sâng.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

ROM 8:28

Chun, Pathian dâwttu amah ruat hâwi hen a kawh mi tla rangah chun ṭhatnâk ding hen zeizawng hen a ṭuan piak na tâwn ti kan theih.

1 KORIN 8:3

Sikhawmsele, âuzawng nih Pathian a dâwt chun, chu tak chu amah theih asi.

GALATIA 4:9

Tuah Pathian nan theih nûnah lam chun asi lo, Pathian mi theih nan hawng si nûn hin ti ding asi dauh, thilbul chak lo leh dawrlâp sal ah um mi leh nan duhnâk leikângah chun zeitin zia kîr nawlh me nan si? Zei rangah chu tla sal ah um ding nan duh nawlh êu?

DEUTERONOMY 8:16

Ramkaro ah an thlâk natu tla nih an ei dahlo mi buh manna an pêk na. Nanmah niknâk ding hen harsatnâk an pêk na le, a dawnghnâk ah thil ṭha hen mal an sâwm na ding hen.

2 TIMOTHE 2:19

Sikhawmsele, Pathian lungphûm bir chu a dîr kumza le, hi singsiahnâk hi a nei le, “Lalpa nih chun amah tâ tla a theih,” ti leh, “Lalpa min lamtu vial nih chun sual kaltâk seh,” ti hi.

THUPHUANG 3:19

Ka dâwt hen ka zângfah mi tla chu ka fâi hen nun ka simh na tâwn, semsêngâi le, rim rawh.