JEREMIA 23:9 - Bawm Common Language Bible Version

⁹ Ka thinlung â râwk le, ka thir LALPA ruangah, a thu thenhlimh ruangah, uain a din tam tuk le, a rî mi hâwi kasi.

JEREMIA 23:9 ပူးပေါင်းရင်းမြစ်များ

SAM 60:3

Na mi tla chu fâk tak hen na tuartir na le; kan rî ruangah khatlei khatlei kan hâwr.

SAM 69:20

Simsâwinâk nih ka thinlung a râwk le, ka lung a dawng. Zângfahtu leh siherhtu ka lungum le, sikhawmsele pakhat khawm an um lo. Thlangamhtu ka hâwl le, âukhawm ka tawng lo.

ISAI 28:1

Israel lalram chu a vânduai rawh! A rokualnâk chu a ruitu zurî lû ah chawmpâr lallukhuh hâwi hen a nawh rawh. Anna zumhnâk lû chu rimthâw an thuh le, sikhawmsele chunah chun zurî bû hen an rîl ko.

ISAI 29:9

Mâilei ah kal le, mâwl tak hen um! Mâilei ah kal le, mitchâw hen um! Uain lo thlo hen rî nek hen um! Zut khat khawm din lo hen hâwr!

ISAI 51:21

Nannih Jerusalem ah um mi tuartu tla nan rî hen hâwrtu tla,

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

JEREMIA 20:9

Sikhawmsele, “LALPA hi ka philh lai le, amah min hen thu ka sim lai lo rawh,” ka ti awt chun, na thuchah chu mei hâwi hen ka sung thûk tak ah a kâng. Ka ti kho ri ka sûm le, sikhawmsele ka derh kho lo rawh.

JEREMIA 36:16

A rêl thluh rawh chun khatlei khatlei lâu bû hen anna zauh le, Baruk sinah, “Hi thu hi lalchem sinah kan sim lai,” an ti.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 8:18

Ka lungfâknâk chu damh kho asi lo; ka thinlung ah ka ngawr.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

LUNGFÂKNÂK 3:15

Thil khâ hâng chu hawng ka dawlhtir le buh khâ leh tî khâ hawng ka eitir hen hawng ka dinh.

EZEKIEL 13:3

Hi hi LALPA Zahkâi thusim asi: “Hi bang khuavâng tla hi mi vânduai tak an si! Anmah thinlung thawk leh anmah phuah sawm mi muhnâk an simh na.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

EZEKIEL 9:6

Tar tla, tlangvâl tla, nungâk tla, nu tla, ngâksia tla thah na u. Sikhawmsele an chal ah singsiahnâk neitu tla chu tawngh lah na u. Hi ka Biakin thawk hen dawmh u,” a ti. Churawhchun, Biakin ah dîr mi ruitu tla hen anna dawmh rawh.

DANIAL 8:27

Ni zeimaw zat ding chu ka damlo le, ka uai thlo. Sikhawmsele, ka thawk le, lal nih ṭuan ding hawng ka ruat mi ṭuan ding hen ka kal nawlh le, sikhawmsele langhnâk ruangah ka thinlung a nawk le, theihthiamnâk ka nei kho lo.

HABAKUK 3:16

Hi bang zawzawng ka theih le, ka thir, ka mûr tla lâu hen a thir. ka tak a zengzê ver, tanglei ah ka kê khawn a pelh. Hawng ka dotu tla Pathian nih a rêp na tik ding chu dâisiptê hen ka ngâk ziar awt.

ROM 7:9

Chun, a lan khan kei dân lo hen ka nung le, sikhawmsele thupêk chu a hawng um kâ hen sual a hawng thawk le,