JEREMIA 23:2 - Bawm Common Language Bible Version

² LALPA Israel Pathian nih a mi tla zauhkhenhtu ah lâirêltu a ruat na mi thu a sim mi chu hi hi asi: “Ka mi tla chu nan zauhkhenh na lo le; nan rekrâwitir na hen nan nar phin na. Tuah thilsual nan ti mi ruangah kan rêp na awt.

JEREMIA 23:2 ပူးပေါင်းရင်းမြစ်များ

EXODUS 32:34

Tuah ka nan simh mi mun ah mi zapi tla chu kalpi na ko. Ka vânmifial nih a nan ruai vima ding mi kha theihkumza le, sikhawmsele, ka mi le tla an sual ruangah ka rêp na ding mi tik chu a tlung teh lai,” a ti.

JEREMIA 10:21

Kei nih ka sâng le, “Kan ruitu tla khawm an mâwl le; ruitu ding ah LALPA an ngiar lo. Chu tak chu an palhnâk asi le, kan mi le khawm anna rek ver rawh.

JEREMIA 11:22

Churuangah, LALPA Zeizawng tikho nih, “Ka rêp na lai! An tlangvâl tla chu râltuknâk ah an thi lai le, an fa tla chu buh ngei hen an thi lai.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 13:20

Jerusalem, zauhnik! Na mêlma tla marlei thawk hen an hawng! Nangmah vêngtu ah na rinhsan mi tla leh na mi na putso mi tla zeiah an um rawh?

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 17:10

Kei, LALPA nih, minung thinlung tla chu ka hâwl le, Ka nik rawh. An umdân leh an thilti zia hâwi vima hen ka ti na,” a ti.

JEREMIA 23:34

Ka mi lakah pakhat nih mawh, khuavâng nih mawh, bâwlpu nih mawh ‘LALPA thilrit’ ti thu a mang chun, amah leh a dâwngsung chu ka rêp na awt.

JEREMIA 44:22

Tusûn ni takah hin nan ram chu râwk hen a um le, a sungah pakhat khawm an um lo rawh. LALPA nih nan sualnâk leh nan thilsual ti a ngâi châwklo rawh ruangah zauhnâk ah ṭihnungkâi rê hen a um le, a min ah khawm mi nih siatbarh mi ti asi.

JEREMIA 5:29

Sikhawmsele, Kei, LALPA nih hi bang thil ruangah kan rêp na lai le; hi phun lakah lehrûl ka sam lai.

JEREMIA 5:9

Hi bang thil tla ruangah hin ka rêp na hen chubang tla ruangah chun phun tla tlûnah phû ka lam awtlo ma?

JEREMIA 8:12

Ka mi tla, hi bang thil fihnungkâi nan ti ruangah nan ning a zak ma? Zak lo, na ning zak lo thlo; ningzak khawm nan theih lo! Churuangah midang an tlû mi hâwi hen nan tlû bâk lai, ka nan rêp na tikah nan dawnghnâk asi lai rawh. Kei, LALPA, nih ka sim asi.

EZEKIEL 34:5

Dawrâ tla nih vêngtu an nei lo ruangah anna rekrâwi ver le, ramsa tla nih an thah na le, an ei na.

HOSEA 2:13

Keimah hawng ka philh hen Baal sinah rimthâw duah hen lungmantam hen â thuam le, amah duh mi tla a ṭhâwl na mi man ruangah ka rêp awt. LALPA nih a sim mi asi.

MIKAH 7:4

An lakah mi ṭha chem leh zumhkâi chem ti mi khawm belh hâwi hen zeirang khawm an tlâklo. Khuavâng tla mang hen Pathian nih rêp ding hen a simhkan mi ni chu a tlung rawh. Tuah chun anna nawk rawh.

ZEKARIA 10:3

LALPA nih, “Ramdang mi tla nih ka mi tla tlûnah lâi an rêl mi ka thin a run, anmah rêp ding hen ka kal awt. Juda mi chu ka tâ an si. Keimah LALPA Zeizawng tikho nih ka zauhkhenh na awt. Annih tla chu ka râltuknâk rang thiltikho tak an si lai.

ZEKARIA 11:16

Ka dawrâ rual zauhkhenhtu ah ka dawrâpu ka siah le, sikhawmsele veihtu nih a ṭhih na mi lakah a âwva lo le, a tlâu mi khawm a sunhsak lo, â liam mi khawm a thlawp lo, a thibang khawm râwl a pêk lo, chu hâwi ngâk hen dawrâ rual lakah a bit chem mi sa tla a ei le, an ketin khawm a thlêr piak na.

MATHAI 25:36

Takkaro kasi liauah puan nan ka aihtir le; ka damlo liauah nan ka veh; rêngin ah ka um liauah ka sinah nan hawng kal asi,’ a ti lai.

MATHAI 25:43

khual kasi liauah nan in ah nan ka tlungtir lo; takkaro kasi liauah puan nan ka aihtir lo; damlo leh rêngin ah ka um liauah nan ka veh lo,’ a ti lai.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.