JEREMIA 22:9 - Bawm Common Language Bible Version

⁹ Churawhchun, nan Pathian sinah nan thudântuk nan kal tâk hen pathian dang tla sawnh hen a rian nan ṭuan ruangah asi ti hen an sâng lai,” a ti.

JEREMIA 22:9 ပူးပေါင်းရင်းမြစ်များ

1 Lal 9:8

Hi Biakin khawm hi siat leh râwk hen a um lai le, a paltu zawng nih lâu khit hen chê an ti lai. ‘Zei rangah hi ram leh Biakin tla hi hâwi hen a ti zia,’ ti hen anna ruah lai.

2 Lal 22:17

Kei chu an hawng ka duh lo le, pathian dang tla sinah bâwlnâk an ap, churuangah an thilti zawzawng tla nih ka thin an thawktir. Jerusalem tlûnah ka thinthawknâk chu a reh ding asi lo.

2 CHRONICLES 34:25

An hawng ka duh lo le, pathian dang tla sinah bâwlnâk ap hen thil an ti mi zawzawng nih ka thin an runhtir. Jerusalem tlûnah ka thinthawknâk chu a reh ding asi lo.

JEREMIA 11:10

Ka thusim êltu tla chu an thlâktu tla sual leikângah an kîr le, pathian dang tla an sawnh. Juda leh Israel an panih hen an thlâktu tla sinah thudântuk ka siam mi chu an buar.

JEREMIA 11:3

Kei, LALPA, Israel Pathian nih, thudântuk thu hi zûllotu kip tlûnah siat ka barh mi thu Juda mi leh Jerusalem mi tla rangah simh na.

JEREMIA 16:11

LALPA nih, ‘Nan thlâktu nih an hawng ka hertâk le, pathian dang tla an sawnh hen a rian an ṭuan. An hawng ka kaltâk le, ka sîntir na mi an zûl duh lo.

JEREMIA 50:7

Anmah hâwltu tla nih an do na. An mêlma tla nih, ‘LALPA lakah thilsual titu an si, churuangah thil kan ti mi hi kan diklo mi asi lo. An thlâktu tla nih LALPA an rinhsan le, a lakah zumhkâi tak hen an um,’ an ti.

JEREMIA 9:13

LALPA nih a sâng le, “Ka mi tla nih ka sîntir na mi an ngâilo ruangah hi bang tla hi a hawng tlung mi asi. Ka simh na mi hâwi hen an ngâi hen thil an ti lo.

EZEKIEL 12:16

Tuknâk, pâmnâk leh râi lakah thibang tâwmtê ka zuah na lai le, phun tla nâwngah an thilti fihnung a kâi zia leh kei LALPA kasi zia an theih lai,” a ti.

EZEKIEL 14:23

churawhchun thil zeizawng ka ti mi chu a san ṭha tak a um ti na theih lai,” a ti. LALPA Zahkâi nih a sim asi.

EZEKIEL 39:23

Phun tla nih Israel mi tla sal ah an tâng mi chu ka lakah thilsual an ti ruangah sal ah an tâng mi asi ti an theih lai rawh. Ka hertâk na le, an mêlma tla chu râltuknâk ah anmah nehtu leh thahtu ah ka siam na.

EZEKIEL 5:15

“Ka thinrunh leh ka rothawknâk hen ka nan rêp tik chun, nan kiangah phun zawzawng tla an lâu lai. An fih na lai le, an nihsanh na lai.

DEUTERONOMY 29:24

Churawhchun, laikulh pumpi nih, ‘Zei zia me si LALPA nih hi hâwi hen an ram ah a ti le? Hi hâwi thinthawknâk hi a san zei me si?’ an ti lai.