JEREMIA 22:5 - Bawm Common Language Bible Version

⁵ Sikhawmsele ka thupêk nan zûl lo mi asi chun, hi lal in hi râwk ding hen thu ka nan tiamh na asi. Kei, LALPA nih ka sim asi.

JEREMIA 22:5 ပူးပေါင်းရင်းမြစ်များ

GENESIS 22:16

“Keimah min sâl hen thu ka tiam, LALPA nih thu a sim bâwngmal tam tak ka nan sâwm lai. Na fapa neihlem mi ûi lo hen ka sinah hi hâwi thil na ti ruangah,

2 CHRONICLES 7:19

Sikhawmsele nang leh na mi tla nih ka dân thu leh ka thupêk tla nan zûl lo hen, pathian dang tla nan sawnh mi asi chun,

2 CHRONICLES 7:21

“Tu lam chun Biakin chu zahkâi tak hen a um le, chu tikah mikip a paltu nih chê an ti lai le, ‘Zei rangah LALPA nih hi bang ram hi hi hâwi hen a ti le?’ an ti lai.

2 CHRONICLES 7:22

Mi nih anna thawh lai le, ‘LALPA an Pathian Aigupta ram ah mi an thlâktu tla suaktirtu an kaltâk ruangah leh pathian dang leiah an kawptâk le, an sawnh ruangah asi. Hi hâwi hen LALPA nih siat-le-râwknâk a tlungtir mi hi, an ti lai,’ ” a ti.

SAM 95:11

Ka thin a thawk le, thutiam fâk tak ka siam: ‘Dinhnâk ding ka nan pêk na mi ram ah chun nan lût rêng lai lo,’ ” ti hen.

ISAI 1:20

Sikhawmsele nan ka siarlo mi asi chun, vânduai tak hen nan thi lai. Kei, LALPA nih ka sim asi,” a ti.

JEREMIA 12:7

LALPA nih, “Israel chu ka kaltâk le; ka phun thîm tla chu ka nawng rawh. Ka dâwt mi minung tla chu an mêlma thiltikhonâk lakah ka pêk na rawh.

JEREMIA 17:27

Sikhawmsele, ka thu an zûl hen Dinhni chu thenhlimh tak hen an ulh ding asi. Chu ni ah chun Jerusalem kulh kawtkâ ah zei thilrit khawm an lûtpi ding asi lo, an lûtpi chun Jerusalem kulh kawtkâ chu mei hen ka duah awt. Mei nih chun Jerusalem ah lal in tla a khangh lai le, âukhawm nih mih kho asi lai lo,” a ti.

JEREMIA 26:4

LALPA nih mi zapi sinah thusim ding hen hawng ka simh, “Kei, LALPA nih, ka sîntirnâk thu ka nan pêk na mi zûl hen leh

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

JEREMIA 44:26

Sikhawmsele nannih Aigupta ram ah um mi zawzawng sinah Kei, LALPA Zeizawng tikho, keimah min hen thutiamnâk ka siam mi chu tuah ngâi u: ‘Pathian nung min hen thu ka tiam!’ ti sim hen thutiamnâk rerêng ka min hen nan lakah âukhawm kan neitir na awtlo rawh.

AMOS 6:8

LALPA Pathian, Zeizawng tikho nih hi simhkannâk a pêk mi asi: “Israel mi tla anna zûmnâk chu ka hua, an nuamchenhnâk mun chu zeikhawm ka siar lo. An khuapi chem sungah um mi zawzawng chu an mêlma rangah ka pêk awt,” a ti.

MIKAH 3:12

Churuang chun Zion chu nangmah ruangah phâisen hâwi hen nâwn asi lai le, Jerusalem chu nâwm pawngnâk asi lai, Biakin tlâng chu tumun asi lai.

MATHAI 23:38

Zauhnik u, nan Pathian Biakin chu a karo hen mâk hen a um rawh.

HEBRAI 3:18

Chun, ê-aw ngâilo tla sinah cho lo chun âu sinah me a dinhnâk ah lût lo ding hen siatsirh hen Pathian nih a tiamh?

HEBRAI 6:13

Pathian nih Abraham sinah thu a tiamh liau khan ti ngelchel ding hen siatsirh hen thu a tiamh. Amah ngâk hen rokual dauh a um lo ruangah thu a tiamh liauah amah min sâl hen siat a sirh.

HEBRAI 6:17

Chun, Pathian nih a thutiam rotingtu ding tla sinah chun a thiltum a dangtir kho lo zia theihtir khun duh hen siatsirh hen a birhtir.