JEREMIA 22:3 - Bawm Common Language Bible Version

³ “Repnâk leh diknâk ti ding hen, Kei, LALPA nih thu ka nan pêk na asi. Mi perpê nih a perpet mi chu hum rawh. Ramdang mi, mi ngâkṭah, numei tla nehsawh lah na; hi mun thenhlimh ah hin sualnâk nei lo mi tla thah lah na.

JEREMIA 22:3 ပူးပေါင်းရင်းမြစ်များ

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

2 Lal 24:4

Lalchem Manaseh nih thilsual tam tak a ti ruangah leh a bîk hen thilsual tilotu tla a thah na ruangah LALPA nih a ngaihdam kho lo le, Juda tla chu a mitkâ thawk hen veih dep ding hen hi hi LALPA thupêk a hawng tlung mi asi.

JOB LASUIBU 22:9

Numei tla ṭangpi na ding na duh lo mi lâwng asi lo le, mi ngâkṭah tla rangah na rawk na le, na nehsawh na.

JOB LASUIBU 24:9

Misual tla nih ngâkṭah pa nei lo tla chu sal ah an mang na le, mipâm fa tla chu an leibâ sam ding rûlah an lâk na.

SAM 68:5

Biakin thenhlimh ah um mi Pathian nih chun, mi ngâkṭah leh numei tla a zauhkhenh na.

SAM 82:4

Misual le thiltikhonâk lakah mi chu sanh na.

SAM 94:21

Mi ṭha phiartu leh sual nei lo thahtu hen khawm na rem lo.

SAM 94:6

Numei tla leh ngâkṭah tla an thah na, kan ram mi khual tla chu an thah na.

EXODUS 22:21

“Ramdang mi minung nehsawh hen nauneh lah; Aigupta ram ah ramdang mi nan si mi kha theihkumza u.

EXODUS 22:22

Mi ngâkṭah mawh numei mawh rangah nan nehsawh ding asi lo.

THUFING LASUIBU 23:10

A lân ah ramri chu ṭhial lah le, mi ngâkṭah ram neih chu suh lah.

ISAI 1:23

Na ruitu tla chu hel hen mifîr tla hâwikawmh an si rawh; thilpêk leh nawhnâk duhtu an si kumza. Mi ngâkṭah tla khawm lâirêlnâk ah an hum na lo, numei tla thunawk sim mi khawm an ngâi piak duh na lo.

ISAI 58:6

Kei nih ka duh mi buh ngei dân chu hi hi asi: Nehsawhnâk rêngrî chu sût piak hen, ritphurhnâk diklo tla lît piak hen nehsawh hen um mi tla suah na ding mi chu asi.

ISAI 58:7

Mi sungvâng tla rangah na buh ṭhenh le, mipâm dawrnâk nei lo mi tla rangah na in awng piak na. Aih ding nei lo mi tla rangah puan pêk na le, na rualsia tla ṭangpi ding mi chu êl lah.

JEREMIA 19:4

Mi nih hawng ka kaltâk hen pathian dang tla, an thlâktu tla leh Juda lalchem tla khawm nih an theih lo thlo mi pathian tla sinah bâwlnâk ap hen hi mun hi an nawmh ruangah hi hi ka ti awt mi asi. Hi mun hi sual nei lo mi minung thisen hen an khattir le,

JEREMIA 22:17

Sikhawmsele nangmah kawngkâ cho na ruat le; a sual lo mi rangah na thah le, na mi tla chu zângran ko hen na nehsawh na. LALPA nih a sim asi.

JEREMIA 26:16

Churawhchun, ruitu leh zapi tla nih, bâwlpu leh khuavâng tla sinah, “Hi minung hi LALPA kan Pathian min hen kan sinah thu a sim ruangah thah ding asi lo,” an ti.

JEREMIA 5:28

an bit hen an ei a thaw mi chu. An thilsual ti nih tâwk rî a nei lo. Mi ngâkṭah leh nehsawh hen um mi tla rangah chun diknâk leh repnâk an langh lo.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

LUNGFÂKNÂK 3:36

Lâirêlnâk ah thudik mahlo leikângah kalpi mi khawm a theih.

EZEKIEL 18:12

Mipâm tla perpet hen, rawk hen, lângtirtu nih a lângtir mi chu a kil ving. Lunglo mi mi thenhlimh thlân ah a va kal le, milem fihnungkâi sawnh hen

EZEKIEL 18:7

Âukhawm a perpet hen a râwk na lo. Him ziar hen amah rangah thil lanhtu chu a pêk nawlh le; mi sungvâng rangah buh a pêk le, takkaro hen um mi rangah nipuan a pêk na.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

EZEKIEL 45:9

LALPA Zahkâi nih, “Nannih Israel lâirêltu tla, nan sual zia a sâwt tuktarâi rawh! Mi rangah siatnâk nan ti mi leh nan nâunehnâk bâng u. A dik mi leh â rep mi ti u. An ram sungah mi ka mi tla nan suaktir na ding asi lo rawh. Kei, LALPA Zahkâi nih hi hi ka nan simh na asi.

JOEL 3:19

Aigupta chu ramkaro ah â chang lai le, Edom ram chu mang tlâklo hen â râwk lai, Juda ram a do hen a mi thilsual tilo mi tla a thah na ruangah.

LEVITICUS 19:15

“Dân lakah thu na thlûk mi lakah zumhkâi rawh. Mi pâm rang khawm ah sunhsak khun lah le, minei khawm ṭih khun lêm lah.

AMOS 5:15

Sual chu hua le, thil dik chu duh le, lâirêlnâk ah chun diknâk hi dingchangnâk asi ti theih rawh. Hi phun thibang um rih mi tla sinah hin LALPA nih khua a ruat lai dahmawh.

AMOS 5:24

Chu ngâk hen, diknâk chu tiva hâwi hen luangtir ule, repnâk chu kang dahlo mi tiva hâwi hen umtir u.

MIKAH 3:11

Khuapi sungah lâirêltu tla nih nawhnâk ruangah lâi an rêl le, bâwlpu tla nih a man duh hen dân thu tla an sim, chubang zawng tla nih, ‘LALPA kan sinah a um’ an ti ver. “Kan lakah nganfâk zeikhawm a tlung lai lo. Kan sinah LALPA a um,” an ti.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

MALAKI 3:5

LALPA, Zeizawng tikho nih, “Lâirêl ding hen nan lakah ka hawng a langh lai le, dâwithiam, ṭângdang pawm mang, thâwngthâng diklo simtu, rianṭuantu tla lawh lakah perpettu leh numei tla, ngâkṭah tla, ramdang minung lakah nâunehtu leh hawng ka zahlotu zawzawng sâwi hen thu ka sim awt.

MATHAI 23:23

“Nannih Dân sîntirtu leh Farisai perpê tla, nan tlûn a pit! Pudina tla, mohuri tla, zira tla chu parâ lû ah pakhat nan pêk tâwn le, Dân thu pawiherh dauh-- repnâk, khuaruatnâk leh zumhkâinâk tla chu nan dâithlanh tâwn. Chubang tla chu asi nan ti ding mi chu, a dang tla chu tlawlh lêm lo hen.

DEUTERONOMY 10:18

Ngâkṭah leh numei tla a dâwt na, kan sinah ramdang minung um mi tla khawm a dâwt le, ei ding leh nipuan tla a pêk na.

DEUTERONOMY 24:17

“An diknâk ah chun mi ngâkṭah khawm ramdang mi khawm dawktir lah u; lei â bat mi ruangah numei nipuan lâk piak lah.

DEUTERONOMY 24:7

“Âuzawng mah Israel phun lakah mi a fîr hen sal ah a siam hen mawh sal ah zuartu chu thah ngelchel ding asi. Hi hâwi hen chubang thilsual tla chu nan veih ding asi.

DEUTERONOMY 25:1

“Israel mi panih an thunawk sim ding hen lâirêlnâk mun ah va kal sele, pakhat chu sual lo hen, pakhat chu sual hen ngaih asi lai.

DEUTERONOMY 27:19

“ ‘An diknâk lakah ramdang minung, numei, ngâkṭah tla thlawrhthlâu chu Pathian siat an tlûnah um seh,’ an ti lai. “Mi zapi zawzawng nih ‘Amen!’ ti hen an sâng lai.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.