JEREMIA 22:18 - Bawm Common Language Bible Version

¹⁸ Churuangah Juda lalchem Josiah fapa, Jehoiakim thu chu LALPA nih a sim le, “Âukhawm nih a thihnâk ulh hen ‘Ṭihnung a kâi chiam e! Kawi, ṭihnung a kâi chiam e!’ an ti lai lo. Âukhawm amah ṭappi hen, ‘Ka bâwipa! Ka lalchem!’ an ti lai lo.

JEREMIA 22:18 ပူးပေါင်းရင်းမြစ်များ

2 SAMUEL 1:26

“Ka unaupa Jonathan, nangmah ruangah ka ngaihsia; ka rangah duh na kâi chiam e! Na hawng ka dâwt zia khawm a chê le, nunau tla dâwtnâk ngâk hen a fâk dauh.

1 Lal 13:30

Amah dâwngsungkhur thlân ah a vûi le, amah leh a fapa tla nih an sûn le, “Ka unaupa, unaupa!” a ti.

2 Lal 23:36

Jehoiakim chu Israel lal asi liauah kum kul leh kum nga mi asi, Jerusalem ah kum leikhat lâi a rêl. A nu chu Zebidah, Rumah khua mi Pedaiah fanu asi.

2 Lal 23:6

Biakin ah mi Aserah pathiannu lem chu Kidron Vakuam ah khuapi ah mi chu a lâk, a duah le, a rial dip, zatlâng vûinâk mun lakah a vawrh hep.

2 Lal 24:6

Jehoiakim chu a thi le, a fapa Jehoiakin a ruangrûl ah a lal.

1 CHRONICLES 3:15

Josiah nih fapa pali a nei: Johanan, Jehoiakim, Zedekiah leh Joahaz.

2 CHRONICLES 35:25

Khuavâng Jeremia nih lalchem Josiah lakah lungfâknâk thu a phuah. Nunau khawm mipa khawm Josiah rangah lungfâknâk la an sak mi chu Israel ram ah dân hâwi hen an nei. Hi la hi sûnnâk la phuah mi tla lakah a um.

2 CHRONICLES 36:5

Jehoiakim chu Juda lal asi liauah kum kul leh kum nga asi le, Jerusalem ah kum leikhat lâi a rêl. LALPA a Pathian lakah thilsual a ti.

JEREMIA 16:4

Râi ṭihnungkâi tak hen an thi lai le, âukhawm anmah lungfâk hen vûi natu an um lai lo. An ruak tla chu tual churtirtu pawng mi hâwi hen tual ah an rîl phut lai. Râltuknâk ah leh sungvâng hen an thi lai le, an ruak tla chu va tla leh ramsa tla râwl asi lai.

JEREMIA 16:6

A nei mi leh a pâm mi hi ram ah hin an thi lai le, âukhawm nih an vûi na lai lo le, anmah ruangah lungfâktu khawm an um lai lo. Âukhawm a lungfâk ti theihnâk ah mah a ât hen a lû a mêt lai lo.

JEREMIA 21:11

LALPA nih Juda lal dâwngsung David thlâk sinah hi thuchah hi sim ding hen hawng ka simh: “Kei, LALPA nih ka sim mi thu hi ngâi u. Nisiar hen diknâk thilti hi zauh. Perpettu nih a perpet mi chu hum rawh. Na hum lo mi asi chun, na thilsual ti ruangah ka thinthawknâk chu mei hâwi hen a alh lai le, mih kho asi lai lo.

JEREMIA 22:10

Juda mi tla, lalchem Josiah chu ṭappi lah ule, a thihnâk khawm ulh lah u. Sikhawmsele a fapa Joahaz an kalpi ving mi hawng kîr lo rawh hen, a suaknâk ram muh lo rawh ding mi rangah lungfâk tak hen ṭap u.

JEREMIA 22:12

An kalpinâk ram ah a thi lai le, hi ram hi a muh nawlh lai lo rawh,” a ti.

JEREMIA 34:5

Thlangam tak hen na thi lai le, nangmah lânah an thlâktu lalchem tla an vûi na liauah rimthâw an duah mi hâwi hen nang rang khawm ah an duah lai. Nangmah ulhnâk an nei lai le, ‘Kan lalchem chu a thi rawh!’ an ti lai. Kei, LALPA nih ka sim asi,” a ti.

JEREMIA 36:30

Churuangah tuah Kei, LALPA nih na sinah ka sim asi, lalchem Jehoiakim na thlâk tla âukhawm nih hi David lalram ah lâi an rêl rêng lai lo rawh. Na ruak chu sûn nî sa, nî nih a sattennâk mun ah lawnh hen a um lai le, zân ah vûr nih a tlâk lai.