JEREMIA 22:16 - Bawm Common Language Bible Version

¹⁶ Mipâm tla chu nunsimhnâk ṭha tak a pêk le, an ektê hen ṭha tak hen an zûl. Chu chu asi LALPA theihtu umdân chu.

JEREMIA 22:16 ပူးပေါင်းရင်းမြစ်များ

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

SAM 109:31

Anih nih chun mipâm tla chu a hum na le, thi ding hen an mawhtir na mi chu ruang a suah na ruangah.

SAM 36:10

Nangmah an theihtu chu dâwt vima na le, mirep tla tlûnah thil ṭha ti vima ding hen.

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

THUFING LASUIBU 31:9

An rangah thu sim le, rep tak hen lâirêltu si rawh. Ṭangpi herh leh mipâm tla chu hum na rawh.

ISAI 1:17

Asi, thilsual ti bâng ule, thildik ti a sîn u. Diknâk ti hen um mi tla chu zauh ule, nehsawh hen um mi chu ṭangpi na u, mi ngâkṭah tla ṭanh ule, numei tla hum na u,” a ti.

JEREMIA 5:28

an bit hen an ei a thaw mi chu. An thilsual ti nih tâwk rî a nei lo. Mi ngâkṭah leh nehsawh hen um mi tla rangah chun diknâk leh repnâk an langh lo.

JEREMIA 9:16

Anmah leh an thlâktu tla nih an theih dahlo mi phun lakah ka rektir ver na lai le, ka veih dep na tiang hen an lakah kawrsen tla ka fial na lai,” a ti.

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

JEREMIA 9:3

Ram sungah dik tak lâirêl ding ngâk hen âwkrâwl thu sim kumza mi leh zumhkâilo an si. LALPA nih, “Ka mi le tla nih thilsual dang dang an ti le, an Pathian kasi mi an hawng ka theih loh,” a ti.

MIKAH 6:8

Silo e! LALPA nih a ṭha mi hawng kan simh rawh, kan lakah a duh mi chu hi hi asi; diknâk, zângfahnâk dawnglo langhtirnâk leh amah Pathian hen nâutak hen a kawmh ding a duh mi chu asi.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

JOHAN 17:6

“Nangnih laikulh lakah suak mi tla keimah na ka pêk mi sinah khan na min ka langhtir rawh; annih chu na tâ an si kha, nangnih annih chu na hawng ka pêk asi; annih nih chun na thu an zâwt rawh.

JOHAN 8:19

Chun, annih nih chun a sinah, “Na pa zeiah a um?” an ti. Jisu nih, “Nannih nih kei nan hawng ka theih lo, ka Pa khawm nan theih lo; kei nan hawng ka theih chun, ka Pa khawm nan theih lai,” ti hen a sâng.

TITA 1:16

“Pathian kan theih” ti hen, anna ṭang tâwn le, sikhawmsele fihnungkâi tla, ê-aw ngâilo tla, thil ṭha kip ti leikângah Pathian duh lo mi zât an si, an thilti hen an phehtâk tâwn.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.