JEREMIA 22:10 - Bawm Common Language Bible Version

¹⁰ Juda mi tla, lalchem Josiah chu ṭappi lah ule, a thihnâk khawm ulh lah u. Sikhawmsele a fapa Joahaz an kalpi ving mi hawng kîr lo rawh hen, a suaknâk ram muh lo rawh ding mi rangah lungfâk tak hen ṭap u.

JEREMIA 22:10 ပူးပေါင်းရင်းမြစ်များ

2 Lal 22:20

Sikhawmsele, na thlacham hâu ka theih le, Jerusalem lakah rêpnâk lam chu na thih nûnah asi lai rawh. Nang lam chu thlangam tak hen kan thihtir awt,” a ti. Hi thuchah tla hen mifial tla chu lalchem Josiah sinah an kîr rawh.

2 Lal 23:29

Josiah lal liauah Aigupta lalchem Neko nih Asiria lal lianchem ṭangpi ding hen Eufretis Tiva ah a kawrsen a put na. Lalchem Josiah nih Aigupta kawrsen tla chu Megido ah kham na ding a tum le, chunah chun an thah rawh.

2 CHRONICLES 36:4

Neko nih Joahaz unaupa Eliakim chu Juda lal ah a siam le, Jehoiakim ti hen min dang a phuah. Joahaz chu Neko nih Aigupta ah a kalpi ving.

THUSIMTU 4:2

An thi le an kal rawh mi tla lam ka ngarh na; dam mi tla ngâk hen an rangah a ṭha dauh.

ISAI 57:1

Mi ṭha tla chu an thi le, âukhawm nih an theih hen an âwva lo. Sikhawmsele an thih liau khawm ah vânduainâk nih an lung a fâktir kho lo.

JEREMIA 16:7

Dâwt mi thih liauah chun thla va ngamh ding hen âukhawm a ei hen a dinpi lai lo. Nu leh pa nih thihtâk mi tla âumawh rang khawm ah an zângfahnâk an langh lai lo.

JEREMIA 22:11

LALPA nih chun Juda lalchem Josiah fapa Joahaz, a pa ruangrûl ah Juda lalchem si mi thu a sim, “Hinah mi kîr lo rawh ding hen a kal ving rawh.

JEREMIA 22:18

Churuangah Juda lalchem Josiah fapa, Jehoiakim thu chu LALPA nih a sim le, “Âukhawm nih a thihnâk ulh hen ‘Ṭihnung a kâi chiam e! Kawi, ṭihnung a kâi chiam e!’ an ti lai lo. Âukhawm amah ṭappi hen, ‘Ka bâwipa! Ka lalchem!’ an ti lai lo.

JEREMIA 22:27

Hi ram hi muh ding nan duh thlo lai le, sikhawmsele nan hawng kîr lai lo rawh,” a ti.

JEREMIA 25:27

Churawhchun, LALPA nih ka sinah, “Kei, LALPA Zeizawng tikho, Israel Pathian nih an lakah râltuknâk ka tlungtir awt mi ruangah, an rî le luak hen, an tlû hen thawk kho lo rê tiang hen din ding hen ka pêk na ti simh na.

JEREMIA 28:4

Juda lalchem Jehoiakim fapa Jehoiakin khawm Juda mi zawzawng Babulon sal ah kal mi tla hen ka hawng kîrpi nawlh lai. Asi, Babulon lalchem thiltikhonâk chu ka râwk lai. Kei, LALPA nih ka sim asi,” a ti.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 44:14

Juda mi tla um rih mi, Aigupta ram ah va um ding hen kaltu tla chu pakhat khawm an âwl hen an suak lai lo. Chunah um nawlh ding hen duhtu tla chu pakhat khawm Juda ram ah an hawng kîr lai lo. A tek mi tâwmtê tla cho lo chu âukhawm an kîr lai lo,” a ti.

LUNGFÂKNÂK 4:9

Râltuknâk ah thi mi chu, a nehnûnah sungvâng hen âukhawm buh pêktu umlo hen, tuar kho lo rawh ruangah thi mi ngâk hen a ṭha dauh.

EZEKIEL 24:16

“Thikho mi minung, veikhat vuak hen na duh chem mi minung chu ka lâk ving awt. Na vûirâm ding asi lo, na ṭap ding asi lo, na mitthli rêng a tlâ ding asi lo.

LUK 23:28

Jisu lam chu anmah lei â hawi le, “Jerusalem fanu tla, hawng ka ṭappi lah u, nanmah leh nan fa tla rangah ṭap dauh u.