JEREMIA 21:9 - Bawm Common Language Bible Version

⁹ Âuzawng khuapi lakah umtu chu râltuknâk lakah mawh sungvâng leh râi lakah mawh an thi lai. Sikhawmsele âuzawng va suak hen tuah khuapi dotu Babulon mi tla sinah va a pêktu chu thah an si lai lo; a nungnâk zing zuah asi lai.

JEREMIA 21:9 ပူးပေါင်းရင်းမြစ်များ

JEREMIA 14:12

Buh ngei na menza khawmsele, ṭangpi deih hen an âu mi ka ngâi piak na awtlo; duahphung thil ap leh fâng thil ap ka sinah hawng ap na khawmsele, an lakah ka lâwm awtlo. Chu ngâk chun, râltuknâk leh sungvângnâk leh râi hen ka thah na awt,” a ti.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 24:10

Anmah leh an thlâktu tla ka pêk na mi ram lakah mi chu pakhat khawm âwl lo ding hen an tlûnah donâk, pâmnâk leh râi ka tlungtir lai,” a ti.

JEREMIA 27:11

Sikhawmsele, zei phun tal Babulon lalchem sinah a pêk hen a rianṭuan piaktu chu, chu ram ah chun ka umtir lai le, phâisen a nâwn lai le, chunah khua a sâ lai. Kei, LALPA nih ka sim asi,” a ti.

JEREMIA 27:12

Juda lalchem Zedekiah sin khawm ah chu hâwi thu chu ka sim, “Babulon lalchem sinah a pêk le, amah leh a mi le rianṭuan le, na nung lai.

JEREMIA 27:13

Zei rangah nang leh na mi tla chu râltuknâk leh pâmnâk mawh râi lakah nan thi êu lai? Zei phun zawng Babulon lalchem sinah â pêk lo mi chu a sinah LALPA thusim a hawng tlung lai.

JEREMIA 38:2

“Âuzawng hi khuapi lakah umtu chu râltuknâk ah mawh, pâmnâk ah mawh, râi lakah mawh an thi lai. Sikhawmsele âuzawng suak hen Babulon mi tla sinah â pêk mi chu thah asi lai lo le, a nungnâk chu zuah asi lai,” LALPA nih a ti mi mi zapi tla sinah ka sim mi chu an theih.

JEREMIA 38:3

“Khuapi khawm Babulon kawrsen sinah ka pêk lai le, an lâk lai,” LALPA nih a ti mi khawm ka simh na.

JEREMIA 39:18

Him tak hen ka nan kilkâwi lai le, thah hen na um lai lo. Keimah na hawng ka rinhsanh ruangah na nungnâk chu a him lai. Kei, LALPA nih ka sim asi,” a ti.

JEREMIA 45:5

Nangmah rang ê hen bulsantu na hâwl mu? Minung zawzawng tlûnah siatnâk ka hawng tlungtir lai, sikhawmsele na kalnâk zawng ah na nungnâk cho a him lai. Kei, LALPA nih ka sim asi,” a ti.

EZEKIEL 5:12

Na mi tla anrang thum lakah anrang khat chu khuapi sungah damlo leh sungvâng hen an thi lai le; anrang thum ṭhen hen anrang khat chu khuapi lênglei ah nâmsâu hen thah an si lai; anrang khat a dawnghnâk ah mi chu thli lakah ka thektham lai le, nâmsâu hen ka ṭhâwl na lai.