JEREMIA 21:2 - Bawm Common Language Bible Version

² “Babulon lalchem Nebukadnezar leh a kawrsen tla nih khuapi an hual ruangah zângfahtê hen LALPA sinah thu hawng kan sim piak. LALPA nih kan rangah a thilchê pakhat tal hawng kan ti piak hen Nebukadnezar chu a kîrtir lai mawh,” an ti.

JEREMIA 21:2 ပူးပေါင်းရင်းမြစ်များ

GENESIS 10:10

A tîr chun a ram chu Babulon, Erek leh Akad, an pathum hen Babulon ram an si.

2 Lal 1:3

Sikhawmsele LALPA vânmifial nih Tishbe mi khuavâng Elija chu Lalchem Ahaziah nih mi a fial na mi tla hen va a tawng ding hen thu a pêk. “Ekron khua Baal Zebub pathian sinah zei rangah krai khâi ding hen nan kal awt? Israel ram ah Pathian umlo hen nan ruat ruangah ma?

2 Lal 17:24

Asiria lal lianchem nih Babulon ram ah khuapi tla, Kuth, Ivah, Hamat leh Sepharvaim ah mi mipi tla chu Samaria khuapi ah Israel sal ah an put na mi mun ah a umtir na. Chu khuapi ah mun an khuar le, an um.

2 CHRONICLES 32:21

LALPA nih Asiria kawrsen leh an hotu tla thah ding hen vânmifial a fial. Churawhchun, Asiria lal lianchem chu ningzâk bû hen a kîr rawh. Ni khat chu a pathian biakin ah a um liauah a fapa zeimaw mi tla nih an pa Asiria lal lianchem chu an thah rawh.

EXODUS 9:28

LALPA sinah thla hawng kan cham piak u; Rial leh khuarît kan tuar tuk rawh! An suah na ding hen thu ka tiam asi; hinah tam nan um lai lo rawh,” a ti.

ISAI 48:2

Khuapi thenhlimh lakah mi kan si, Israel Pathian, a min chu zeizawng tikhotu LALPA lakah ngauh mi kan si ti hen zûm tak hen thu nan sim nget rih.

JEREMIA 15:11

LALPA, na rian ṭhadek ka ṭuan lo hen ka mêlma tla an lawksawng hen anna hamh mi rangah ka ngiar piak na lo mi asi chun, an siatbarh tla chu tlung ngelchel seh.

JEREMIA 21:3

Churawhchun, LALPA nih ka sinah thu a sim le, ka sinah a hawng fial na mi chu LALPA, Israel Pathian nih a sim mi thu chu Zedekiah rangah va simh ding hen ka simh na.

JEREMIA 32:17

“LALPA zahkâi, nangnih tual leh vân na thilti rokual leh chaknâk hen na siam le; nang rangah chun thil zeikhawm a har tuk mi a um lo.

JEREMIA 32:24

“Babulon mi tla nih lâk ding hen khuapi hêl dak hen an hual hen tualpawng tla an siam, churawhchun an do na rawh. Tuknâk leh sungvângnâk leh râi nih khuapi chu an kut ah a tlûktir. Na sim mi zawzawng chu dik tak hen a hawng tlung ti na muh.

JEREMIA 34:1

Babulon lalchem Nebukadnezar leh a kawrsen tla phun zawzawng leh chi zawzawng amah tangah um mi kawrsen tla nih an hawng ṭangpi hen Jerusalem leh a kiangkam khua tla an do liauah LALPA nih ka sinah thu a sim.

JEREMIA 37:17

A nehnûn chun lalchem Zedekiah nih hawng ka kawh le, lal in ah a thuptê hen thu hawng ka deih, “LALPA thawk hen thuchah a um ma?” a ti. “Kei nih, “Um ta a,” ti hen ka sâng le, “Babulon lalchem sinah pêk hen na um lai,” ka ti.

JEREMIA 37:3

Lalchem Zedekiah nih Selemiah fapa Jehukal leh Maaseiah fapa bâwlpu Zephaniah chu kan phun ruangrûl ah LALPA, kan Pathian sinah keimah nih thlacham ding ngiar ah a hawng fial na.

JEREMIA 37:7

“Aigupta kawrsen tla chu nangmah ṭangpi ding hen an hawng le, sikhawmsele in leiah an kîr nawlh lai.

EZEKIEL 7:26

Siatnâk lakah siatnâk dang a hawng tlung lai, tivatê dusah a luang mi thâwng ṭhalo a hawng tlê lai. Khuavâng tla sinah langhnâk an muh mi nan deih na lai. Bâwlpu tla khawm nih mi zapi tla sîntir ding zeikhawm an nei lai lo, upa tla khawm nih thu simh ding an nei lai lo rawh.

LÂIRÊL 20:27

Chu liau chun Thudântuk Bâwm chu Bethel ah a um, Eleazar fapa, Aron tupa Phinehas chu thuneitu asi. Zapi tla nih LALPA an deih le, “Kan unau Benjamin mi tla chu kan do nawlh lai ma? Asi lo leh kan bângtâk ko lai ma?” an ti. LALPA nih a sâng le, “Do u. Thâi chu kan nehtir na lai,” a ti.

1 SAMUEL 10:22

“Midang an um rih ma?” ti hen LALPA an deih. LALPA nih, “Saul chu tlûn leiah thil siahnâk nâwngah â thup ko,” ti hen a sâng.

1 SAMUEL 28:15

Samuel nih Saul sinah, “Zei rangah na ka nawktir hen zei rangah kîr ding hen na ka tuah?” a ti. Saul nih a sâng le, “Thungâi ka lawksawng! Philistia mi tla nih an hawng ka do le, Pathian khawm nih hawng ka kaltâk. Khuavâng leh mang hen khawm hawng ka sâng duh lo rawh. Churuang chun ka ti ding mi hawng ka simh ding hen nangmah kan kawh asi,” a ti.

1 SAMUEL 28:6

Churuangah LALPA rangah zei hâwi ti ding asi awt ti hen a deih. Sikhawmsele LALPA nih a sâng lo thlo, mang lei hen khawm, Urim leh Thummim leh khuavâng mang hen khawm a sâng lo.