JEREMIA 20:8 - Bawm Common Language Bible Version

⁸ Thu ka sim kip ah “Zângnâwrnâk! Siatnâk!” ti hen ṭap hen âu ding ka suak. LALPA, na thuchah ka phuang ruangah zeiliau zawng ah nihsanh leh zauhnawmh hen ka um.

JEREMIA 20:8 ပူးပေါင်းရင်းမြစ်များ

2 Lal 2:23

Elisa chu Jeriko a mâk le, Bethel ah a va kal, lampi ah khuapi ah mi mipa ngâksia tla an hawng le, an nihsanh, “Nang lukâwngpa, suak ving,” ti hen an âu.

2 CHRONICLES 36:16

Sikhawmsele, Pathian mifial chu an do le, a thu tla siarlo hen khuavâng chu an nihsanh, a dawnghnâk ah chun LALPA thinthawknâk chu a fâk tuktarâi le, pakhat khawm a him mi an um lo.

ISAI 57:4

Âu me nan nihsanh? Nannih âwkrâwl thusim tla âu me nan diriamh?

JEREMIA 15:10

Ka lawk a sawng a! Zei rangah ka nu nih laikulh ah hawng ka ring êu? Ram lakah minung hen tawh leh thu êl ding mi cho kasi rawh. Âu sin khawm tangka ka pûk hen ka lâng lo; sikhawmsele mikip nih siat an hawng ka barh.

JEREMIA 15:15

Churawhchun, kei nih, “LALPA, nangnih na theihthiam. Hawng ka theihkumza le, hawng ka ṭangpi rawh. Hawng ka nehsawhtu tlûnah lehrûl hawng ka sam piak. Thah kho ding hen an hawng ka awttu tla lakah chun a dawnh tuk lah. Nangmah ruangah zauhnawmh kasi mi hi theihkumza.

JEREMIA 17:27

Sikhawmsele, ka thu an zûl hen Dinhni chu thenhlimh tak hen an ulh ding asi. Chu ni ah chun Jerusalem kulh kawtkâ ah zei thilrit khawm an lûtpi ding asi lo, an lûtpi chun Jerusalem kulh kawtkâ chu mei hen ka duah awt. Mei nih chun Jerusalem ah lal in tla a khangh lai le, âukhawm nih mih kho asi lai lo,” a ti.

JEREMIA 20:7

LALPA, na ka perpet le, perpet hen ka um rawh. Kei ngâk hen nang chu na chak dauh le, na thiltikhonâk hen na ka neh. Mikip nih an ka nihsanh le, nî tlâk hen an ka tluktlak.

JEREMIA 28:8

Khuavâng tla, nangmah leh keimah lânah simtu tla khawm nih râltuknâk, pâmnâk leh râi tla chu phun tam tak leh lalram thiltikho tak tlûnah hawng tlung ding hen an simkan rawh.

JEREMIA 5:1

Jerusalem mi tla, nan khuadung suak hen tek u! A kiangkam tla a hawi! Nangmah tak a zauh! Sumtuah mun tla hâwl. Pathian lakah zumhkâi hen um tumtu leh thil dik titu pakhat tal na muh kho ma? Na muh kho mi asi chun, Jerusalem chu LALPA nih a ngaihdam lai.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 6:10

Kei nih ka sâng le, “An sinah thu ka sim hen ka simhkan na chun âunih an ka ngâi piak awt? Mi lungkhung an si le, na thuchah khawm an ngâi duh lo; sim ding hen thu na ka simh mi hi an nihsuak tâwk cho lai.

JEREMIA 7:9

Thil nan fîr, mi nan thah, ṭângdang nan pawmtâk, âwkrâwl sim hen siat nan tleih, Baal sinah bâwlnâk nan ap le, a lânah nan theih dahlo mi pathian tla nan sawnh.

HABAKUK 1:3

Hi hâwi lawksawngnâk muh ding hen zei rangah na hawng ka siam, hi bang hâwi thil diklo ti hi zeitin na zauh kho zia? Siatnâk leh râwknâk nih hawng ka kulh dak le, mun kip ah a sualnâk leh donâk a um.

LUK 11:45

Chun, Dân sîntirtu pakhat nih a sinah, “Sîntirtu, hi thu na sim mi hi kannih khawm na kan fâi mi asi,” a ti le, a sâng.

HEBRAI 11:26

Mesia ruangah tuarnâk chu Aigupta ram rothil tla ngâk hen sum rokual dauh ah a ruat le, mâilei ah lâwmman pêk ding mi chu a chuanh ruangah.

HEBRAI 13:13

Chun, amah an zauhnawnhnâk chu phurh hen kulh dâilêng ah amah sinah kan kal lai.

1 PETER 4:14

Krist lungtu nan si ruangah fâi nan si chun nan thaw a suak, rokualnâk Thlarau leh Pathian Thlarau chu nan lakah a um ruangah.