JEREMIA 20:7 - Bawm Common Language Bible Version

⁷ LALPA, na ka perpet le, perpet hen ka um rawh. Kei ngâk hen nang chu na chak dauh le, na thiltikhonâk hen na ka neh. Mikip nih an ka nihsanh le, nî tlâk hen an ka tluktlak.

JEREMIA 20:7 ပူးပေါင်းရင်းမြစ်များ

2 Lal 2:23

Elisa chu Jeriko a mâk le, Bethel ah a va kal, lampi ah khuapi ah mi mipa ngâksia tla an hawng le, an nihsanh, “Nang lukâwngpa, suak ving,” ti hen an âu.

JOB LASUIBU 12:4

Tuah ka hâwi le men nih an ka nihsanh le, rêp hen sâwi ding um lah khawmsele, an hawng ka nihsanh. Sikhawmsele, Pathian nih ka thlachamnâk a sâng tik ding a um.

JOB LASUIBU 30:9

Tu chun an hawng le, an ka nihsanh. Annih rang chun zeikhawm silo, an nihsanh tâwk cho kasi.

SAM 119:51

Mi zûm tla chu ka lakah nihsanhtu an si kumza, sikhawmsele na dân thu chu ka kaltâk lo.

ISAI 8:11

LALPA nih a thilti rokual tak hen, mi zapi tla kalnâk lampi ah kal lo ding hen hawng ka simhkan rawh.

JEREMIA 15:10

Ka lawk a sawng a! Zei rangah ka nu nih laikulh ah hawng ka ring êu? Ram lakah minung hen tawh leh thu êl ding mi cho kasi rawh. Âu sin khawm tangka ka pûk hen ka lâng lo; sikhawmsele mikip nih siat an hawng ka barh.

JEREMIA 15:18

Zei rangah ka tuar kumza nget rih? Zei rangah ka mâ a dam dahlo? Zei rangah an damtir dahlo? Ṭhalpini ah tiva a kang mi hâwi hen lungdawngtir ding ma na ka awt?” a ti.

JEREMIA 17:16

Sikhawmsele, LALPA, an lakah siatnâk na tlungtir ding hen ka nan fawrh lo, an rangah nawknâk tik hawng tlung ding khawm ka duhpi na lo. LALPA, chu chu nangmah nih na theih le, thu ka sim mi tla khawm na theih.

JEREMIA 20:9

Sikhawmsele, “LALPA hi ka philh lai le, amah min hen thu ka sim lai lo rawh,” ka ti awt chun, na thuchah chu mei hâwi hen ka sung thûk tak ah a kâng. Ka ti kho ri ka sûm le, sikhawmsele ka derh kho lo rawh.

JEREMIA 29:26

“LALPA nih Jehoiada ruangrûl ah bâwlpu ah a nan siam le, tu chun nang chu Biakin ah hotu chem na si rawh. Mi â tla, khuavâng telê â siam mi thîr chikchîn hen a ngâwng ah khih mi tla zauhkhenh chu na rianṭuan asi.

JEREMIA 38:19

Sikhawmsele, lalchem nih a sâng le, “Kan ram minung Babulon leiah tek ding mi chu thungâi ka ṭihpi na, kei khawm an sinah pêk leh rêp hen ka um kho,” a ti.

LUNGFÂKNÂK 3:14

Nî tlâk hen mi nih an ka nihsanh le; annih rang chun dehchawh salam ding cho kasi rawh.

EZEKIEL 3:14

LALPA thiltikhonâk fâk tak ka lakah a hawng tlung le, a thlarau nih hawng ka put liauah ka lung si lo le, ka thinthawk.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

MIKAH 3:8

Sikhawmsele kei lam chu a thlarau leh a thiltikhonâk hen hawng ka khattir lai le, thildik theihnâk leh râlṭhatnâk, a mi Israel tla an sualnâk theihtir na ding hen hawng ka pêk.

LUK 16:14

Chun, Farisai, tangka sunhsaktu tla nih chun chubang thu zawzawng an theih le, an nihsanh.

LUK 23:11

Chun, Herod leh a kawrsen tla nih chun Jisu an zauhnawmh le, nihsuak siamnâk ah an mang le, chun puan rokual tak aihtir hen Pilat sinah an fial nawlh rawh.

THILTI 17:18

Chun, Epikuria mi leh Stoik mi lakah mi fing âumawh khawm nih anih chu an hawng êlpi. A zeimaw mi nih, “Hi mi katam nih hin zei me sim a tum?” an ti. A zeimaw mi nih Jisu thu leh thawknawlhnâk thu a sim ruangah, “Ramdang pathian tla thusimtu asi bei a!” an ti.

THILTI 17:32

Chun, mithi lakah thawknawlhnâk thu chu an theih kâ hen, a zeimaw mi an nihsanh, a zeimaw mi nih, “Hi thu hi na sinah kan hawng ngâi nawlh lai,” an ti.

1 KORIN 9:6

Asi lo chun rianṭuan lo ding hen kei leh Barnaba nih thu kan nei lo bîk mazei?

HEBRAI 11:36

midang tla khawm nih nehsawh leh vuak tla an tuar, chu lo khawm chu rêngkhimh leh rêngin ah khumh hen an um,