JEREMIA 20:6 - Bawm Common Language Bible Version

⁶ Pasur, nang khawm na dâwngsung hen an tleih na lai le, Babulon ah an kalpi na lai. Chunah chun na thi lai le, na hâwi tla âwkrâwl tam tak na simh mi tla hen an vûi na lai,’ ” a ti.

JEREMIA 20:6 ပူးပေါင်းရင်းမြစ်များ

ISAI 9:15

Anmah lakah tar leh mi zahkâi tla chu lû an si le, mei chu khuavâng âwkrâwl thusimtu tla chu an si!

JEREMIA 14:13

Churawhchun, kei nih, “LALPA Zahkâi, khuavâng tla nih mi zapi sinah tuknâk leh pâmnâk a um awtlo, kan ram lakah thlangamnâk lâwng a um awt ti na tiamh na ruangah an sim mi na theih ko,” ka ti.

JEREMIA 14:16

An va simh na mi minung tla khawm chu hâwi hen thah hen an um lai. An ruak tla chu Jerusalem zâwllâi ah an lawnh lai le, âukhawm vûitu an um lai lo. Chubang tla chu anmah lakah leh an nupi tla, an fapa tla leh an fanu tla lakah a hawng tlung lai. An sual man ka pêk na awt,” a ti.

JEREMIA 20:1

Biakin ah bâwlpu lakah a lian mi Imer fapa bâwlpu Pasur nih chubang thu ka sim mi a theih rawh chun,

JEREMIA 20:4

LALPA amah tak nih, ‘Nangmah rangah leh na hâwi tla rang khawm ah ṭihnungkâi ah ka nan siam awt, mêlma tla nih nâmsâu hen an thah na mi zawzawng na muh lai. Juda mi tla chu Babulon lalchem thiltikhonâk tangah ka siah na awt; mi zeimaw mi chu sal ah a ram leiah a put na lai le, a dang tla chu a thah na lai.

JEREMIA 23:32

Kei, LAPA nih ka sim mi hi ngâi rawh! Âwkrâwl karo hen an mang thu simtu khuavâng chu ka do asi. Anna zûmnâk leh âwkrâwl thu hen ka mi tla chu chubang mang thu tla sim hen mahlo leiah an kalpi na. Kei nih kal ding hen ka fial na hen thu ka pêk na mi asi lo, ka mi tla rangah ṭangpitu an si lêm lo. Kei, LALPA nih ka sim asi,” a ti.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 2:14

Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

EZEKIEL 22:28

Khuavâng tla khawm nih, mi nih hawl hen kulh an nalh mi hâwi hen chubang sualnâk chu lang lo ding hen an pheh. Muhnâk diklo tla an muh le, simkannâk diklo tla an sim. LALPA Zahkâi thu simtu ah anna ruat le, sikhawmsele kei LALPA nih annih tla chu ka sawnh na lo.

LEVITICUS 26:17

Ka nan hawitâk na lai le, neh hen nan um lai le, a nan hua natu nih nan tlûnah lâi an rêl lai; nan ṭih tuktarâi na lai le, âukhawm ṭhâwl lo hen nan tek lai.

MIKAH 2:11

Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

ZEKARIA 13:3

Âuzawng thu sim nget rihtu chu âwkrâwl thusim hen LALPA thu ka sim ti a ti ruangah a nu leh a pa nih thah ding mi na si an ti lai. Thu a sim liau takah a nu leh a pa tak nih thi thlo an sunh lai.

DEUTERONOMY 28:25

“LALPA nih nan mêlma tla nanmah nehtu ah a siam na lai. Kâng khat lei hen nan do na chun, a dang chereh hen nan tek lai, tual tlûn minung zawzawng nih nan lakah thil tlung mi an muh lai le, an lâu lai.