JEREMIA 20:5 - Bawm Common Language Bible Version

⁵ An mêlma tla chu hi khuapi mi neih zawzawng tla ka rawktir na lai le, an thil-le-rî leh neih zawzawng tla, Juda lalchem tla thil siahnâk tiang ka lâktir na lai le, Babulon ah ka puttir hep na lai.

JEREMIA 20:5 ပူးပေါင်းရင်းမြစ်များ

2 CHRONICLES 36:10

Tifûr a tlâk rawh chun Jehoiakin chu Nebukadnezar nih Babulon ah sal ah a put ving le, Biakin ah mi thil-le-rî khawm a kalpi hep. Nebukadnezar nih Jehoiakin patê Zedekiah chu Jerusalem leh Juda lal ah a siam.

ISAI 39:6

na lal in ah mi thil zawzawng, a nan thlâktu tla nih an siah mi thil zawzawng tusûn ni tiang an khawng mi chu Babulon leiah an put hep ding mi tik a tlung awt rawh. Zei thil khawm mâk asi lai lo.

JEREMIA 12:12

Ramkaro mun sâng tla pal hen rûn ding hen mi tla an hawng. Ram pumpi veih ding hen râltuknâk ka tlungtir le; âukhawm thlangam tak hen an um kho lo.

JEREMIA 15:13

LALPA nih ka sinah, “Ram pumpi ah ka mi tla nih thilsual an ti ruangah, anmah rêpnâk ding hen an neih leh an rothil tla lâk piaktu ding hen mêlma tla ka fial awt.

JEREMIA 17:3

Nan ram pumpi ah sual zawzawng nan ti mi ruangah nan mêlma tla chu nan neih leh nan thil-le-rî lâk piaktu ah ka siam awt.

JEREMIA 3:24

Sikhawmsele, Baal, ningzaknâk pathian kan sawnh mi ruangah kan ran leh ranrual tla, kan fapa leh kan fanu tla, thil zeizawng hawng kan thlâktu nih a lânah an ṭuan mi tla hawng kan veih phahtir ver.

JEREMIA 32:24

“Babulon mi tla nih lâk ding hen khuapi hêl dak hen an hual hen tualpawng tla an siam, churawhchun an do na rawh. Tuknâk leh sungvângnâk leh râi nih khuapi chu an kut ah a tlûktir. Na sim mi zawzawng chu dik tak hen a hawng tlung ti na muh.

JEREMIA 39:2

Zedekiah a lal mi kum leikhat a thla kuanâk ah khuapi kulh tla chu a râwk ver rawh.

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

JEREMIA 4:20

Siatnâk nûnah siatnâk dang nih a hawng zûl le; ram pumpi chu râwk dep hen a um rawh. Kan puanin tla chu a râwk sawm le; a puanzâr tla chu a tlêk dip rawh.

LUNGFÂKNÂK 1:10

A mêlma tla nih a neih zawzawng an râwk hep. LALPA nih phun dang tla lût ding hen a siang lo mi Biakin ah an lût mi tla khawm a muh ko.

LUNGFÂKNÂK 1:7

Jerusalem chu tu chun thimpem hen a um rawh le, A lânah a rokualnâk tla a theih vung rawh. Mêlma nih a neh liauah âukhawm ṭangpitu a um lo, A nehtu tla nih a tlû mi chu an nihsanh.

LUNGFÂKNÂK 4:12

Zei ram mi minung khawm nih, ramdang phun tla lâirêltu tla khawm nih Jerusalem kulh chu rûntu âutal lût kho ding an ruat lo.

EZEKIEL 22:25

Ruitu tla chu chakeibaknei nih ramsa an seh le, an rûm mi hâwi an si. Mi tla an thah na le, an tangka leh an thil-le-rî an tawng mi tla chu an lâk piak hep na le, an mi thah ruangah numei tam tak an um.

DANIAL 1:2

Lalpa nih lal Jehoiakim chu a tleihtir le, Biakin ah mi thil-le-rî zeimaw mi a lâk. A mi tleih tla chu Babulon ah mi a pathian biakin tla leiah a put na le, a thil lâk tla chu biakin ah thil siahnâk ah a siah.

HOSEA 13:15

Israel tla chu belh hâwi hen ningno khawmsele ramkaro lei thawk hen thli lum ka hawngtir lai le, an tinungva leh an tikhurchawh tla a kang hep lai. Thilsung zawzawng a lâk hep lai.