JEREMIA 20:4 - Bawm Common Language Bible Version

⁴ LALPA amah tak nih, ‘Nangmah rangah leh na hâwi tla rang khawm ah ṭihnungkâi ah ka nan siam awt, mêlma tla nih nâmsâu hen an thah na mi zawzawng na muh lai. Juda mi tla chu Babulon lalchem thiltikhonâk tangah ka siah na awt; mi zeimaw mi chu sal ah a ram leiah a put na lai le, a dang tla chu a thah na lai.

JEREMIA 20:4 ပူးပေါင်းရင်းမြစ်များ

2 Lal 25:7

Zedekiah mitmuh ah a fapa tla chu an thah na, churawhchun Nebukadnezar nih Zedekiah mit chu a chawih piak zek, rêng a khimh le, Babulon leiah a kalpi rawh.

SAM 73:19

Lâkkhatko ah anna râwk dep le, dawnghnâk ṭihnungkâi ah an kal.

JEREMIA 13:10

Hi misual tla nih ka thu an ngâilo. An lungkhung hen an sual kumza, phundang pathian tla sawnh hen a rian an ṭuan. Chu hâwi hen hi puannêm tâwi tla a ṭhalo rawh mi hâwi an si lai rawh.

JEREMIA 13:19

Simlei kângah mi Juda khuapi tla chu hual hen a um rawh le; âukhawm an sinah kal kho asi lo rawh. Juda mi zawzawng tla chu sal ah put hep an si rawh,” a ti.

JEREMIA 19:15

LALPA Zeizawng tikho, Israel Pathian nih hawng ka simh mi thu zapi minung zawzawng ka simh na, “Ka thusim ngâi duh lo hen nan lung a khung ruangah, hi khuapi leh a kiangkam mi khua tênâu lakah rêpnâk zawzawng ka tlungtir lai ka ti mi chu ka hawng tlungtir awt, a ti,” ti hen.

JEREMIA 20:6

Pasur, nang khawm na dâwngsung hen an tleih na lai le, Babulon ah an kalpi na lai. Chunah chun na thi lai le, na hâwi tla âwkrâwl tam tak na simh mi tla hen an vûi na lai,’ ” a ti.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 29:21

“LALPA Zeizawng tikho, Israel Pathian nih Kolaiah fapa Ahab leh Maaseiah fapa Zedekiah a min hen âwkrâwl thu an simh natu thâwngthâng a sim. Anih nih chun Babulon lalchem Nebukadnezar thiltikho tak, nan mitmuh ah thah natu ding mi kutah a pêk na ding mi thu a sim.

JEREMIA 46:5

Sikhawmsele LALPA nih, “Zei ka muh ne?” a ti. Ningṭih hen dunglei ah anna her rawh. An kawrsen tla kîrtir hen an um le; lâunâk hen neh hen an um, an chelh rî hen an tek, dunglei rêng an hawng a her lo.

JEREMIA 52:24

Chu lo khawm ah Nebuzaradan hotu nih bâwlpu lian Seraiah leh amah ngâk a niam dauh mi Zephaniah leh Biakin ah rianṭuantu herh mi pathum dang tla sal ah a put hep na.

JEREMIA 52:27

Hamath ram ah Riblah khua ah um mi sinah a kalpi na. Chunah chun lalchem nih a rêp na le, a thah na. Churawhchun, Juda mi tla chu sal ah put hen an um rawh.

JEREMIA 6:25

Kan kiangkam ah kan mêlma tla râlthuam leh ṭih ruangah ram ah kan suak hen leh lampi khawm ah kan kal ngam lo,” an ti.

1 SAMUEL 2:33

Sikhawmsele, na thlâk tla lakah pakhat chu ka zuah lai le, ka bâwlpu rian a ṭuan lai. Sikhawmsele, a mit a châw lai le, lungum ding zeikhawm a nei lai lo; na thlâk tla dang zawng chu thih ṭhalo tak hen an thi lai.