JEREMIA 20:2 - Bawm Common Language Bible Version

² hawng ka vuak ding hen thu a pêk le, thîr chikchîn hen rêng an hawng ka khimh le, Biakin ah Benjamin Kulh kawtkâ an ti mi kiang tlûnlei ah an ka siah.

JEREMIA 20:2 ပူးပေါင်းရင်းမြစ်များ

1 Lal 13:4

Lalchem Jeroboam nih chu chu a theih rawh chun khuavâng chu a khît le, thu a pêk na, “Khi minung khi tleih u,” a ti ka hen lal kut chu a khêng ving le, a bân chu a tum kho lo rawh.

1 Lal 22:27

Chun, rêngin ah thlâk sele, him tak hen ka hawng kîr nawlh lânlo chu tî leh râwl khawp ual lo hen pêk na seh,” a ti.

2 CHRONICLES 16:10

Hi thusim nih Asa chu khuavâng tlûnah a thin a run le, rêng a thlâk rawh. Chu liau chun midang tla khawm Asa nih thungâi a nehsawh na.

2 CHRONICLES 18:23

Churawhchun, khuavâng Zedekiah chu Mikaiah sinah a va kal le, a mêl ah a bengh le, “Zeiliau me LALPA thlarau nih kei hawng ka kaltâk hen na sinah thu a sim?” a ti.

2 CHRONICLES 24:21

Lalchem Joash chu Zekariah an phiarnâk ah a bawp le, mi zapi tla nih Biakin kulh sungah lung hen an seh.

JOB LASUIBU 13:27

Ka kê lakah chikchîn hen na ka phuar le, ka kê kâr tla na vêng rêt. Ka keneh tla khawm na zauhdik hep.

JOB LASUIBU 33:11

Ka kê ah chikchîn hen hawng ka khih le, châng lo ding hen hawng ka ngâk rêt,” na ti.

JEREMIA 26:10

Juda ruitu tla nih chu hâwi thil a hawng um mi an theih rawh chun, lal in ah mi chu mawhsareh hen Biakin ah an hawng kal le, Kulh Kawtkâ Thar mun an hawng luah.

JEREMIA 26:8

LALPA nih sim ding hen thu hawng ka pêk mi ka sim lîm kâ hen an ka tleih le, an âu, “Hi ruang hin nang chu thah ding mi na si!

JEREMIA 29:26

“LALPA nih Jehoiada ruangrûl ah bâwlpu ah a nan siam le, tu chun nang chu Biakin ah hotu chem na si rawh. Mi â tla, khuavâng telê â siam mi thîr chikchîn hen a ngâwng ah khih mi tla zauhkhenh chu na rianṭuan asi.

JEREMIA 36:26

Churawhchun, lal nih, lal fapa tla Jerahmeel, Azriel fapa Seraiah hen, Abdeel fapa Selemiah tla chu ka lasuirîntu Baruk leh kei chu tleih ding hen thu a pêk na rawh. Sikhawmsele, LALPA nih hawng kan thuh.

JEREMIA 37:13

Sikhawmsele, Benjamin kulh kawtkâ ka va tleng le, kawrsen hotu chunah rianṭuan mi a min Irijah Selemiah fapa Hananiah tupa nih a hawng ka dîrtir le, “Babulon leiah tek mi na si!” hawng ka ti.

JEREMIA 37:21

Churawhchun, lalchem Zedekiah nih lal in kulh sungah khumh ding hen thu a suah. Chunah chun ka um le, khuapi ah mi sang a dih lânlo chu nisiar hen sang siamtu sinah mi sang an hawng ka pêk.

ZEKARIA 14:10

Marlei mi Geba thawk hen simlei mi Rimon tiang hen chu ram bial zawzawng chu râwn dep hen siam asi lai. Jerusalem chu a kiangkam ah mi ram zawzawng tlûnlei sâng takah a um lai. Chu khuapi nih chun Benjamin kulh kawtkâ thawk hen a lânah mi kulh kawtkâ umnâk leh Hananel in sâng thawk hen lal uain sûrnâk ram ah kulh ki ram mi kawtkâ tiang a luah lai.

MATHAI 21:35

Chun, a bultu tla nih chun a sal tla chu an tleih le, pakhat chu an vuak le, pakhat chu an thah le, pakhat chu lung hen an seh.

THILTI 4:3

Chun, an tleih na le, zânlei asi ruangah a thâizîng tiang hen rêngin ah an khumh na.

THILTI 5:18

mifial tla chu an tleih le, zatlâng rêngin ah an khumh na rawh.

THILTI 5:40

Chun, mifial tla chu an kawh na le; an vuak na le; an vuak thluh nûnah Jisu min hen thu simlo rawh ding ti thlir hen an thlah na rawh.

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.