JEREMIA 2:8 - Bawm Common Language Bible Version

⁸ Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

JEREMIA 2:8 ပူးပေါင်းရင်းမြစ်များ

1 Lal 18:22

Churawhchun, Elija nih, “LALPA khuavâng um lem mi chu keimah lâwng kasi; sikhawmsele Baal khuavâng lam chu mi zali leh sâwmnga an um.

1 Lal 18:29

Sûnnilei nî phei khet tiang a rual hen an âu le, an tlawk chur; sikhawmsele zei sângnâk khawm a um lo, zei hâu khawm â thei lo.

1 Lal 18:40

Elija nih, “Baal khuavâng tla kha tleih na ule, pakhat khawm suah lah na u, a ti na. Mi zapi tla nih an tleih hep na le, Elija nih Kison tiva ah a kalpi na le, a thah hep na.

JOB LASUIBU 35:10

Sikhawmsele, mûi nâwngah an um liau khawm ah lungumnâk pêktu an siamtu Pathian leiah anna hawi lo.

ISAI 28:7

Khuavâng leh bâwlpu tla tiang men zû an rî le an hâwr. Uain leh a hâng tla an din tam tuktarâi le, an tlû le, anna nawk. Khuavâng tla khawm an din zia a tam tuk ruangah langhnâk tla Pathian nih a hawng pêk mi an theihthiam lo, bâwlpu tla khawm uain an din tam tuktarâi le, thurêl ding an hawng put mi tla rêl kho lo hen an um.

ISAI 29:10

LALPA nih a nan ngûtir, ihmu thaw tak it ding hen a râlring. Khuavâng tla chu mi zapi tla mit an si lai le, sikhawmsele, Pathian nih an mit a tuam piak na.

ISAI 30:5

Juda mi zapi tla nih phun zumhtlâklo tla chu anmah ṭangpi ding hen an zumh mi nih a ṭangpi na kho lo tikah anna sîr lai,” a ti.

JEREMIA 10:21

Kei nih ka sâng le, “Kan ruitu tla khawm an mâwl le; ruitu ding ah LALPA an ngiar lo. Chu tak chu an palhnâk asi le, kan mi le khawm anna rek ver rawh.

JEREMIA 12:10

Ramdang mi lâirêltu tam tak tla nih ka grep zûn tla an râwk ver le; ka phâisen tla an lamh dip; ka ram duhtak chu a karo hen an siam thlo.

JEREMIA 16:19

LALPA, nang chu hawng ka humtu leh chaknâk hawng ka pêktu na si; lawksawng liauah na hawng ka ṭangpi. Tual dawnghnâk thawk hen phun tla chu na sinah an hawng kal lai le, “Hawng kan thlâktu tla nih chun pathian diklo tla leh zeikhawm mang tlâklo mi milem cho lo chu zeikhawm an nei lo.

JEREMIA 18:18

Churawhchun, mi tla nih, “Jeremia thu ah hin zei thil mawh kan ti lai! Bâwlpu tla nih hawng kan sîntir kumza lai le, mifing tla nih ti dân hawng kan simh lai, khuavâng tla nih Pathian thuchah an sim lai. Amah rang ah hêk hen a thusim kan ngâi piak lai lo rawh,” an ti.

JEREMIA 2:11

Âu phun khawm nih a tak si lah khawmsele an pathian tla an lêt dahlo. Sikhawmsele ka mi tla nih anmah zahkâitirtu Pathian chu, an rangah zeikhawm ti piak kholotu pathian tla hen an hawng ka thleng ving.

JEREMIA 2:6

Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

JEREMIA 4:22

LALPA nih, “Ka mi tla chu an mâwl tuk le; an hawng ka theih loh. Ngâksia â hâwi an si le; zeikhawm theihthiamnâk an nei lo. Thilsual ti chu an thiam thlo le, sikhawmsele thil ṭha ti ding an tumh loh,” a ti.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

JEREMIA 7:8

“Zauhnik u, perpetnâk thu lakah nanna ngauh.

JEREMIA 9:14

Chu ngâk hen, an lungkhung le, an pa tla nih ti ding hen an simh na mi Baal lem tla an sawnh.

EZEKIEL 22:26

Bâwlpu tla khawm nih ka dân an buar le, thil thenhlimh tla zahnâk an nei lo. A thenhlimh mi leh a thenhlimhlo mi thliarnâk zeikhawm an nei lo. Thil thenhlimh leh a thenhlimhlo mi thu ah an sîntir lo, Dinhni khawm an sunhsak lo. Churuangah Israel mi tla nih an hawng ka zah lo.

EZEKIEL 34:2

Nannih Israel dawrâ vêngtu tla, nan vânduai rawh! Nanmah kawngkâ cho nan ruat le, sikhawmsele dawrâ nan zauhkhenh lo.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

HABAKUK 2:18

Milem hi zei rangah mang asi? Minung nih thil zeimawh an siam mi cho asi le, âwkrâwl cho lo chu zeikhawm an simh loh. Hawlh kho lo mi pathian nih a siamtu rangah zei thil ṭha me zumhkâi ding hen a ti piak?

MATHAI 16:26

Mi nih laikulh hi a pum hen a ting sele, a nungnâk dawk sele, a rangah zei a ṭhatnâk a um lai? Asi lo leh, mi nih a nungnâk rûlah zei me a pêk lai?

LUK 11:52

“Nannih Dân sîntirtu tla, nan tlûn a pit! Finghnâk renh chu nan lâk ving le; nannih tâ nih nan lût lo, mi lût ding khawm nan kham thlo,” a ti.

JOHAN 16:3

Chubang thil chu an ti lai, Pa leh kei an hawng kan theih lo ruangah.

JOHAN 8:55

nan nih nih amah nan theih lo; kei lam nih chun amah ka theih; Amah ka theih lo, ti sele, nanmah hâwi hen mi âwkrâwl kasi lai; sikhawmsele, amah ka theih le, a thu khawm ka zâwt tâwn.

2 KORIN 4:2

thil ningzakkâi â thup mi tla chu kan nawng dauh, ngamlêmnâk thu kan mang lo le, Pathian thu mi perpetnâk ding hen khawm kan mang lo; thutak theihtir hen Pathian mitmuh hen mikip sia leh ṭha theihnâk hen mi thinlung tawng hen um kan tum tâwn.

DEUTERONOMY 33:10

Na fa tla chu na dân zûl ding hen an sîntir lai le; Na mâichâm ah bâwlnâk an hawng ap lai.

1 SAMUEL 12:21

Pathian diklo tla zûl lah u; an ṭangpi hen an hum kho na ding asi lo, a tak an silo ruangah.

1 SAMUEL 2:12

Eli fapa tla chu mi rualo tak an si, LALPA thu khawm an ngâilo.