JEREMIA 2:7 - Bawm Common Language Bible Version

⁷ Ram ningno, a fângzûn leh a thil ṭha dang lakah a lâwm ding hen ka kalpi na. Sikhawmsele, ka ram chu an râwk le, ka pêk na mi ram chu an nawmh.

JEREMIA 2:7 ပူးပေါင်းရင်းမြစ်များ

NEHEMIAH 9:25

Na mi tla nih kulhnei khuapi tla, ram ṭha, neih leh siah hen a khat mi tla, tikhurchawh chia, oliv thing tla, rah nei mi leh grep dûm tla na lâktir na. An duh tâwk an ei le, an hawng bit le, na pêk na mi thil lakah thungâi anna lâwm.

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

ISAI 19:25

LALPA Zeizawng tikho nih mal a sâwm na lai le, “Ka mi Aigupta ram mi tla; nannih ka nan siam na mi Asiria mi tla; nannih ka mi thîm Israel tla, mal ka nan sâwm na lai,” a ti lai.

JEREMIA 16:18

Ka ram chu ruak hâwi hen a nung lo mi milem hen an nâwmtir hen an pathian diklo tla hen an khattir ruangah an ṭhatlonâk leh an sual man chu a lehnih hen ka pêk na awt,” a ti.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 3:2

Tlâng tlûn tla khi zauhnik. Nunau â zuar mi hâwi hen na ti lonâk mun rerêng a um ma? Arab mi nih ramkaro ah mi thah ding an bawh mi hâwi hen lamvâu ah na duh mi tla na bawh vima na. Na zuarnâk hen ram chu na nâwmtir.

JEREMIA 3:9

ningzak theihlo thlo hen a um. Lung leh thing sawnh hen ṭângdang a pawm le, ram a nâwmtir.

JEREMIA 32:23

Sikhawmsele hi ram an hawng kal rawh chun mun an khuar le, na thupêk tla ngâilo hen na sîntir na mi hâwi hen khawm an um lo; ti ding hen thu na pêk na mi khawm an ti lo. Churuangah hi bang hâwi siatnâk zawzawng hi an tlûnah na hawng tlungtir rawh.

JEREMIA 32:30

A tîr thawk hen Israel mi tla leh Juda mi tla thâwngthâng nih an ka lawmhtir lo le, an thilti hen ka thin an hawng ka runhtir.

EZEKIEL 20:24

Hi ka tinâk san chu, ka thupêk tla an duh lo le, ka dân tla an buar, Dinhni tla an nawmh le, an thlâktu tla nih a rian an ṭuan mi milem tla an sawnh ruangah asi.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

EZEKIEL 20:6

Churawhchun, Aigupta ram ah mi suah na hen neihnâk ram leh ram ningno, ram zawzawngah ram ṭha chem anmah rangah ka thîm piak na mi leiah kalpi na ding hen thu ka tiamh na.

EZEKIEL 23:35

Tuah hi hi LALPA Zahkâi nih thu a sim mi chu asi: “Na ka philh hen dunglei na hawng ka sît ruangah na hur mi leh na zuar mi ruangah na tuar lai,” a ti.

EZEKIEL 36:17

“Thikho mi minung, Israel mi tla an ram ah an um liauah an umdân leh an thilti nih ram an nawmh. An umdân chu nunau nih thlasiar hen an nunau râitâ an nei liau mi hâwi hen thianglo hen ka ngaih.

HOSEA 9:3

Israel mi tla chu LALPA ram ah an um kumza lai lo le, Aigupta ram ah kîr nawlh hen Asiria ram ah khap mi buh an ei lai.

MIKAH 2:10

Thawk ule, kal u; hinah himnâk a um lo rawh. Nan sualnâk nih hi mun hi siat leh râwk phahnâk ah a siam.

NUMBER 13:27

Mosi sinah, “Ram chu kan zauh le, ram ningno tak leh neihnâk tak asi ti kan muh; hin ah a rah tla khawm hi.

DEUTERONOMY 21:23

zân khuavâr hen an siah ding asi lo. Chu ruak thlâi mi nih chun Pathian siatbarhnâk chu ram lakah a hawng tlungtir awt ruangah chu ni lîlâ ah ruak chu vûi ding asi. LALPA nan Pathian nih a nan pêk na mi ram chu nâwmtir lo ding hen ruak chu vûi ving u.

DEUTERONOMY 32:9

Sikhawmsele, Jakob thlâk tla lam chu amah rang ê ah a thîm na.

DEUTERONOMY 6:18

LALPA thusim a dik leh a ṭha mi chu ti ule, nan sul-le-lam a tluang lai. LALPA nih an thlak natu sinah a tiamh mi ram ṭha chu nan luah kho lai le,