JEREMIA 2:6 - Bawm Common Language Bible Version

⁶ Aigupta ram ah mi ruang ka suah na hen, ramkaro mun zawzawngah, ramkaro leh resep nâwngah, ram châr leh ṭihnungkâi âukhawm umlonâk leh kal dahlonâk ah ka rui na khawm ah an ka sunhsak lo.

JEREMIA 2:6 ပူးပေါင်းရင်းမြစ်များ

2 Lal 2:14

Elija kawrfual hen tî chu a vuak le, “LALPA, Elija Pathian chu zeiah me a um?” a ti. Churawhchun, tî chu a vuak nawlh le, â ṭhen le, varâl leiah a tan rawh.

JOB LASUIBU 3:5

Mûi sah tak hen chu ni chu changtir le; sûm hen khuhtir pang le, nî chu tlâutir ving.

JOB LASUIBU 35:10

Sikhawmsele, mûi nâwngah an um liau khawm ah lungumnâk pêktu an siamtu Pathian leiah anna hawi lo.

SAM 23:4

Mûi sah tak lakah lan menza khawmsele LALPA, ka sinah na um ruangah ka ṭih lai lo. Na dawrâ vêngnâk ṭhianṭhunh leh vuakfung hen na ka hum.

SAM 77:5

Ni a len vima mi chu ka ruat le, kum a vei rawh mi tla ka theihkumza.

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

ISAI 64:7

Âukhawm nangmah lei hawi hen thlachamtu an um lo; âukhawm ṭangpi duh hen na sinah an hawng lo. Kan sual ruangah kan lakah na thup le, na kan kaltâk.

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

JEREMIA 2:2

hi thuchah hi phuang ding hen hawng ka simh. “Na ngâksia liauah zumh na kâi zia tla, kanna umhtîr liauah na ka dâwt zia tla; ramkaro ah vât dahlo mi ram ah na hawng ka zûl mi tla kha ka theihkumza.

JEREMIA 2:8

Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

JEREMIA 5:12

LALPA mi tla nih amah chu an duh lo le, “Zei thil khawm a ti tatak lai lo. Tik harsa kan tawng lai lo; râltuk mawh pâmnâk mawh kan tawng lai lo,” an ti.

JEREMIA 5:2

LALPA sawnh ding hen sim khawm le, na sim mi chu na tum lêm lo.

JEREMIA 51:43

Khuapi tla chu zauh hen ṭihnungkâi rê hen a um le, mi âukhawm umlonâk leh mi velvâ khawm umlonâk tî umlonâk ramkaro hâwi asi rawh.

HOSEA 12:13

LALPA nih Israel mi tla Aigupta ram ah sal ah an tâng mi chu suah na ding leh vêng na ding hen khuavâng a fial.

HOSEA 13:4

LALPA nih, “Kei, LALPA, Aigupta thawk hen an suakpi natu chu kasi. Keimah lo chu Pathian nan nei lo. Keimah lâwng hi ruang an suah natu kasi.

AMOS 2:10

Aigupta ram a mi chu kan suakpi na le, ramkaro mun ah kum sâwmli kar vial ka rui na le, Amor ram chu nanmah tâ siding hen kan pêk na.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

DEUTERONOMY 1:19

“LALPA kan Pathian thupêk hâwi hen Sinai Tlâng chu kan mâk le, ramkaro ṭihnungkâi kâu tak pal hen Amor umnâk tlâng ram lampi leiah kan kal. Kades Barnea ah kan tlung rawh chun,

DEUTERONOMY 32:10

“Ramkaro, mun kingnâk, thlî rângnâk ah an vâi mi chu a tawng na. Amah â hum ding mi hâwi hen a hum hen a zauhkhenh na.

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

LÂIRÊL 6:13

Gideon nih a sinah, “Pu, kan deih râu lai, LALPA kan sinah a um mi chu, zei zia hi bang thil zawzawng hi kan lakah a hawng tlung ne? Thilchê thu zawzawng LALPA nih Aigupta ram thawk hen a suah na mi thu kan pa le tla nih hawng kan simh si lo ma? LALPA nih hawng kan kaltâk le, Midian tla tlûnah khua ruat hen kannih chu hawng kan mâk rawh,” a ti.