JEREMIA 2:5 - Bawm Common Language Bible Version

⁵ LALPA nih: “Nan thlâktu tla nih hawng ka phiar ding hen zei an ti? Zei nih ka sinah mi kâng dang leiah a hertir na? Zeikhawm silo mi milem an sawnh le, anmah khawm zeikhawm an si lo rawh.

JEREMIA 2:5 ပူးပေါင်းရင်းမြစ်များ

2 Lal 17:15

An thlâktu tla sinah thudântuk chu an zûl duh lo le, a sîntirnâk khawm an êl; a nunsimhnâk khawm an siarlo. Zeikhawm silo mi ruk an sawnh le, anmah khawm zei kawngkâ khawm an zawh lo. An kiangkam mi phun tla ti dân an châwng le, LALPA thupêk khawm an ngâilo, a dawn khawm an dawn lo.

SAM 115:8

Chubang zawzawng siamtu leh ngauhtu tla chu anmah siam mi milem hâwi hen um na seh.

ISAI 29:13

LALPA nih, “Hi minung tla nih hin sawnh ding an ka tum le, sikhawmsele an thu chu zeikhawm asi lo le, an thinlung khawm kâng dang ving asi. An phung mang dân chu zeikhawm asi lo, minung dân leh anmah pipu dân an theih salam mi cho asi.

ISAI 44:9

Milem tla siamtu zawzawng chu zeikhawm asi lo, pathian tla rangah lâwmman sâng tak an pêk mi khawm zeikhawm asi lo. Chu hâwi milem sawnhtu chu mitchâw leh zeikhawm theihlo mi an si, an ning a zak teh lai.

ISAI 46:12

“Nannih mi lungkhung tla, nehnâk chu lât thlo ding hen ruattu tla, ka thu ngâi u.

JEREMIA 10:8

An ektê hen an â hen ê-aw an ngâilo. Thing milem thawk hen zei me theihnâk an nei kho?

JEREMIA 12:2

Na phun na le, ram an thlâk; an ṭhang le, rah an suah. Ṭha hen a nan sim kumza le; sikhawmsele, nangmah sunhsaknâk tatak an nei lo.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 2:4

Nannih Jakob thlâk tla, nannih Israel phun tla, LALPA thuchah ngâi u.

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

EZEKIEL 11:15

“Thikho mi minung, Jerusalem ah um mi tla nih nang leh na hâwi Israel tla sal ah tâng mi tla thu an ruat. ‘LALPA sawnh ding hen saltâng tla chu an lât tuktarâi rawh. Ram ting ding mi chu a hawng kan pêk rawh,’ an ti.

EZEKIEL 14:5

Chu milem tla nih chun Israel tla chu ka lakah mi kâng dang leiah a pialpi na le, sikhawmsele ka sângnâk hen zumh an kâinâk chu neh ding ka lungum.

JONA 2:8

Milem zeikhawm silo mi sawnhtu tla nih chun na sinah zumhkâinâk chu an thlâu rawh.

MATHAI 15:8

‘Hi minung tla nih hin an kâ hen an ka chawnglawmh le, an thinlung lam nih chun an ka lât tâwn.

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

ROM 1:21

Pathian theih ko hen Pathian hâwi hen an chawnglawmh lo, lâwmthu khawm an sim lêm lo; thu salam an dawn dauh le, an thinlung ah chun mûinâk hen a hawng khat rawh asi.

DEUTERONOMY 32:21

An milem hen ka thin an ka thawktir, Pathian tak silo mi tla pathian an ti ruangah thîknâk an ka neihtir. Churuangah phun salam an ti mi tla chu mang hen an thin ka thawktir na lai le, phun â tla hen ka thîktir na lai.

1 SAMUEL 12:21

Pathian diklo tla zûl lah u; an ṭangpi hen an hum kho na ding asi lo, a tak an silo ruangah.