JEREMIA 2:36 - Bawm Common Language Bible Version

³⁶ Phun dang pathian leiah na hawinâk nih nangmah a nan niam tir. Asiria nih na thinlung a dawnghtir mi hâwi hen Aigupta nih na thinlung a nan dawnghtir lai.

JEREMIA 2:36 ပူးပေါင်းရင်းမြစ်များ

2 CHRONICLES 28:16

Edom mi nih Juda an rûn le, minung tam tak an tleih na. Churawhchun, Asiria lal lianchem Tiklath Pileser chu ṭangpi a sâwm.

ISAI 20:5

Sudan rinhsanhtu leh Aigupta zumhtu chu an lung a fiang lai rawh le, an lungumnâk chu a vei lai rawh.

JEREMIA 2:18

Aigupta ram ah kal hen Nile tiva ah mi tî din hen zei dingchangnâk tawng ding hen me na ruat? Asiria leiah Eufretis tiva tî din ding hen va kal chu zei dingchangnâk tawng ding hen me na ruat?

JEREMIA 2:23

Zeitin khawm hen ka nâwmtir lo, Baal khawm ka sawnh dahlo na ti kho awt? Tivakuam ah thilsual na ti zia zauh le; na thilti tla zauh. Sangâwngsâu a phawl le, sût ding duh hen a tâl hen a suak le,

JEREMIA 2:33

Duh mi tla zûl chu zei hâwi asi, na theihthiam asi. Nunau sual chem khawm nih nangmah lakah theihthiamnâk a nei kho.

JEREMIA 22:20

Jerusalem mi tla, Lebanon ah kal ule, âu u, Basan ram ah kal ule, ṭap u; nan murui tla neh hen an um ruangah Moab tlâng thawk hen âu u.

JEREMIA 22:22

A nan rui natu tla chu thli nih a ranh ving na lai le, nan murui tla chu râltuknâk ah an tleih hep na lai, nan khuapi tla chu thilsual nan ti mi tla ruangah ningzak leh mualpho hen a um lai.

JEREMIA 31:22

Lungnâk nei lo mi tla, zeitiang riamruam me nan zenh awt? Nunau nih mipa a hum dân a dang mi hâwi hen thil zeimawh ka siam mi chu ka thartir le, ka dangtir,” a ti.

JEREMIA 37:7

“Aigupta kawrsen tla chu nangmah ṭangpi ding hen an hawng le, sikhawmsele in leiah an kîr nawlh lai.

JEREMIA 46:12

Phun tla nih na mualphonâk an theih hen; mikip nih na ṭap hâu an theih rawh. Kawrsen pakhat nih pakhat rangah a nam le, an panih hen tual ah an tlû vevê.

LUNGFÂKNÂK 4:17

Chim leh neng rê hen ṭangpi kan hâwl khawm ah a hawng tlung dahlo. Hawng kan pêk lo ding mi phun tla chu hawng kan ṭangpi ding hen kan ngâk.

LUNGFÂKNÂK 5:6

Buh paw khawp tawng ding leh nung ding hen Aigupta leh Asiria leiah deih ding hen kan kal.

EZEKIEL 16:28

“Midang tla lakah na chim lo rih ruangah Asiria mi tla na ṭhâwl na. An lakah â zuar mi na si, sikhawmsele, nangmah lakah an chim lo nget rih.

EZEKIEL 29:7

Na lakah anna ngauh liauah, na kiak le, an zaktang ah na sunh na le, an dunglei ah na ilh na.

HOSEA 10:6

Chu milem chu Asiria leiah an kalpi lai le, tlawmhnâk rangah lal sinah an pêk lai.

HOSEA 12:1

Israel tla nih zîngtê thawk hen zân tiang an ti mi chu thil mang tlâklo leh siatnâk asi. Zumhkâilonâk leh siatnâk thilti an lakah a pung. Asiria mi tla leh Aigupta mi tla hen saw anna leh tawnh,” a ti.

HOSEA 14:3

Asiria nih hawng kan hum kho dah ding asi lo, râltuknâk rang tla khawm nih hawng kan hum kho lai lo, kan milem tla sinah kan pathian na si kan ti lai lo rawh. LALPA âu sin khawm pial lotu tla sinah khua na ruat,” a ti.

HOSEA 5:13

“Israel nih a damlonâk a muh hen Juda nih â liam asi ti a muh tikah chun, Israel chu Siria lal rokual tak ṭangpi deih hen a kal lai le, sikhawmsele anih nih a ṭhattir na hen an mâ tla a damh kho na ding asi lo.

HOSEA 7:11

Israel chu lâilêng zeikhawm theihlo hen a zuang mi hâwi asi le, a masa chem hen a mi tla nih Aigupta chu ṭangpi an deih le, churawhchun Asiria sinah an tek.