JEREMIA 2:30 - Bawm Common Language Bible Version

³⁰ Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 2:30 ပူးပေါင်းရင်းမြစ်များ

1 Lal 19:10

Anih nih a sâng le, “LALPA, Pathian zeizawng tikho, nangmah nâwl cho ka nan zulh. Sikhawmsele na mi Israel tla nih an sinah thudân na tuk mi an buar le, na mâichâm tla an siat, na khuavâng zawzawng an thah, keimah lâwng ka âwl, kei khawm thah an ka tum!” a ti.

1 Lal 19:14

Anih nih a sâng le, “LALPA Pathian, zeizawng tikho, nangmah nâwl lâwng ka nan zulh kumza le, Israel lam nih chun an sinah thudân na tuk mi an buar le, na mâichâm tla an râwk le, na khuavâng tla an thah hep, keimah lâwng ka âwl le, kei khawm thah ding an ka awt,” a ti.

2 CHRONICLES 24:21

Lalchem Joash chu Zekariah an phiarnâk ah a bawp le, mi zapi tla nih Biakin kulh sungah lung hen an seh.

2 CHRONICLES 28:22

A lawksawngnâk chu Juda tla rangah siatnâk chem si khawm ah, LALPA lakah a thilsual chu a lân ngâk hen a zual dadauh.

2 CHRONICLES 36:16

Sikhawmsele, Pathian mifial chu an do le, a thu tla siarlo hen khuavâng chu an nihsanh, a dawnghnâk ah chun LALPA thinthawknâk chu a fâk tuktarâi le, pakhat khawm a him mi an um lo.

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

ISAI 1:5

Zei rangah a lakah hel kumza hen nan um? Rêp hen um ma nan duh nget rih? Israel, na lû chu liam mâ nih a tuam pang le, na thinlung leh na dawnruatnâk khawm a ngawr.

ISAI 59:3

Âwkrâwl thusim hen, siat leh râwk hen, mi thah hen nan sual asi.

ISAI 9:13

LALPA Zeizawng tikho nih Israel tla chu rêp na menza khawmsele, amah leikângah rim hen an kîr dahlo rih.

JEREMIA 31:18

Israel mi tla nih ngaihsiat bû hen, ‘LALPA, ramsa a ngam lo mi hâwi kan si le, sikhawmsele ê-aw ngâi ding hen na hawng kan sîntir an ti mi ka theih. Hawng kan kîrtir nawlh le, nang LALPA kan Pathian sinah kîr ding hen kanna tîm rawh.

JEREMIA 46:14

“Aigupta khuapi tla, Migdol, Memphis leh Tahpanhes ah thu phuang u: ‘A vêng ding hen a timhtuah u; nan neih zawzawng chu râltuknâk ah a vei hep lai!

JEREMIA 5:3

LALPA nih zumhkâinâk a hâwl. A nan vuak le, sikhawmsele a thu na ngâi duh lo. A nan râwk le, sikhawmsele sîn ding na duh lo. Na lung a khung hen na sual na lêt duh lo.

JEREMIA 7:28

Nan phun tla nih LALPA an Pathian khawm an theih lo, a rêp na mi khawm an theih lo ti hen simh na. Zumhkâinâk chu a thi rawh. A thu khawm sim asi lo rawh.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 22:24

“Thikho mi minung, Israel mi tla rangah, an ram a nâwm ruangah ka thinthawknâk hen ka rêp mi asi ti simh na.

EZEKIEL 24:13

Jerusalem, na hurnâk thilti nih a nan nawmh. Thiangtir ding ka nan tum khawm ah na nâwm nget rih. Ka thinthawknâk zawzawng na theih lânlo chu na thiang ding asi lo rawh.

DANIAL 9:13

LALPA, Pathian, tutiang khawm ah kan sual tla lêt hen thudik zûl hen nangmah lawmhtir kan tum lo nget rih.

ZEPHANIAH 3:2

LALPA thu a ngâi duh lo le, a nunsimhnâk khawm a pawm lo. LALPA sinah a ngauh hen ṭangpinâk khawm a deih lo.

MATHAI 23:29

“Nannih Dân sîntirtu leh Farisai perpê tla! Nan tlûn a pit! Khuavâng tla thlân in tla nan sak le, mirep thlân tla khawm nan thuamh;

THILTI 7:52

Nan thlâktu tla nih khuavâng tla lakah âu me an nehsawh lo mi um? Mi Rep tak hawng kal ding mi thu simhkantu kha an thah le, chu Minung tak chu tleihtirtu leh thahtu nanmah hi tuah nan si.

1 THESALONIKA 2:15

chubang Juda tla nih chun Lalpa Jisu leh khuavâng tla khawm an thah le, kannih khawm hawng kan nar le, Pathian an lawmhtir lo, mi zawzawng an kalh tâwn;

THUPHUANG 16:9

Chun, chu minung tla chu nî nih ût rê hen emh na khawmsele, nî tlûnah thuneitu Pathian chu sawr leh chawnglawmh ngâk hen hawlhsiat an barh le, an sualnâk chu an rim lêm lo.