JEREMIA 2:25 - Bawm Common Language Bible Version

²⁵ Israel, pathian dang tla ṭhâwl hen na kê dîttir hen na dang chârtir lah. Sikhawmsele nangnih chun, ‘Silo! ka hawng kîr kho lo. Ram dang mi pathian tla ka duh, anmah ka zûl na awt ko,’ ” na ti.

JEREMIA 2:25 ပူးပေါင်းရင်းမြစ်များ

2 CHRONICLES 28:22

A lawksawngnâk chu Juda tla rangah siatnâk chem si khawm ah, LALPA lakah a thilsual chu a lân ngâk hen a zual dadauh.

2 CHRONICLES 28:23

Amah nehtu Siria pathian sinah bâwlnâk a ap. “Siria tla pathian nih Siria lal a ṭangpi le, chu hâwi hen kei khawm ka bâwl chun hawng ka ṭangpi bâk lai,” a ti. Chu hâwi a ti ruangah amah leh a phun tla lakah siatnâk a hawng tlung.

ISAI 2:6

Pathian, na mi Jakob thlâk tla chu na kaltâk na rawh! Ram chu saklei leh Philistia ram thawk hen hawng mi dâwithiam tla hen an khat rawh. Mi nih ramdang umdân an châwng.

ISAI 57:10

Nanmah khawm pathian dang hâwl hen nan dî phah rê rawh, sikhawmsele nan bâng dahlo rih. Nan milem fihnungkâi nih chaknâk an pêk na ding nan ruat le, churuang chun nan lung a dawng kho lo mi asi.

JEREMIA 13:21

Na hâwikawmh ah na ruat na mi nih an neh hen na tlûnah lâi an rêl tikah zei thu na sim awt rawh ne? Nunau faring liauah nganfâk a tuar mi hâwi na si lai.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 14:10

LALPA nih chu minung tla thâwngthâng chu a sim le, “Ka sinah mi tek ding an duh le, anna sûm lai lo. Churuangah an tlûnah ka lâwm lo. An thilsual ti chu ka theihkumza lai le, an sualnâk ruangah ka rêp na lai,” a ti.

JEREMIA 18:12

Annih nih an sâng lai le, ‘Bâng rîlmâl lah, zei rangah kan bâng êu lai? Kan duh zia zia hen ê-aw ngâilo tak hen thilsual kan ti awt,’ ” an ti lai.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 22:20

Jerusalem mi tla, Lebanon ah kal ule, âu u, Basan ram ah kal ule, ṭap u; nan murui tla neh hen an um ruangah Moab tlâng thawk hen âu u.

JEREMIA 22:21

Sul-le-lam tluang tak hen nan um liauah LALPA nih nan sinah thu a sim le, sikhawmsele nan ngâi duh lo. Chu tak chu nan dam sung zawng ah nan thilti asi; LALPA thu rêng nan ngâi duh lai lo.

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 44:17

Thi1 zeizawng ti ding hen kan sim mi chu kan ti awt. Kan pathiannu, vân lalnu sinah bâwlnâk kan ap hen a sinah uain ap mi tla kan tawih awt, kanmah leh hawng kan thlâktu tla, kan lalchem leh hawng kan ruitu tla nih Juda khuapi tla leh Jerusalem zâwllâi ah kan ti mi hâwi hen. Churawhchun, tî-râwl tam tak kan nei, sul-le-lam tluang tak hen kan um le, nawknâk zeikhawm a um lo.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 4:4

An fa le tla chu sungvâng leh tîhâl hen an thihtir na le; ngâksia tla nih buh an deih mi chu âukhawm nih an pêk na lai lo.

EZEKIEL 20:32

Phundang tla hâwi hen leh ram dang ah um mi tla hâwi hen nan thinlung ah thing leh lung tla sawnh ding nan tum. Sikhawmsele chu chu asi dah lai lo.

HOSEA 2:3

Chu hâwi hen a lêt duh lo chun a suak liau mi hâwitê hen takkaro siding hen a nipuan ka lît piak awt. Ramkaro leh ram châr hâwi hen ka siam lai le, tîhâl hen a thi lai.

MALAKI 3:14

‘Pathian rianṭuan hi zeikhawm asi lo nan ti mi ruangah, LALPA nih a sim mi hâwi a thilti mawh thil kan ti rawh mi lakah pawi kan ti mi thu a sinah va langh ding tum hi zei me a ṭhatnâk a um?’ nan ti.

LUK 15:22

Sikhawmsele, a pa nih chun a to-aw tla sinah, Puan ṭha chem kha hawng put rereh ule, aihtir u; a kut ah pizung leh a kezaphah ah pheikawk bunhtir u.

LUK 16:24

Chun, a âu le, ‘Pu, Abraham, hawng ka zângfah le, Lazar kha hawng fial, a kutdawng pâr tî ah chinh sele, ka lei daihnâk ding hen; meialh ah hin thungâi ka hamh asi,! a ti.

ROM 8:24

Lungumnâk hen asi ruangsuah hen kan um mi hi; sikhawmsele, muh kho ko lungumnâk hi lungumnâk asi lo. Mi nih a muh kho ko mi chu zei rangah a lungum nget tâwn?

DEUTERONOMY 28:48

Churuangah LALPA nih nan lakah mêlma a hawng fial ding mi tla rian nan ṭuan lai. Sungvâng leh tîhâl hen nan um lai le, ni leh puan nei lo hen zeizawng ah samphâng hen nan um lai. Nan vei dep lânlo chu LALPA nih fâk tak hen an nehsawh na awt.

DEUTERONOMY 32:16

An ruk sawnhnâk ruangah LALPA thîknâk thinlung an thawktir; thilsual an ti mi nih a thin a thawktir.