JEREMIA 2:20 - Bawm Common Language Bible Version

²⁰ LALPA zahkâi nih, “Israel, a lân thawk hen ka thuneihnâk na duh lo le; ka thu ngâi ding leh hawng ka sawnh ding na duh lo. Tlâng sâng tlûn kip ah leh thing ring kip tangah thlâi ṭhattirtu pathian tla na sawnh.

JEREMIA 2:20 ပူးပေါင်းရင်းမြစ်များ

1 Lal 12:32

Juda ram ah kût hâwi hen Jeroboam nih thla riatnâk ni leinga ni chu kût ni siding hen a dirhpi na. Bethel mâichâm ah chun amah siam mi ngûn chawchal ruk sinah bâwlnâk a ap. Bethel ah chun a lal in ah sawnhnâk mun a siam mi lakah bâwlpu a siah.

1 Lal 14:23

pathian diklo sawnhnâk mun tla an siam le, tlâng tlûnah mi thing dâidul ah Aserah lem tla lung hen an siam.

SAM 107:14

Mûi lakah zuai dep hen an um mi chu a suah na le, an chikchîn tla chu a khiak piak dip na.

SAM 2:3

“An dân lakah mi kan suak lai le, An thuneihnâk kan lawnh piak na lai” an ti.

SAM 78:58

Lunglonâk sawnh dân nih a thin an thawktir le, an ruk sawnhnâk nih a thin an thawktir.

EXODUS 19:8

Churawhchun, mi zapi tla chu a rual hen an sâng le, “LALPA nih a sim mi zawng chu kan ti lai,” an ti. Chun, Mosi nih LALPA sinah a lanh rawh.

EXODUS 24:3

Mosi nih mi zapi zawzawng chu LALPA thupêk mawh dân tla chu a simh na le, mi zapi tla chu a rual hen, “LALPA nih a sim mi zawng kan ti lai,” ti hen an sâng.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

ISAI 1:21

Khuapi zumhkâi tak chu mi hur â zuar mi hâwi asi rawh! Veikhat chu mirep tla hen an khat le, sikhawmsele tu lam chu mi thahtu karo an um.

ISAI 10:27

Chu tikah chun Asiria thiltikhonâk lakah mi chu ka nan suah na lai le, nan liangah bah mi thilrit chu a um lai lo rawh,” a ti.

ISAI 14:25

Israel ram ah mi Asiria chu ka veih lai le, keimah tlâng tlûnah ka lamhbêk na lai. Ka mi tla Asiria liangbat leh an thilrit phurh lakah mi chu ka suah na lai.

ISAI 9:4

An dâr ah vuaknâk fung tla leh an ngâwng khimh rit tak tla na khiak piak na. A lânah Midian kawrsen tla na neh na mi hâwi hen na mi tla nehsawhtu leh naunehtu phun chu na neh rawh.

JEREMIA 13:27

A hua mi thil na ti mi chu a muh rawh. Mi nih a zâwlbâwm nupi a ngarh mi hâwi leh rang phawl nih a nunau a zûl mi hâwi hen tlângah leh phâisen ah lunglotu pathian tla na zûl mi a nan muh. Jerusalem mi tla, nan vânduai rawh! Zeitik riamruam me na thiang awt?

JEREMIA 17:2

Nan mi tla nih chun pathiannu Aserah chu tlâng tlûnah mi thing ring kip ah leh mâng ah mi tlâng tlûnah an siah le, mâichâm ah an sawnh.

JEREMIA 2:31

Israel mi tla, ka thusim zei asi ngâi u. Nan rangah ramkaro, mûi leh ṭihnungkâi hâwi ma kasi? Chu hâwi asi chun, na duhzia ti hen na sinah ka hawng kîr awtlo rawh na ti bei ne?

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 30:8

LALPA, Zeizawng tikho nih: “Chu ni a hawng tlung tik chun, an ngâwng ah mi liangbat chu ka khiak lai le, an rêngkhimh ka sût piak na lai le, ramdang mi sal an si lai lo rawh.

JEREMIA 5:5

Chu minung tla sinah chun thiltikhonâk hen ka kal lai le, ka sawnh na lai. An Pathian nih a duh dân leh LALPA nih ti ding hen a duh na mi chu an theih lai rawh,” ti ka ruat. Sikhawmsele an ektê hen LALPA thuneihnâk chu an duh lo le, a thu zûl ding an duh lo.

EZEKIEL 16:28

“Midang tla lakah na chim lo rih ruangah Asiria mi tla na ṭhâwl na. An lakah â zuar mi na si, sikhawmsele, nangmah lakah an chim lo nget rih.

EZEKIEL 16:31

Zâwllâi kip ah milem sawnhnâk na tuah le, nunau â zuar mi zia na châwng. Sikhawmsele nunau â zuar mi rarâu hâwi hen tangka duh ruangah mi khawm na si lêm lo.

EZEKIEL 16:41

Na in tla chu an duah lai le, rêp hen na um mi chu nunau rual nih a nan muh lai. A zuar mi nunau na sinâk kan bângtir lai le, na duh na mi tla sinah thilpêk khawm ka nan bângtir lai rawh.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

EZEKIEL 23:5

Keimah nupi asi khawm ah Oholah chu â zuar nget rih, Asiria ram a mi amah mêldîtu tla duhnâk hen a khat.

HOSEA 1:2

LALPA nih Hosea mang hen Israel tla sinah thu a simtir liau ah Hosea sinah, “Kal le, nupi va nei le, na nupi chu mi zumhkâilo asi lai le, nan fa tla khawm amah hâwi an si lai. Chu hâwitê hen ka mi le tla nih an hawng ka mâk le, zumhkâilo hen an um, a ti.

HOSEA 3:3

Anih chu ṭângdang pawmlo leh a zuarlo ding hen hun sâwt ual hawng ka ngâk ding hen ka simh; chu kar zawzawng chu kei khawm nih amah ngâk rih ding hen.

HOSEA 4:13

Tlâng sâng tak tlûn mun thenhlimh ah bâwlnâk an ap le, tlâng tênâu tlûn tla ah chun a dâidul a nuam ruangah thing sâng a thlaliah tangah rimthâw tla an duah. “Churuangchun nan fanu tla chu anna zuar le, nan monu tla khawm nih ṭângdang an pawm.

HOSEA 9:1

Israel mi tla, lunglotu hâwi hen na kût ni khua na ulh mi chu bâng rawh, na Pathian chu na pialtâk le, zumhkâilo hen na um. Ram pumpi ah Baal pathian sinah na zuar le, a sinah pêk ding hen fâng tla na ruat ruangah thungâi hen na lawmh!

LEVITICUS 26:13

Kei, LALPA nan Pathian nih Aigupta mi kan suakpi na le, churuang chun sal ah nan um lai lo rawh. Nanmah an niamtir natu thiltikhonâk chu ka râwk rawh, thawsuak hen kan kaltir na rawh,” a ti.

NAHUM 1:13

Tu lam chun nan tlûnah Asiria thuneihnâk chu ka dawnghtir lai rawh le, a nan phuarnâk rêngri chu ka sah lai rawh,” a ti.

DEUTERONOMY 12:2

Nan luah ding mi ram ah chun thupêk tla chu zûl hen, chunah um mi tla nih an sawnh mi pathian tlâng sâng leh tlâng tlûnah tla, thing ring tang tla ah an pathian sawnhnâk mun chu râwk ver u.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 26:17

Tusûn ni ah hin LALPA chu nan Pathian asi tih nan theihtir le; a thu ngâi ding hen, a dân tla zûl ding hen leh a thupêk zawzawng ti ding hen thu nan tiamh rawh asi.

DEUTERONOMY 4:20

Sikhawmsele, nannih lam chu Aigupta ram ah êrnâk meialh lakah mi an suah na mi asi. Amah minung tak siding hen a nan lâk na mi asi, tusûn tiang nan si hâwi hen.

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 5:27

Mosi, va kîr le, LALPA kan Pathian nih a sim mi zeizawng va ngâi. Chun hawng kîr le, na sinah a sim mi zawng hawng kan simh bâk. Kan ngâi lai le, kan zûl lai,’ an ti.

JOSUA 1:16

Josua rangah an sâng le, “Na kan simh mi vial chu kan ti vima lai le, na kan fialnâk zawng ah kan kal lai.

JOSUA 24:24

Mi zapi tla nih Josua sinah, “LALPA kan Pathian rian kan ṭuan awt, a thupêk tla kan zûl lai,” an ti.

JOSUA 24:26

Josua nih LALPA dân bu ah hi bang thupêk tla hi a rîn. Lungtlêp lianpî a lâk le, oak thing tangah LALPA mun thenhlimh tangah a phun.

THUPHUANG 17:1

Chun, vânmifial pasarih, berhbu pasarih puttu lakah pakhat chu ka sinah a hawng le, “Hawng le, nunau â zuar mi minthang tak rêp ding mi, tiva tam tak kiangah khuapi rokual tak chu ka nan zauhtir lai.

LÂIRÊL 10:6

Israel tla chu LALPA tlûnah thilsual an ti fâwn le, Baal leh Astartes, Siria, Sidon, Moab, Amon leh Philistia pathian tla chu an sawnh. LALPA chu an kaltâk le, amah an sawnh mi chu an bâng rawh.

LÂIRÊL 2:11

Churawhchun, Israel tla nih LALPA lakah thilsual ti hen Baal an sawnh rawh.

LÂIRÊL 2:13

LALPA sawnh chu an bâng le, Baal leh Astartes rian an ṭuan rawh.

1 SAMUEL 12:10

Churawhchun, LALPA rangah ṭangpitu ah an ngiar le, a sinah, ‘LALPA na sinah mi kan pial tâk ruangah kan sual asi. Baal leh Astarte lem tla kan sawnh. Kan mêlma lakah mi ruang hawng kan suah le, nangmah kan sawnh awt rawh,’ an ti.