JEREMIA 2:19 - Bawm Common Language Bible Version

¹⁹ Nangmah sualnâk nih a nan rêp lai le, na ka kaltâk ruangah mawh hen na um lai. LALPA, na Pathian na ka kaltâk mi leh ka lakah zumhkâi hen na um lo rawh ruangah, a diklo zia leh a khât zia na theih lai. Kei, LALPA Zahkâi zeizawng tikho nih ka sim mi asi,” a ti.

JEREMIA 2:19 ပူးပေါင်းရင်းမြစ်များ

1 Lal 18:18

Elija nih a sâng le, “Kei chu nawktirtu ka silo, nang leh na pa nan si. LALPA thupêk zûl lo hen Baal ruk na sawnh.

2 CHRONICLES 12:5

Khuavâng Semaiah chu lalchem Rehoboam leh Jerusalem ah ruitu tla anna pûm mi sinah a va kal le, an sinah, “Hi hi LALPA thu nan sinah a hawng tlung mi chu asi: ‘Nan ka kaltâk ruangah, tuah Sisak sinah kan pêk na rawh’ ” a ti, ti hen.

2 CHRONICLES 21:10

Chu thawk hen Edom mi tla chu Juda lakah anna thlei rawh. Chu liau lîlâ chun Jehoram nih LALPA a thlâktu Pathian chu a kaltâk ruangah Libnah khuapi khawm an hel.

2 CHRONICLES 25:16

Chu hâwi hen Amaziah rangah a va ti rawh chun, Amaziah nih, “Lal krai pêktu ah ka nan siam mazei? Hawlh lah, dâisip, kan thah salam lai!” a ti. Sikhawmsele khuavâng nih, “Hi bang hâwi thil na ti ruangah leh ka thusim na ngâilo ruangah tuah Pathian nih nangmah veih a tum ti ka theih,” a ti le, a bâng rawh.

SAM 36:1

Sualnâk nih chun misual thinlung thûk takah thu a sim le, Pathian a nawng le, a zahnâk a nei lo.

EXODUS 33:6

Churawhchun, Israel fa tla nih Sinai Tlâng an kaltâk rawh chun lungmantam anna awih lo rawh.

THUFING LASUIBU 1:31

Churuang chun, nangmah thilti na tlûnah a tlung lai le, nangmah thilti ngelchel nih a nan ngawrtir lai.

THUFING LASUIBU 1:32

Mi krai thiamlo tla chu finghnâk an duh lo ruangah an thi. Theihnâk nei lo mi tla chu an thinlung tum neilonâk nih a veih na.

THUFING LASUIBU 5:22

Misual tla sualnâk chu thang asi. Amah sualnâk lên nih a awh.

ISAI 3:9

An thinlung ruat chu anmah lakah a tlâ lai. Sodom mi tla hâwi hen langngân hen thilsual an ti. Anna râwk le, anmah tlûnah an tlungtir.

ISAI 5:5

“Hi hâwi hen ka grep dûm hi ka ti nik kher lai; a kiangah mi dâi ka awnh ver lai le, a kulh vâm tla ka râwk hep lai le, ramsa tla ka eitir na lai le, ka chîltir dip na lai.

ISAI 50:1

LALPA nih, “Mi nih a nupi a mâk mi hâwi hen ka mi tla hi kaltir ving ding hen ma nan ruat? Asi chun, mâknâk lasui zeiah a um? Mi nih a fa tla sal ah a zuar ving na mi hâwi hen sal ah an zuar ving na hen ma nan ka ruat? Silo, nan sual ruangah sal ah put hen nan um mi asi; thilsual nan ti ruangah nar hen nan um mi asi.

JEREMIA 1:16

Ka mi tla chu an sual hen an ka kaltâk le, pathian dang tla sinah bâwlnâk ap hen milem tla an siam le, an sawnh ruangah ka rêp na awt.

JEREMIA 13:22

Zei rangah hi bang hi ka lakah a hawng tlung– zei rangah ka nipuan tla a tlêk hen tleihrêm hen ka um na ti mi asi chun na sual a fâk tuk ruangah asi.

JEREMIA 2:17

Israel, nangmah tak nih hi hi na lakah na tlungtir mi asi! Lampi tluan hen ka nan rui liauah, LALPA na Pathian na ka kaltâk.

JEREMIA 3:22

Kâng dang leiah LALPA hertâktu zawzawng, hawng kîr u; a nan damh na lai le, zumhkâi hen a nan siam na lai. Nannih nih, “Asi, kan Pathian asi ruangah LALPA sinah kan hawng.

JEREMIA 4:18

Juda, nangmah umdân leh thil na ti mi hen, nangmah tlûnah hi hi na tlungtir mi asi. Na sualnâk nih hi tuarnâk hi a umtir hen na thinlung a sunh asi.

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

JEREMIA 5:24

Fângzûn liau ruah leh fûr tlâk tîr ruah ka sûrtir le, kumsiar hen fângzûn tik ka nan pêk na khawm ah, hawng ka zah ding nan awt dahlo.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 7:19

Sikhawmsele, Kei hi, annih nih lung an hawng ka fâktir ding mi ma kasi? Silo, anmah nganfâk anna pêk hen ningzak anna saih mi asi.

JEREMIA 8:5

Chu hâwi asi chun, ka mi le tla, zei rangah hawng kîr lo rawh ding hen ka sinah mi nanna her ving? Nan milem lakah nanna bek thlir le, ka sinah kîr nawlh ding nan duh lo.

EZEKIEL 23:30

Na zuarnâk leh na hurnâk nih hi hi na lakah a hawng tlungtir mi asi. Phun tla lakah na zuar le, an milem lakah na nawmh.

EZEKIEL 39:24

Anmah thenhlimh lonâk leh sualnâk hâwi vima hen an tlûnah ka ti na le, ka hertâk na,” a ti.

HOSEA 11:7

Keimah thawk hen her ding an tum êu. An lakah phâisen nâwnnâk thâng hen a um ruangah an âu lai le, sikhawmsele âukhawm nih an thawh piak na lai lo.

HOSEA 13:9

“Israel mi tla, ka nan veih na awt! Âunih a nan ṭangpi na lai rawh ne?

HOSEA 14:1

Israel mi tla, LALPA nan Pathian sinah kîr u. Nan sualnâk nih an bahtir na le an tlûktir na.

HOSEA 4:16

Israel mi tla chu sanatung hâwi hen an lung a khung. Zeitin ram ningnonâk ah dawrâ hâwi hen ka châwm kho na lai?

HOSEA 5:5

Israel mi tla zumhnâk chu an tlûnah a âu. An sualnâk nih a bah hen a tlûktir na le, Juda mi tla khawm an sinah an tlû bâk.

HOSEA 7:2

Hi bang an sualnâk zawzawng hi ka theih ko ti an theih dahlo; sikhawmsele an sualnâk nih a kulh pang le, thuh pheh kho na ding an si lo,” a ti.

HOSEA 9:1

Israel mi tla, lunglotu hâwi hen na kût ni khua na ulh mi chu bâng rawh, na Pathian chu na pialtâk le, zumhkâilo hen na um. Ram pumpi ah Baal pathian sinah na zuar le, a sinah pêk ding hen fâng tla na ruat ruangah thungâi hen na lawmh!

AMOS 8:10

Nan kût ni tla chu mithi vûi ni ah ka changtir lai le, nanna lâwmnâk la chu ngaihsia hen âunâk ah ka changtir lai. Nan lû ka mêt lai le, salâpuan kan aihtir na lai. Nu leh pa nih an fapa an neihlem mi thihnâk ruangah an lungfâk mi hâwi asi lai. Chu ni chu khâtîk hen a dawng lai.

MIKAH 1:5

Hi bang zawzawng tla chu Israel mi tla LALPA tlûnah an hel hen an sual ruangah a hawng tlung lai. Israel helnâk ah hin âu me a mawh? Samaria, khuapi chu asi! Juda ram ah milem sawnh ruangah âu a mawh? Jerusalem chu asi!

ZEKARIA 7:11

“Sikhawmsele ka mi tla nih lungkhung tak hen an êl le, an ngâi duh lo.

ROM 3:18

An mitmuh ah Pathian ṭihnâk rerêng an nei lo,” ti hen, an sim hawi khan.

LÂIRÊL 10:13

Sikhawmsele, nan hawng ka kaltâk le, pathian dang tla nan sawnh nget rih. Churuangah ruang kan suah na awtlo rawh.