JEREMIA 2:18 - Bawm Common Language Bible Version

¹⁸ Aigupta ram ah kal hen Nile tiva ah mi tî din hen zei dingchangnâk tawng ding hen me na ruat? Asiria leiah Eufretis tiva tî din ding hen va kal chu zei dingchangnâk tawng ding hen me na ruat?

JEREMIA 2:18 ပူးပေါင်းရင်းမြစ်များ

2 CHRONICLES 28:16

Edom mi nih Juda an rûn le, minung tam tak an tleih na. Churawhchun, Asiria lal lianchem Tiklath Pileser chu ṭangpi a sâwm.

ISAI 23:3

Aigupta ram ah an chîng mi fâng tla châwk le zuar ding hen phun zawzawng tla sinah sawleh ding hen tipi kanh hen mi tla na fial na.

ISAI 31:1

Aigupta ah ṭangpi ding sâwm hen va kaltu tla chu an vân a duai! Aigupta râltuk kawrsen tam tak chaknâk rang tla, kari tla leh, kawrsen lakah anna ngauh. LALPA, Israel Pathian thenhlimh lakah a ngauh hen a sinah ṭangpi an deih lo.

ISAI 7:20

“Chu chu a hawng tlung tikah, Lalpa nih Asiria lal lianchem Eufretis varâl lei mi mul mêttu chu a chah lai le, nan khamul tla, na lû ah mi sam tla, nan tak mul tla a mêt peng lai.

JEREMIA 2:36

Phun dang pathian leiah na hawinâk nih nangmah a nan niam tir. Asiria nih na thinlung a dawnghtir mi hâwi hen Aigupta nih na thinlung a nan dawnghtir lai.

JEREMIA 31:22

Lungnâk nei lo mi tla, zeitiang riamruam me nan zenh awt? Nunau nih mipa a hum dân a dang mi hâwi hen thil zeimawh ka siam mi chu ka thartir le, ka dangtir,” a ti.

LUNGFÂKNÂK 4:17

Chim leh neng rê hen ṭangpi kan hâwl khawm ah a hawng tlung dahlo. Hawng kan pêk lo ding mi phun tla chu hawng kan ṭangpi ding hen kan ngâk.

LUNGFÂKNÂK 5:6

Buh paw khawp tawng ding leh nung ding hen Aigupta leh Asiria leiah deih ding hen kan kal.

EZEKIEL 16:28

“Midang tla lakah na chim lo rih ruangah Asiria mi tla na ṭhâwl na. An lakah â zuar mi na si, sikhawmsele, nangmah lakah an chim lo nget rih.

EZEKIEL 17:15

Sikhawmsele, Juda lalchem chu a hel le, amah ṭangpitu Aigupta sinah chun rang tam tak leh kawrsen tam tak a deih ding hen a fial. Chu chu a tawng lai ma? Chu nih chun ruang a suah kho lai ma? thutiam chu a râwk kho lai lo le, rêp lo hen a um kho lai lo!

EZEKIEL 23:30

Na zuarnâk leh na hurnâk nih hi hi na lakah a hawng tlungtir mi asi. Phun tla lakah na zuar le, an milem lakah na nawmh.

HOSEA 5:13

“Israel nih a damlonâk a muh hen Juda nih â liam asi ti a muh tikah chun, Israel chu Siria lal rokual tak ṭangpi deih hen a kal lai le, sikhawmsele anih nih a ṭhattir na hen an mâ tla a damh kho na ding asi lo.

HOSEA 7:11

Israel chu lâilêng zeikhawm theihlo hen a zuang mi hâwi asi le, a masa chem hen a mi tla nih Aigupta chu ṭangpi an deih le, churawhchun Asiria sinah an tek.

JOSUA 13:3

simlei ram ah Avim zawzawng, (Sihor va Aigupta ramri thawk hen Kanaan mi nih Ekron an ti mi marlei tiang hen, Philistia lalchem tla chu Gaza, Asdod, Askelon, Gath leh Ekron ah an um.)